بعد قفل الخط إستغرب قلت ده مالو ده مش براهو قال لي تسنيم وريها مابقدر اجي....طيب مالو ولي بعمل معاي كدا داير معاي مشاكل ولا شنو ...
بعد نص ساعة بس الباب فتح بي قوة ...دخل أسعد وكانت معاهو تسنيم...دي الجابها شنو ؟! ...جاء وقف جنبي وهو بتنفس بي قوة قالي: مشيتي بالمواصلات لي مش قلت ليك ح اجيك السبب الخلال تركبي المواصلات شنو وريني....قلت لي: أنت مالك متناقص كدا مش براك قلت لي : أمشي بالمواصلات!! قالي: أنا متناقض!!! وكمان بتكذبي على متين قلت ليك كدا ...اي عارف نفسي اتاخرت بس تسنيم ضربت لي وقالت تعبانة...قلت أحسن اسوقها معاي المستشفى بتاعتكم عشان يفحصوها اجي القاكِ مافي ...إنتِ مالك دايرة تزعليني كدا لي ما بتسمعي الكلام....قلت لي: حسابك أنت شكلك نسيت اي شي ولا عامل فيها بتتناسا قصدك تعمل ده كلو عشان تتشاكل معاي.... قالي: إنتِ قصدك شنو ...قلت لي: مش براك قلت لي تسنيم اضربي ليها ووريها إننا جاين ولا كمان هسي هنا بتكذب...قالي: إنتِ بتقولي شنو دي شنو الاوهام البتقولي فيها دي....قلت لي: أوهام !!! حتي أسأل تسنيم هي براها قالت لي كدا....عاينت ليها وقلت : مش كدا يا تسنيم....قالت لي: في الحقيقة إنتِ غلطانة أنا ما قلت ليك كدا ...قالي: شفتي لمن أقول ليك أوهام صدقيني....حلفت لي وقلت لي: أنا جادة معاك تسنيم براها ضربت لي....... تاني عاينت لي تسنيم وقلت ليها: بتكذبي مالك إنتِ وريني بتستفيدي شنو لمن تكذبي....شلت التلفون ووريتو زمن المحادثة والوقت ...قلت لي: شوف هي ضربت لي بي تلفونك وقالت لي: إنك مابتقدر تجي ....شال التلفون وتاني عاين ليها وقال: الكلام ده صاح يا تسنيم....قالت لي: لالا ما صاح أنا صاح ضربت ليها .... كنت دايرة أضرب ليها بي تلفوني بس ما كان عندي رصيد قلت أحسن أضرب ليها بي تلفونك ووريتها إنو نحنا جاينكم عشان أنا تعبت شوية لو ما مصدقني اسألها....
قلت ليها: بتقولي في شنو إنتِ متين قلتي لي كدا ما تكذبي يا تسنيم أحسن ليك قالت لي: استفيد شنو أنا براي كنت تعبانة وشايلة هم ولدي ...البخليني أكذب شنو وأقول كلامي ده...لي بتفهيني غلط كل ما دايرة اصاحبك واقول يا تسنيم معليش اعتبريها صحبتك ما ضرتك بس إنتِ بتصديني قلت ليها: بطلي التُرهات دي أنا يادوب اكتشفت إنك سبب البلاوي دي كلها....قالت لي: بلاوي!!! أنا عملت لي شنو عشان تقولي لي: كدا...قالت لي أسعد الكان ساكت ومتابع حديثنا...يا أسعد قول حاجة ما معقول تكون ساكت كدا أنا مش كنت تعبانة يا أسعد البخليني أكذب شنو في وقت زي ده ...قلت لي: اي اي انصفها وتعال اضربني من جديد أصلاً أنا متنظرة شنو من واحد زيك....قال لينا: أسكتو ياخ أسكتو ما معقول معاكم دايرين تجننوني يعني بترتاحوا لمن تشوفوني مجنون صاح ؟! بي سرعة داير الكذابة فيكم وأحسن تطلع بدون ما أنا اتصرف واطللعها بي ذات نفسي...قالت لي: أنا ما عندي كلام تاني والقلتو ليك الصاح....
°انا عارفة الكذابة منو
كلنا عاينا على جهه الباب كانت أمونة جات وقفت في نصنا وقالت أنا عارفة الكذابة فيهم منو أسعد قاليها: وعرفتي من وين والجابك هنا شنو ...ابتسمت وقالت لي: عشان اكشف الغلطانة...وكانت بتعاين لي تسنيم حسيت تسنيم ارتبكت بس قالت ليها: والغلطانة منو ورينا... أمونة قالت أنا ما بصرف عربي كتير بس ح اوريكم الريكود ده وبراكم ح تعرفو منو الصاح ومنو الغلط....فتحت ونفس الكلام القالتو لي تسنيم من بدايتو لي نهايتو...بعد المقطع انتهي .... أسعد عاين لي تسنيم وقال ليها: لي عملتي كدا...قالت لي: أسعد افهمني أنا ...كورك فيها وقال: بتكلم معاك أنا لي عملتي كدا لي بتعملي معاي كدا وريني دايرة شنو إنتِ دايرة تخربي علاقتي معاها...هي كانت بتبكي بس قال ليها: أنا ما عارف أعمل معاك شنو زوتيها كتير يا تسنيم يلا على العربية هي بس كانت بتكي دايرة تتكلم نهرها وقال ليها: قلنا يلا...مشت طوالي وهو مشي بي وراها...ما فضل إلا أنا وامونة....قلت ليها: شكراً ليك يا أمونة أنا ممتنة ليك كتير والله...قالت لي: العفو ....كان لازم اكشفها...وقالت لي: ما تسكتي عن حقك وما تكوني مسكينة شيلي حقك بس بي طريقة زيكية ومشت مني
