بعنوان : قــــــدر مينــــة🖋
🥀بارت : 57🥀
❤بقلم: Hiba ikram ❤
خرجات حورية كاتقلب على مينة فين زادت وتقول الارض تشقات وبلعاتها ...خافت عليها خصوصا لكلاب دالمنطقة كايكونو مجعورين وخصوصا مع البارني
...بقات تقلب تقلب وتقول واش صابتهاا تادارتها على لله ومشات جيهة الواد على لله تلقاها تما ..وفعلا ماحدها كاتقرب وهي كاتبان ليها جالسة جنب الواد وريح كايضرب فيها وصوت آذان المغرب مجهد كايتسمع
حورية: مينااا (بنداء)
مينة:(صمت)
_تنهدات فسرها عاد تقدمات وجلسات حداهاا ضامة رجليها تاهي عندهاا وقالت : عييت نقلب عليك خفت طرالك شي حاجة
مينة:(كاتمسح دموعها) هادي لبلاصة الوحيدة لي عارفة
حورية: عارتلله ماديري فبلاك سعاد فمها مبلوز
مينة: تقدر هضرتها تكون بصاح ولكن انا مانويت فيها والوو بالعكس هي صاحبتي وختي ومانبغيلها غير الخير
حورية:(وقفات ومدات يديها) نوضي يالاه نرجعو لدار راه ضلام تايطيح
مينة:(شدات فيدها وناضت) مابغيتش نرجع بغيت نمشي بحالي
حورية: فين بيتي تمشي فهاد الليل واش هبلتي (جراتها ) زيديي زييديي يالاهيي بحالك وهاديك دبا تبرد وعضريها تانتي راه هنا بنات لي قدي كايتسماو بايرين عساك هي لي ف 34
...ماعوداتش هضرات من ورا كلام حورية فضلات تسكت وأصلا ماعندها ماتقول اللهوما تسكت ...عينيها يبسو فطريق ومعاوداتش بكات راسها غير كايدور وكايخمم فاش الله وعلم
دخلو لداخل لقاو ام العريس مشات بحالهاا من بعد مراساو للغد ليه ...تلاقات ليها رقية فالباب كاتسولها فين مشات وكاتخبرها بيلي تهولات عليها لدرجة سيفطات ولدها يقلب عليها ...عتذرات منها على الازعاج ودخلات لداخل البيت اما حورية مشات توجد العشاء مع زوجة الاخ الاكبر
..دخلات للبيت لقات سعاد لابسة تكشيطة لي خدات من عند خديجة وطالقة شعرها ومكحلة العينين ..كادور قدام لمرايا وهي فرحانة ودايرا فوق راسها تاج صغير دلعرائس ...فور مشافتها هكاك مشات نيشان وتخشتت فلفراش جارا بيسي ديالها كاتقاد ليكوموند لي كايوصلوهاا
...سعاد فضلات تسكت وحيدات حوايجها وهاد المرة لبسات غير بيجامة عادية وواسعة عكس منين كانت ام العريس تقادات وزيرات على طرف
- بقات حتى جمعات حوايجها عاد تقدمات وجلسات جنب مينة لي خاشية وجهها فالبيسي وكابحة دموعها: دبا مالك تقلقتي علياا
مينة: بعدي مني لله يرحم ليك الواليدين
سعاد: والدينا والديك اختي
أنت تقرأ
🍒 قصة قدر مينة 🍒بالدارجة المغربية
Chick-Litمرحبا بيا معاكوم ومرحبا بيكوم معايا مغاديش نطول عليكوم. وماغاديش يكون تقديم للقصة حيت انا براسي ماعنديش مع تقديم الاهم عندي هو القصة وموضوعها لي نقدر نقوليكوم ان القصة ذات طابع واقعي 💯 لكن فيها شوية شوية من كل حاجة حقد ،انانية ، حب ، عذاب ، كره ،...
