🌸عنوان : قــــــدر مينــــة🌸
🥀بارت :125🥀
❤بقلم: Hiba ikram ❤
🌾الفصل الثاني :حياة جديدة وقدر جديد🌾
...تنهدات ناهد حيت عارفة مينة مامتقبلاش اب وردة واخة تدوي معاها حتى تعيا لي فراسها فراسها اللهم تقلب ليها الموضوع
ناهد: دبا قوليلي لاش سيفطتيلي مساج
مينة: فؤاد باغي يشوفني قالك
ناهد:ناري كانتفكر اش درتي ليه كاتشدني سخفة
مينة:(جاتها ضحكة) هههه واييه حكمو عليه ب 8سنين دالحبس
ناهد:لمك ماقلتيهالي حتى دازت عام عاد عتارفتي
مينة:خفتك ديريلي فيها المفتي وانا نسكت
ناهد: دبا اش باغي منك تاني عماين وهو تابعك ياكما باقي عندو شي تصاور
مينة : تت ..مكانضنش واش باقا عندو شي حاجة
ناهد: شتك تايقة فراسك
مينة: معلوم..حيت كون كانت عندو شي تصويرة ولا شي حاجة كون فضحني نهار لي دخلتو لحبس ولا نهار لي طلقاتو غزلان وهربات بلبنت لفرانسا
ناهد:انا مامرتاحاش ليه خايفة تكون باقا شي حاجة
مينة: وتكون..صحاب ليك انا ساهلة ليه ايلا يحل فمو نعطيه لي يشللو حياتو كاملة
ناهد: شنو مزال باغا ديري
مينة: كل حاجة فوقتها مزيانة ..ودبا خاصني نمشي غدا لعندو باش نعرف اش كاين ونسد موضوع ديالو
ناهد:(وقفات هازة صاكها) انا غادا خليت محل خاوي وزكريا مسافر ..وعاد خاصني ندوز لصالون نشوف دوك لبنات اش دايرين ليا تما
مينة: غدا مع 12 غادي تسيفطيلي شي زوج من عندك يقادوني خاصني نبان بومبة
ناهد: نتي اصلا بومبة ..لمك غير قوليلي اش كاديري لاطاي عندك مقو__دة
مينة: لي كاندير هو سبور والأكل الصحي ..ماشي بحالك كادخلي فطاجين الغنمي مكاتنوضي حتى كاتلحسيه وبغيتي لاطاي تقاد ..دخلي لسبور وديري ريجيم لابغيتي طرمة وصدر
ناهد: وااوالو انا عييت من دوك الوصفات زعما نزيد شي حاجة ولا نكبر
مينة: امم باغا نتي لاطاي دعارضات الازياء بدانون مسوس ولا زنجلان وحبة حلاوة ..ادخلي لاصال وقطعي لخبر والمرقة وشوفي واش تقادي ولا لا
ناهد: سيري ياختي نتي لي جات معاك هنا مشيت لله يعاونك
...خرجات معاها ودعاتها ومافارقو حكيم من على وردة غير بلكشاايف ..لصقات فيه لصقة وحدة وحتى هو مابغاش يطلق منها ..حتى هرباتها مينة لبيت وسدات عليهوم
أنت تقرأ
🍒 قصة قدر مينة 🍒بالدارجة المغربية
ChickLitمرحبا بيا معاكوم ومرحبا بيكوم معايا مغاديش نطول عليكوم. وماغاديش يكون تقديم للقصة حيت انا براسي ماعنديش مع تقديم الاهم عندي هو القصة وموضوعها لي نقدر نقوليكوم ان القصة ذات طابع واقعي 💯 لكن فيها شوية شوية من كل حاجة حقد ،انانية ، حب ، عذاب ، كره ،...
