بعنوان : قــــــدر مينــــة🖋
🥀بارت : 48🥀
❤بقلم: Hiba ikram ❤
يوم جديد اليوم الموعود بنسبة لسعاد لي غاتلاقي فيه عائلتها ...المشية دهاد المرة ماشي بحال السابق ..هاد مرة غاتمشي احتفالا بخطوبتهاا ولي بعد مدة قصيرة غاتهنا من لقب البايرة ويولي لقبها مرآة الراجل
...مثلها مثل جميع البنات لي فسنهاا كاتشوف راسها قربات 35 وهي بقا بلا راجل ..كلمة البايرة رافقاتها منين دخلات ل آواخر العشرينات ...كلمة لي حطماتها مامرة مازوج ..ولي خلات تقتها فراسها تزعزع ودائما كانت كاتلوم راسها قبل كل شيء وعدة أسئلة كاطرحها على نفسها ..ياكما انا مازويناش ؟! ياكما فيا شي عيب؟! ولا حيت انا غير خدامة عند ناس مابغا يجي حد؟!
...اسئلة عدييدة وعدييدة كانت كاطرحها فنفسهاا وكاتهلكها شيئا فشيئا ..مالقات ليها حل ومالقات ليها جواب ...فالآخر عيات وستسلامات وحيدات زواج من بالها بصفة عامة وقررات تخلي الامر لله سبحانه
وفعلا ربي ماخيبهاش كيف مكايخيب اي واحد وكلو على شي أمر ...
... على دعوات الأم الحنون وتوصيات الاب ...خرجات مينة وسعاد ...ركبو فطوموبيل وكسيراو غاديين لبلاد سعاد لي كان بالقرب لمدينة مراكش
...مكبطين من البرد لي كايكون فصباح البااكر سعاد بجليليبة مخزانية وبوط طالع مع كاب مشعر ..ومينة بلاباسها المعتاد كبوط صوف خفيف وسروال دجين اسود مع بوط طالع لركابي ومونطو دان
طريق بين مكناس ومراكش كانت طويلة بزااف ومتعبة تقريبا خمسة دساعات سياقة متواصلة بدون توقف فطريق سيار ... ساعة كانت كاتشير لزوج وجوع بدا يدخلهوم مع طريق وتعب نال منهوم وخصوصا مينة لي كانت سايقة
مينة : هلكني جووع اختي ماكرهتش شي طويجن فاعل تارك
سعاد: ههههه جيتي لبلاد لخير وكلتي فيا جوع (كاتحل سمطة) هبطي هبطي نسوك اناا غانديك لواحد ريسطو كايسرع طواجن
مينة:(هبطات وركبات فبلاصتها فحين سعاد كاتستاعد لسياقة) عنداك غير تخشينا فشي حيط
سعاد:مالي ياختي سعيتك راني ببيرمياا
مينة:(كاتشهد فنفسها) اييه غير منهار شديتي داك لبيرمي ماسكتي شي طوموبيل
سعاد: ماتخافييش تانتي تيقي فيا ياه
....لي خافت منو مينة طاحت فيه سعاد تبارك الرحمان قلبات ليها المعدة ودوخة شاداها من سوكانها المسكد ..طريق كولها وهي تغاوت وتساب مع عباد الله ماوصلو تاكان ربي غفر لله ذنوبهاا
سعاد:(فرانات تاتحكو روايض طوموبيل) يخ يخ يخ اربي سلامة بنادم حمار مابقا حد يعرف يصوك
مينة:(شادا راسها وتقية شاداها) اربي سلامة منك نتي ...اميمتي على سوكان عندك كنتي غاتقتلينا المصيبة
أنت تقرأ
🍒 قصة قدر مينة 🍒بالدارجة المغربية
ChickLitمرحبا بيا معاكوم ومرحبا بيكوم معايا مغاديش نطول عليكوم. وماغاديش يكون تقديم للقصة حيت انا براسي ماعنديش مع تقديم الاهم عندي هو القصة وموضوعها لي نقدر نقوليكوم ان القصة ذات طابع واقعي 💯 لكن فيها شوية شوية من كل حاجة حقد ،انانية ، حب ، عذاب ، كره ،...
