كلهم شايفني زولة رخيصة ...قعت في السرير وبكيت زي نص ساعة .... كنت ببكي هو جاء داخل كان زهجان شديد فتح دولابو وبقي يفتش في شي وكان زهجان لي درجة...في الحظة دي كنت حاسة بي ظلم شديد ونفسي اطلع الجواب ...قمت وقفت جنبو وقلت لي وانا ببكي
ذنبي شنو عشان اي زول يتعامل معاي كدا أنا عملت شنو عشان تعملوا فيني كدا حتي مافي زول داير يفهمني أو يساعدني كلكم ضديتي مافي زول مصدقني
...وقف الكان بعملوا وقبل على وقالي: أنا مافهم إنتِ دايرة شنو أنا نهائي ما قادر افهمك ابداً أنا للآن مصدوم إنتِ مني بتعملي كدا عارفه أنا مصدوم لي!! عارفة!؟ عشان أنا كنت يوم من الأيام أستاذك وبشهد إنك محترمة وكنتِ اشطر زولة في الفصل والوحيدة الشايف كان عندك طموح بس بجد صدمتني وحطمتي اي شي كنت حاسسو جواك قال كلامو ده وطلع....هنا أنا بكيت زيادة كلامو كان زي السهم في نص قلبي ....كنت بقول مهما الناس فهمتني غلط هو ما ح يفهمني بس شكلي كنت غلطانة... الباب دقة مسحت دموعي سمعت صوت أمونة قالت لي: تعالي الغداء...ما كان نفسي أكل عشان كدا ما طلعت كنت سرحانة وبعاين في الصقف.... فجأة الباب فتح كان أستاذ اسعد كان زهحان ومضايق شديد قالي: أنتِ طرشة ولا ما بتفهمي مش قالوا ليك الغداء عاينت لي كدا وتاني قلت لي ما دايرة ...عاين لي مسافة وقالي عنك إن شاءالله ما اكلتي وطلع قفل الباب بي قوة ...
لحدي العشاء ما طلعت من البيت وكان عندي البريود وإلا كان طلعت عشان أصلي كنت مهمومة وعيوني وقعت من كترة البكاء ....الباب فتح جاء وقف في نص راسي قالي: قومي العشاء قلت لي بدون ما اعين ليهو مادايرة....كنت قايلاهو ح يدقني بس جاء قعد جنبي وقال لي مني....تاني قالي: لمن أتكلم معاك عايني لي ...قبلت عليهو وقلت لي: اها دايرة شنو سكت مسافة وقالي: يعني ما دايرة تاكلي قلت لي: أظن وريتك قبيل مافي داعي أعيد كلامي.... سكت مسافة وقالي: أنا آسف عارف قبيل اتكلمت معاك بي طريقة ما حلوة سامحيني بس أنا زعلان عشان قاطعتو وقلت لي عشان ما كنت متوقع إني أكون كدا ....هه ما أنت زيهم برضو....عاين لي تحت مسافة وقالي: طيب ممكن ما نجيب السيرة دي تاني ...يلا قومي عشان تاكلي ...قلت لي: ما دايرة مسح يدو في وشو وقال: مني بطلي حركات الشفع دي الحصل حصل خلاص ياخ أنا ما عارفة إنتِ دايرة شنو... قاطعتو وقلت لي: دايراك تخليني في حالي وزي ما قبيل قلت لي: إن شاء الله ما أكل زاتو....قالي: يعني زعلانة عشان قلت ليك كدا؟! طيب أنا آسف كنت مضايق وقلت ليك كدا وبعدين يا مني ده كلو ما بنفعك مش إنتِ عارفة إنك بريئة؟ تصبري ربنا هو ح يكشف اي شي بي مرور الزمن إن شاءالله الزعل صدقيني ما ح يفيدك ومعدتك ما عندها ذنب ...لمن قال كدا ما قدرت أمسك دموعي النزلوا قالي: اي ابكي ماقلت ليك ما تبكي بس ما تقفلي نفسك في اربع حيطان قلت لي: بس الحصل لي كلو ماقادرة استحملو قالي: ربنا كريم مش واثقة من ربنا ...مسحت دموعي وهزيت راسي بمعني اي ...قالي: طيب يلا قومي عشان تتعشي الزعل ما ينفع...قلت لي بي صوت باكي ط ط طيب ...ابتسم وقالي ح نستناك تحت ....قام وطلع...شلت نفس وقمت طوالي طلعت لقيتهم متلمين....جيت لقيت كرسي فاضي كان جنبو...قعت وعيني ما رفعتها .... استاذ اسعد مد لي العيش جنبي شلت وحدة ويدي بترجف .. وباكل براحة...رفعت راسي لي وهلة لقيت أمو بتعاين لي نفضت يدي وقمت قالي: علـ وين؟! قلت لي من غير ما أعين ليهو شبعت وطلعت طوالي...من رقت في السرير يادوب شلت نفس الجو كان مكهرب شديد ما قدرت أكل....رقت طوالي هو جاء وقالي: على فكرة أكلك تعبانة شديد لو استمريتي بالحالة الله أعلم ح تتعبي قلت لي: انت بتعمل كدا لي؟ قالي: عفواً!؟ قلت لي: بتساعدني لي وكل الناس وقفت ضدي!! قالي: في الحقيقة ماعارف فجأة لقيت الأمور وصلت لي هنا و جيت بيتكم....قلت لي: يعني ما كنت داير تساعدني؟ اخد نفس وقالي: عايني أنسي اي شي وخلي الأمور لي ربنا ...ربنا الكاتبو كلو لي خير...وقفل النور وجاء رقد .... أنا نمت طوالي عشان كنت تعبانة والايامات دي ما كنتَ بنوم زي الناس
