عنوان : قــــــدر مينــــة🖋
🥀بارت :105🥀
❤بقلم: Hiba ikram ❤
..مينة: واش عارفة راسك اش كاتقولي
سعاد :اه عارفة راسي ووعاية اش كانقول ..هادشي راه بزاف وبزاااف كااع
مينة : لمرة لولة ماكانتش كانعرفو اصلا وهو تصرف بحال اي رجل شاف بنت واقف عليها واحد وهاز موص ...وزكريا ماشي شمكار هاداك راه صديق ديالي سنين هادي ومن لفوق راجل صاحبتي وحتى لمرة تانية كانو لكلاب تابعيني وانا وقفت اول طوموبيل جات قدامي وهو لي طلع فيها ..وحتى ديك لمرة ماكنتش عارفاها راه خطيبك ولا رجلك ولا زمر كاع ...وماشي اناا لي كانجي قدامو هدااك سميتو #القدر ..وقدري كايحطو قدامي وهدا ماشي دنبي سمعتيي ...من هادشي كامل اختي الى خايفة على راجلك مني بعدي منيي ..وسيري مانعاودش نشوف وجهك لا فداااري ولا فمحاااليي ..جمعي حوايجك ولله يعاونك ..وكل واحد لله يخلصو على قد نيتو
سعاد:(حاولات تشد فيها منين عاقت براسها زادت فيه) يهديك الله اميناا اش كاتقولي واش انا كانشك فيك واش منيتك اختي ..انا دويت غير على انه كايعرض راسو للخطر
مينة:(نترات يديها) طلقي مني ...كايعرض راسو للخطر ولا كايزبل بحالا انا لي كانمشي عندو ونقولو وقف اجي عتقني عفاك ...وهاد الغيرة دنم ماعندي ماندير بيها (قربات عندها وشافت فيها بحدة) خايفة من راجلك لا نديه ليك
سعاد:يهديك لله امينا انا ماقصدتش هادشي
مينة:واش كايصاحب ليك راني مكلخة ضحكي عليا بهاد زوج كلماه ...صحاب ليك معايقاش بيك ..كيكياتشوفي فيا منين كايكون قريب ليا ..ولا كيف كاتحاولي تباني قدامو ..ولا نهار خطبتك لي محيدة ليا لكسوة باش مانبانش حسن منك ...ولا داك نهار نيت منين جايبة ليا شال باش مايبانش صدري وحكا خفت عليك من لبرد .. ولا ليوم نيت فصباح ... انا رادا ليك لبال من نهار لول وكاندير عين ميكة ونقول ماشي مشكل ولكن دبا راك عيقتي وعيقتي بزاااف
سعاد:(بدات دمع) ختي حرام عليك انا ولله ماقصدت شي حاجة
مينة:ماتقوليش ليا ختي ...بزاف عليك الأخوة ..خوتك لي خارجة نتي وياهوم من كرش وحدة ونكرتيهوم وسمحتي فيهوم بقيت غير اناا ... ولله ايلى خايفة على راجلها مني ..واش منيتك ..واش معرفانيش كيدايرا ..فين عمري شفت فراجل دشي وحدة ..بقا غير ديال لبنت لي كبرات معيا وحاسباها وحدة منا ..ولكن كايقولها دير الخير ونساه اما بنادم نكار الخير .. دبا عاد فهمت كلام ديك القابلة عندكوم .. نتي هي نكار الخير لي قالت
سعاد : (دموع كايطيحو حجر من عينيها) مينا عفااك ماتقوليش هاد الهضرة وماتخرجيش لعيب
مينة:لعيب نتي لي خرجتي ليه ودبا سيري عليا منهنا ومنين نرجع مانلقاكش فداري ..والخير لي درنا فيك هو لي غادي يوقف ليك ودبا يالاه برااا عليااا (جات تهضر وهي تقاطعها بحدة) قلت ليك براااا ..خرجي عليااا من محاالي
أنت تقرأ
🍒 قصة قدر مينة 🍒بالدارجة المغربية
ChickLitمرحبا بيا معاكوم ومرحبا بيكوم معايا مغاديش نطول عليكوم. وماغاديش يكون تقديم للقصة حيت انا براسي ماعنديش مع تقديم الاهم عندي هو القصة وموضوعها لي نقدر نقوليكوم ان القصة ذات طابع واقعي 💯 لكن فيها شوية شوية من كل حاجة حقد ،انانية ، حب ، عذاب ، كره ،...
