بعنوان : قــــــدر مينــــة🖋
🥀بارت : 27🥀
❤بقلم: Hiba ikram ❤
سكتو قالبين وجههوم عليها ..حتى وحدة فيهوم مكاتحمل خديجة كاتجيهوم وحدة عايقة وحاسة فراسها وهي لي عارفة وفاهمة كولشي ومن غيرها مافاهم حد
حليمة جات بين نارين .ِبين خوتاتها لي كاتشم فيهوم ريحة واليديها ..وبين لوستها عمة ولادها ..لي تاهي ماتقدرش تخسر معاها كاتبقا مشاركة معاها دم ودمها يجري فعروق ولادها وعمر دم يولي ماا
بقات غير كاتشوف هاد الجو المشحون كولشي ساكت وحتى خديجة لاحضات هادشي وتبسمات وهي عاجبها الحال ..وكاتشوف كيف بحضورها سممات ليهوم الجلسة وخلات مناخرهوم يتنفخ بالقصة ووجههوم يزراقو
تبسمات فوجه سعاد لي كانت جالسة بعيدة عليهوم شوية
لآلة خديجة : سعااد ..اجي جلس حداي
سعاد : (تقدمات لعندها) هاناا لآلة
لآلة خديجة : مبروك عليك الحبيبة ...سمعت بيلي اتزوج
سعاد : (حنات راسها بحشمة) لله يبارك فيك
لآلة خديجة : اوا شكون هاد سعيد الحظ
إكرام : (بإستهزاء) قولي تعيس الحظ لي دا وحدة خدامة وبايرة من لفوق تاقفلات 34 عاد بان ليها تزوج
حليمة : إكراااام حشوومة
حورية : (بنت فوزية) مالهاا قالت غير صح اخالتي لبنت منين كاتقفل 20 كاتبور
لآلة خديجة : ئالتها الفاهمة الواعية ..اول حاجة يالحبيبة دياالي ...هاد الفكر غير فعئلك المخموج ...اما حناا عندنا بنت 20 شالاه بئا صغنونة تلعب وتفرح براسها ...وسعاد تبارك لله عليه خمس ولخمووس باائا صغيرة وغزااالة مشاء الله عليهاا ..مولاناا يحفضها من العين ...الحاجب حاجب والعين عيين ..الفم خاتم سليمان شعر مسبسب حريير ..وعاد صواب ولسان لحلو ودراع الحاار ..ماتعزلي فلبنات غير هي
مينة : اييه وعاد مباينش فيها عمرها كاتبان بحال ختك صغيرة أحورية
حورية : اوا حااشااك وهي قربات تولدني هدا لمضمون فيك ابنت خالتي وليتي تقارنيني بخادم
حليمة : حورية نعلي شيطان سعاد بنتي مااشي خدامة ربيتها وهي بنت 19 معزتها من معزة ولادي
فوزية : (بتلطيف) مااديش علييها اختي ...حورية معصبة شوية مع لولد وصاف
لآلة خديجة : (بهمس)غير هي والكلبة لي ولدو
ناضت حليمة تنهي هاد الهضرة منين شافت سعاد لون تبدل فيها وباينة ماعجبهاش لحال لأن هي عمرها حسبات راسها خدامة عندهوم دائما كاتشوف راسها وحدة من بنات دار ...بيتها معاهوم وماكلتها فوق طبلتهوم ..حتى من شغال دار يدها بيدهوم عمرها خملات وحدها ولا وقفات فالكوزينة بوحدها حتى من البيرمي نهار خداتو مينة خداتو معاها سعاد قد قد
أنت تقرأ
🍒 قصة قدر مينة 🍒بالدارجة المغربية
ChickLitمرحبا بيا معاكوم ومرحبا بيكوم معايا مغاديش نطول عليكوم. وماغاديش يكون تقديم للقصة حيت انا براسي ماعنديش مع تقديم الاهم عندي هو القصة وموضوعها لي نقدر نقوليكوم ان القصة ذات طابع واقعي 💯 لكن فيها شوية شوية من كل حاجة حقد ،انانية ، حب ، عذاب ، كره ،...
