عنوان : قــــــدر مينــــة🖋
🥀بارت : 68🥀
❤بقلم: Hiba ikram ❤
خرجات لعندو كاتقرقب بطالون وشعرها كايتراقص حول خصرها ..من مشيتها كاتبان ليك حاسة براسها وعاجبها حالها ..دخلات لطوموبيل لي كان رباعية الدفع ..تقادات فالجلسة وجرات شعرها ورداتو للقدام باش مايعنكشهاش فلجلاس
فؤاد: فين غادية بهاد الزين ..بغا طيري لمي لعقل
مينة:(بدلع) علاش نتا مزال مطار ليك
فؤاد:(شد يديها وقبلها بحب) معاك طار لعقل من زماان
مينة:(جرات يديها) براكة دبا من الهضرة لحلوة وارا لي المفيد
فؤاد: اوا هي لابغيتي تمشي معايا لدار
مينة: (غوبشات) إناا دار ؟! هاد الموضوع سديناه خمس سنين هادي
فؤاد: مال نيتك ديما عوجة امينا واش تعرفيني انا ديال هادشي
مينة: اوا مانعرف نتوما رجال تفكيركوم واحد
فؤاد: كاضلميني بهضرتك ..لا أنا باقي برهوش ولا نتي بقا برهوشة
مينة: هاد الهضرة قولها لراسك واجي ديني من دارنا بعزي ومعزوزي
فؤاد: ( قلب وجهو وساط) انا هادشي علاش جاي ندوي معاك اصلا ..خلينا نمشيو لداري ندويو فراحتنا والهضرة لي عندي ليك غاتفرحك
مينة: سير اسيدي نشوفو هاد الهضرة
فؤاد:(جر يدها باسها) ورخفي فيك النفس امنونتي
مينة: (طلعات يدها للحيتو ولعبات فيها) هاهي نفس مرخوفة اسيد الرجال
فؤاد:(ديمارا ناشط) اوا هادي هي مينة لي كاتعجبني
مينة: احح عليك كاتموت فتحلوين
فؤاد: اححح عليك نتي من ديك احح ديالك
...طلقاتهالو بضحكة دشيخات وهو حداها ناشط وغادي فطريق وجهتو دارو ..مرة مرة يدور يخطف فيها شوفة ويعبرها عاجباه ومنشطاه لحد الجنون ...حاس براسو مالك دنيا ومافيها منين كايشوفها كيفاش مقادة وزوينة وهي ديالو وتموت عليه
...هي تاهي احساسها مغاير عليه راسها كايفصل ويخطط وموضوع واحد لي فبالها هو انه غايطلبها لزواج ... هادشي لي خلاها توافق تمشي معاه
مسافة طريق كانو وصلو قدام حي راقي هبطو ودخلو لمعارة مشاو نشيان لطابق الرابع هي حافظة طريق حيت فايتة جات لهنا مامرة مازوج حتى لنهار لي بغا يتقرب منها تما صداتو ومن تم حلفات لاعاودات حطات رجلها تما وهاهي اليوم كاتخلف حلفتها
...اباخطومون كانت رجالية مئة بالمئة غير من تصميمها لي مصممو فؤاد براسو .. كاتحس راسك كأنك داخل لشي دار فأمريكا ..كوزينة مفتوحة على صالة وحس الآثات المغربي مكايدورش فدار فقط فوطويات وجليسات دجلد مع طبالي دزاج والأرضية خشبية ولا زربية صغيرة كادور فيها
أنت تقرأ
🍒 قصة قدر مينة 🍒بالدارجة المغربية
Romanzi rosa / ChickLitمرحبا بيا معاكوم ومرحبا بيكوم معايا مغاديش نطول عليكوم. وماغاديش يكون تقديم للقصة حيت انا براسي ماعنديش مع تقديم الاهم عندي هو القصة وموضوعها لي نقدر نقوليكوم ان القصة ذات طابع واقعي 💯 لكن فيها شوية شوية من كل حاجة حقد ،انانية ، حب ، عذاب ، كره ،...
