بعنوان : قــــــدر مينــــة🖋
🥀بارت : 63🥀
❤بقلم: Hiba ikram ❤
سعاد: هداك واخة شرع عطاه ربعة هو داير مابغا ومزيغينو دوك لفلوس لي جامع
رقية: هداك ابنيتي عندو مراة وحدة لالة يطو مرة شلحة قحة مقوعطهاا من زماااان هدا وهوما مزوجين ..هي بنت شيخ لقبيلة لي حداناا تزوجها طمعية ساعة تصابت قبيلتهوم مكاتورتش للبنات
سعاد" اوا لحاج كب لما على كرشو وتصابت يطو مكاتولد غير لبنات ..تما جعر عليهاا وبدا يتزوج عليها وهي مسكينة مكان عندها ماتقول
رقية: طلاق كان عيييب فوقتناا وباقي عيب فدوارنا .ِرباح لبنت تموت وماتجي مطلقة لدار باها ..وخصوصا لكانت بنت ناس لكبار كاتسمى داكساعة عيب وحراام كاع
مينة: راه الجهل هدا كايتسمى اخالتي وسمحيلي
رقية: هادشي لي عطا لله ابنتي وصعيب تبدلي عادة قديمة والعروبية ماشي هي لمدينة
سعاد: ماعلينياش ..ولا لحاج كايتزوج. غير بلفاتحة وشلااا عيالات دوز وكايواعد لي تجيبلو لولد لي يحمل سميتو ويهز ملاكاتو يعقد عليها ويكتب ليها لي بغات فرزقو
مينة: وماعمرو ولد لولد
سعاد... فرح بيه مرة وحدة وماكملاتش وفرحتو
رقية (تنهدات) ايييه بقا نعقل عليها بحال لبارح كانت واحد لبنت من دوار سميتها تلايتماس (اسم أمازيغي) كانت زيينة وعاطية لعين ودرويشة كانت يالاه قفلات 16 لعام..كيشافها لحاج لصق عليها وباين لبنت كان طمااع غير شاف لفلوس وعطا بنتو
مينة : ماتقوليليش زوجها لييه
سعاد: وااييه كون غير كانت شي تزويجة ذلقلب
رقية: المسكينة هزات من دخلتها وحملات ونهار كانت تولد ولدات لولد... لحاج منين شافو لولد مداهاش فديك لي فدمها كاتغرق كانت صغيرة ووالدة قبل لوقت ماقداتش على حريق لولادة ..احح مسيكينة مجا صباح يصبح عليها تكان مول الأمانة دا امانتو وروحها طلعات عند خالقها ولمغرب باقي مادوات كانت روح داك صابي خرجات
مينة: نااري مسكينة ياربي ترحمهاا
سعاد: راحمهاا ربيي كيت داك الشارف لهارف لي ماعرفتش باش غايلقى لي خلقو
مينة:وهكاك باغيك ولايني ماعندو علاش يحشم هاد سيد
رقية: اوديي ابنيتي لله يهدي ماخلق ولله يرد بيه هدا مانقولو
سعاد: بحال هداك امي دعي معاه بالله يديه اما حتى الهداية بزاف عليه
وصلو لدار هبطو ولقاو حورية كاتسيق فم لباب استقبلاتهوم بعدة اسئلة منها كيداير لعريس؟! .. كيدايرا فيرمة الحاج من لداخل؟! .. اش كليتو اش شربتو؟! وغيرها من الاسئلة واغلبها عن المضاهر اما حتى كلام المعقول ماذكراتو ماجبداتو ..وهادشي عادي فسنها ووضعها كايهمها فقط المضاهر وشيء الاخر ثانوي فقط
أنت تقرأ
🍒 قصة قدر مينة 🍒بالدارجة المغربية
ChickLitمرحبا بيا معاكوم ومرحبا بيكوم معايا مغاديش نطول عليكوم. وماغاديش يكون تقديم للقصة حيت انا براسي ماعنديش مع تقديم الاهم عندي هو القصة وموضوعها لي نقدر نقوليكوم ان القصة ذات طابع واقعي 💯 لكن فيها شوية شوية من كل حاجة حقد ،انانية ، حب ، عذاب ، كره ،...
