🌸عنوان : قــــــدر مينــــة 🌸
🥀بارت :176🥀
❤بقلم: Hiba ikram ❤
🌾الفصل الثاني :حياة جديدة وقدر جديد🌾
مينة: انا ماشي بزاف باش تزوجت مزال مادار العام..واكن من ربيع مكاندير لا دوا لا ابرة لا حتى حاجة ومزال مجاب لله لولاد
امل: بعد مبروك عليك الزواج ..تزوجتي بفؤاد
... قالت ليها فؤاد حيت واخة هي مشات بكري وهاجرات مور لباك ايلا ان العلاقة بيناتهوم ماتقطعاتش وبقاو على تواصل وكاع صحابات مينة كانو عارفينها معاه
مينة:( تحرجات) لا ماشي بيه ..(بغات تبدل الموضوع) انا ديجا كنت دوزت عند واحد طييبة فمكناس وقالت لي كولشي عندي طبيعي ..غير جيت بغيت نزيد نتأكد ونحيد الشك
امل: بون ...انا نبسط ليك باش تفهميني مزيان ..فبحال الحالات ديالك كايكون عادي ايلا تعطلتي حيت مزال مادار العام كيف كانقولو ...فين كايبدا شك حتى كايدوز عام ..وهنا كايجي معاك حتى زوج ديالك حتى هو خاصو يدير شي فحوص حيت ماشي المراة هي لي كاتكون مريضة راه حتى رجل يقدر يكونو عندو مشاكل وهادشي راه وارد
مينة: وي فهمتك ولكن انا زوج ديالي ديجا والد ماعندوش مشكل فالانجاب وانا اصلا بغيت غيير نزيد نتأكد راه ماعندي والو وماكرهتش حتى تعطيني شي فيتامينات يعاونوني
امل: واخة اجي معايا نقلبك ونشوف
...مشات معاه مينة لفين قالت ليها وبدات تقلبها دارت ليها ايكو هو لول حتى بدات الضغط ليها على كرشها ...شوية خرجات عينيها وبدات تزيد تبرك تاتآوهات مينة بالحريق... عاد ناضت من تما وعطاتها باش تمسح وخرجات لبرا حتى تبعها
...مينة دقات قلبها تزادو حسات بملامح امل كايتبدلو وهي كاتشوف اش عندها ..عرفات بيلي كاينة شي حاجة وهنا بضبط عرفات راسها راه نحس فعلا تابعها
مينة:(جلسات حدا بيرو) أمل شنو كاين راك خلعتيني
امل: انا مانقدر نقولك دبا والو
مينة:(قلبها بغا يسكت بالخلعة) راك خلعتيتي قولي اش كاين
امل:(شدات ورقة بدات تكتب فيها) غادي تمشي لهاد العنوان لي كتبت ليك وقوليلهوم راك جيتي من طرفي باش يسبقوك دغيا وتسناي يخرجو تحاليل داكساعة عاد نقوليك اش كاين
مينة: خلعتيني اصاحبتي حرام عليك
امل: سمحيلي اميناا ولكن انا مامتأكداش ديري اش قلت ليك عاد اجي
...استسلمات مينة للأمر الواقع وهبطات بحالها ومشاعرها مضاربين ..الخوف والحزن كانو طايغين على وجهها
مع الخرجة وبحكم العيادة كانت فأبارطومون ..تلاقات بامرآة هازة فيدها بنتها والبنت كاضحك لمها وتنادي عليها ...وشحااال ضرها خاطرها على هاد المنظر لي قدامها
أنت تقرأ
🍒 قصة قدر مينة 🍒بالدارجة المغربية
Chick-Litمرحبا بيا معاكوم ومرحبا بيكوم معايا مغاديش نطول عليكوم. وماغاديش يكون تقديم للقصة حيت انا براسي ماعنديش مع تقديم الاهم عندي هو القصة وموضوعها لي نقدر نقوليكوم ان القصة ذات طابع واقعي 💯 لكن فيها شوية شوية من كل حاجة حقد ،انانية ، حب ، عذاب ، كره ،...
