عنوان : قــــــدر مينــــة🖋
🥀بارت : 70🥀
❤بقلم: Hiba ikram ❤
ركبات فطوموبيل لحريق كايتقل فيها وهي محساش بيه من الخلعة لي شداتها الف مطرقة مطرقة كاضرب ليها فراسها حاولات تعاود تاصل بسعاد ومها لكن حتى واحد مكايجاوب
..طريق واخة قريبة حساتها بعيييدة بزااف وحلفات لا تسالات دموعها بدون ماتحس بداو كايهبطو وسيناريو حياتها داز قدامها فتلك اللحظات الجد القصيرة
..فرنات قدام الدار ولقات بابها لكبير محلول ..كل خطوة كاتخطيها كايراتفعو دقات قليها أكثر وأكثر ..دخلات وقادوها رجليها للباب ثانية طالعة فدريجات صغار بصعوبة من لحريق ومن رئية لي تضببات إثر تدمع عيناها ..هزات يديها وبدات كادق فلباب مرة وأخرى وأخرى لكن بدون جدوى سوارت ماعندهاش وحتى باش تفكر تدخل من الكراج مافكراتش فيها دماغها حبس وتمنات غير يجي شي واحد يعطيها الخبار ويبرد النار لي كاتحرق فيها من الداخل
...ربما ربي شاف من جيهتها ولبى ندائها ليه في صمت ..ماحسات حتى لقات امرأة واقفة قدامها وكاتحرك فيها من يدها لأنها ندات عليا عدة مرات بدون جدوى
***: مينااا ابنتيي مينااا
مينة:(تلافتات عندها مفزوعة) خاا..خاالتي
***:جري يابنتي لسبيطار راه باك بين الحياة والموت
...<باك بين الحياة والموت > جملة بدات كاتردد ليها فأذنها عدة مرات لون هرب من وجهها وشفايفها بياضو وقلبها فلحظة حساتو وقف مابقات كاتسمع وكاتشوف والو وكأن دماغها وحواسها كولهوم طفاو مابقاوش خدامين
***:(كاضرب فحناكها) ميناا ابنتي لله معاك ابنيتي قوي راسك راه ميمتك وحدها تماا (كاتنادي لولدها) يوونس واا يوونس اجي اولديي
...جا ولدها المدعو بيونس خبراتو يعاونها يدخلوها لطوموبيل ويديوها لكلينيك .. فعلا داكشي لي دار ركبوها فطوموبيلتها ومشاو مباشرة
...هي محاساش نهائيا براسها فين هي ؟!واش كادير؟! اش واقع؟! ومال باها ؟!
دماغها حبس فخطرة عينيها سرطو دموعها وجهها ماعليه حتى شي تعبير ساهية فنقطة واحدة وكاتشوف في صمت
صمت لي كايخلي النيران تشعل فقلب الواحد .. عدة احاسيس قاسية ومُرَّة كانترجموها فصمت ..كاين لي كاتجيه الصدمة بلبكاء وكاين لي كاتجيه بصراخ والغضب اما بطلتنا فجاتها بصمت وهي اصلا لحد الساعة مزال ماستوعبات اش طاري فعلا
...طريق كانت شوية بعيدة وهاد المرة العكس لي وقع ماحساتش بيها نهائيا كيف دخلوها لطوموبيل عاودو خروجها جاب ليها لله يالاه جلسات وققات بسرعة ...شداها المرأة من يدها ومكيداها فطريق لو طلق منها تقدر طيح فلبلاصة ولا دخل فشي حاجة بكثرة مامستوعباش اش كايدور حولها
أنت تقرأ
🍒 قصة قدر مينة 🍒بالدارجة المغربية
Literatura Femininaمرحبا بيا معاكوم ومرحبا بيكوم معايا مغاديش نطول عليكوم. وماغاديش يكون تقديم للقصة حيت انا براسي ماعنديش مع تقديم الاهم عندي هو القصة وموضوعها لي نقدر نقوليكوم ان القصة ذات طابع واقعي 💯 لكن فيها شوية شوية من كل حاجة حقد ،انانية ، حب ، عذاب ، كره ،...
