بعنوان : قــــــدر مينــــة🖋
🥀بارت : 39🥀
❤بقلم: Hiba ikram ❤
...هزات يديها وضربات فيهاا ..سرعان محلات لباب واحد البنت عشرينية العمر بلباس عادي وشعر مجموع ضفيرة
بنت: سلام ، سمحولنا سادين اليوم !غدا ورجعو ان شاء الله
مينة: لا احبيبة انا جيت عندي عمتي خديجة
بنت: ااه نتي هي مينة ..(دفعات ليها الباب) دخلي اختي مرحبا بيك لآلة خديجة وصات عليك شوية وتجي ..دخلي
...تبسمات ليها فوجهها ودخلات ومن وراها سعاد ..مباشرة رجعات لبنت غلقات الباب وتبعاتهوم ..مينة مكانتش محتاجة لي يوريها طريق ..رياض عمتها حافضاه عن طيب خاطر
..رياض كبييير وآثاتو تقليدي صنع بامتياز .. مكون من ثلاثة طبقات .. طبقة الثالثة فيها ورشات صغيرة مجهزة بعدة مكانيات وعدة اثواب لصنع ملابس تقليدية بكل انواعها وخاصة القفطان المغريبي ...طبقة ثانية كانو فيها نساء لي خاصيين بطرز وتنبات ..المنتوج كايهبط من لفوق وهوما مكلفين فقط بخدمة عليه على حسب الطلب ..راندا.. كروشي.. ذبانة.. اما سفلي كان فيه ..قبات لي كايتم عرض اللباس فيها بطريقة منضمة ..جلابة فمكانها بوحدو ..قفطان وتكشيطة ..جابادور والقميص ايضا ..كولشي مرتب ومعلق ومقاد حسب تدرج الألوان وجودة الثوب وأكيد ثمن
...دخلات جلسات فأحد صالونات رياض لي كانت فيه جليسة صالون تقليدي صغير مع طبيلة خشبية مزخرفة ..وفوقها بعض الحلويات المغربية ..اونفاص ليها فوسط ددار كانت نافورة ماء جمييلة ومصنوعة من اجود انواع الرخام ...صوت الماء كايخليك تحس براحة رهيبة خاصة منضر الأشجار الصغيرة الخضراء لي محيطة بيهاا
...حطات ليهوم البنت آتاي وقهيوة ورحبات بيهوم علاما تجي لآلة خديجة
مينة: (كاترشف من آتاي) عمتي مزالا معطلة
البنت: لاا شوية وتشوفيها جات مشات غير تجيب واحد العقيق
...حركات ليها راسها وسرعان مغادرات البنت تشوف شغالها حتى هي
سعاد: ولله ماكرهت شي سكنة بحال هادي
مينة: تيانا ماكرهتهاش
...مرت تقريبا نصف ساعة وهوما جالسين حتى سمعو صوت وكلام عمتها لي بقدر ماهو حلو و زوين بقدر ماهو كايقتل سعاد بضحك كايجيب ليها لله خديجة جايا من شي كوكب آخر
لآلة خديجة: سووعااااد ..سوووعااااد افينك اديك المزغووبة
بنت(سعاد): (جات كاتجري فور ماسمعات صوتها) هناا آلآلة
لآلة خديجة: هاكي شدي هادشي وطلعيه لفوء وعطيه لخولة هي لي تخدم بيه ..عنداك تعطيه لديك لبنت جديدة مزال ماشدات فالخدمة
أنت تقرأ
🍒 قصة قدر مينة 🍒بالدارجة المغربية
ChickLitمرحبا بيا معاكوم ومرحبا بيكوم معايا مغاديش نطول عليكوم. وماغاديش يكون تقديم للقصة حيت انا براسي ماعنديش مع تقديم الاهم عندي هو القصة وموضوعها لي نقدر نقوليكوم ان القصة ذات طابع واقعي 💯 لكن فيها شوية شوية من كل حاجة حقد ،انانية ، حب ، عذاب ، كره ،...
