🌸عنوان : قــــــدر مينــــة🌸
🥀بارت :128🥀
❤بقلم: Hiba ikram ❤
🌾الفصل الثاني :حياة جديدة وقدر جديد🌾
ماتفرقات مينة على نعيمة حتى طيباتها بتوصيات اما حتى ناهد ركبات طوموبيلتها وهربات لدار عند ولدها
...مسافة طريق حطات طوموبيل فالكاراج وطلعات لدار لقات ناهد دارت شرع يديها وطيرات شوميز لمينة ولبساتها وجلسات كاتمسح المكياج ..
مينة:(كاتحيد صندلة) نعسو دراري
ناهد: راه زوج دصباح هادي اجي تسهطي انا قتلني نعاس
مينة: صبري ندوش راه قتلني العرق
ناهد: غير طرفي بحالي تالصباح عاد دوشي
مينة:عندك صح نيت عييت تسخسخت هاد نهار هالحباسات ها الخدمة او بزاف عليا انا هادشي ..ايمتا يدير عقلو نعطيه حقو نرتاح ليا
_سالات وجها وتخشات فلفراش: دبا يهديه الله اجي قوليلي اش درتي مع فؤاد
_ عاودات ليها بالمختصر وهي كاتبدل حوايجها
ناهد: ناري ياختي مايقد عليك غير لي خلقك
_شادا قطن فيدها كاتحيد صباغة: انا ماسوقيش فيه هو لي قلب عليا وهاهو لقاني
ناهد: عرفتي فاش فكرتيني
مينة: امم.فاش
ناهد: يامات سطاج منين كنا كانسطاجيو وكانديرو شي زبلة ونجيو نجريو عندك تلقاينا الحل ..ههه عقلتي على محسن كان مسميك حديدانة
_بدات ضحك وتخشات حداها: ناري دوك ايام كانو غزالين احسن حاجة سطاجيت معاك فنفس لبلاصة
ناهد:(كاطلع حجبانها) كنت قرايا عليك لمك
مينة: كان طايح فيك داك استاد هههه عقلتي نهار جات مرتو وبغات تنتفك
ناهد: يااك شفتيني غير انا ماعقلتيش على حمزة
مينة: اللهم حمزة ولا داك شارف..ويلي هه نسييت حسام نهار قالك عارضك عند مولات لحريرة
...بقاو ديك ليلة كاملة كايتعاودو ويتفكرو ايامهوم مع بعض وصحبتهوم لي دازت عليها دبا عشر سنوات وعمرهوم تفارقو ولو نهار واحد ولا تخاصمو ..ناهد ومينة نموذج لصداقة الحقيقة واقفين بجنب بعض فخايبة قبل زوينة صحبة دالمعقول ماشي بالفم
...بقاو هكاك مانعسو حتى وذن عليهوم الفجر عياو يتقاتلو ينوضو يصليو لكن والو ناهد غلبها شيطانها اما مينة فناضت صلاة وقرات قرآن على روح واليديها عاد تخشات ناعسة من بعد ماطلات على لولاد
*
*
*
فايقة كاتجري منهنا لهنا لبسات فراشة حرير ودارت اكسيسواراتها الذهبية كاتقاد فراسها وتلبس فوردة لي دايخة بنعاس حنيكاتها حومر وعينيها مسدودين باغا غير تنعس
أنت تقرأ
🍒 قصة قدر مينة 🍒بالدارجة المغربية
ChickLitمرحبا بيا معاكوم ومرحبا بيكوم معايا مغاديش نطول عليكوم. وماغاديش يكون تقديم للقصة حيت انا براسي ماعنديش مع تقديم الاهم عندي هو القصة وموضوعها لي نقدر نقوليكوم ان القصة ذات طابع واقعي 💯 لكن فيها شوية شوية من كل حاجة حقد ،انانية ، حب ، عذاب ، كره ،...
