عنوان : قــــــدر مينــــة🖋
🥀بارت : 81🥀
❤بقلم: Hiba ikram ❤
_ناهد قطعات ليها مينة فقلبها حضنتها بجنب خلتها تحط رسها على صدرها وكتهدر معها وقالت: حبيبة شش بركة عليك طيبتي لي قلبي صبري كولشي غايرجع كيف كان غير شوية دصبر
مينة: (تنهدات وهي فحضنها) قلبي تشوا اختي تشوا تخلط عليا كولشي بابا مشا وبلا منشوفو وفنفس الوقت خيبت ضنو فيا هو عمرو توقع بلي بنتو مينة اتكون بهدا الحقارة ضربت تربيتو ليا فزيرو خنتو اهئ اهئ اختي انا خنت بابا وسخت شرفو وهو مات فنفس نهار لي خنتو فيه مكانش عندي وقت نطلب منو اسمح ليا
ناهد: كلنا كنغلطو ونتي غلطتي وطلبي الله اسمح ليك مدام نتي ندمتي واصلا نتي درتي دكشي مرة وحدة فلحظة ضعف منك مالكي كتهدري بحلا كنتي تخرجي كل ليلة(كيهدرو بهمس غير بناتهم)
مينة: فلحظة ضعف كيف قالتي انا زنيت فيها وضيعت راسي وغنبقا ندفع تمن ديك لحظة طول حياتي هئ هئ هئ
ناهد:عرفتي شنو نوضي معيا يلاه تغسلي وجهك وسكتي اتفضحي راسك ندمتي جدي علاش سولتك قبل كون غير معرفتش اش وقع ليك كان حسن ليك ملي قالتي ليا اش درتي ونتي جلسة تعودي فنفس سيرة
...وقفاتها معاه بزز تحت عيون اناس ليهوم ..خرجو من تما فطريقهوم تلاقاو بسعاد داخلة هي وراجلها
سعاد"(عنقاتها) سمحيلي احبيبة تعطلت عليك
مينة"(بإرهاق) عاد جاو ناس اصلاا
ناهد: سعاد مبروك زواج عرضي عليناا غير بلكذوب
سعاد:(شافت فراجلها لي دخل عند رجال مبعد من حديث النسوة) فين كانشوفوك باش نعرضو عليك ..وزايدون مادرت لا عرس لا واالو
ناهد: اوا نسالوهالك فسبوع
سعاد: ان شاء الله حتى نحمل بعدا نخاف غير نبقا سنين بلا حمل بحالك
ناهد: اوا اناا لي بغيت وحتى دبا من نهاري نصبح حاملة
مينة:(راسها حرقها بهضرتهوم) براكة بلاماتبداو تاني ..انا طالعة لبيتي
ناهد:(خنزرات فسعاد) سايني نجي معاك لجو تخنق هناا
سعاد:(بدلاتها نفس النضرة) نمشي نسلم على خالتي
ناهد ; احسن ماديريي
...سعاد دائما فوجود ناهد كاتحس براسها غير زايدة وهي وسطهوم ..كاتحس بيلي مينة كاتنساجم معاها اكثر وهي لاوجود لها بينهم
دخلات سلمات على حليمة وخرجات فطريقها شافت زكرياء واقف مع عز العرب لي عاقد حواجبو فلوسط ويديه مربعهوم.. حققات فيهوم وداز فراسها لبلان لي عاودات ليها مينة ..عاد كملات طريقها للبيت الفوق
...فلبيت الفوق كانت جالسة ناهد غادية جاية وحداها مينة كاتنشف وجهها بفوطة من بعد مكانت غسلاتو
أنت تقرأ
🍒 قصة قدر مينة 🍒بالدارجة المغربية
Literatura Kobiecaمرحبا بيا معاكوم ومرحبا بيكوم معايا مغاديش نطول عليكوم. وماغاديش يكون تقديم للقصة حيت انا براسي ماعنديش مع تقديم الاهم عندي هو القصة وموضوعها لي نقدر نقوليكوم ان القصة ذات طابع واقعي 💯 لكن فيها شوية شوية من كل حاجة حقد ،انانية ، حب ، عذاب ، كره ،...
