🌸عنوان : قــــــدر مينــــة🌸
🥀بارت :137🥀
❤بقلم: Hiba ikram ❤
🌾الفصل الثاني :حياة جديدة وقدر جديد🌾
فور ماسمعات اوديو طارت داخلة توجد راسها تشد طريق وكاتهضر مع يسرا
مينة: انا غادا دبا بقاو نتوما هنا بلاما تجيو ..
يسرا:نرجعو لمكناس
مينة: لا غير بقاي مع شيماء وحكيم ..ويلا سولاتك شيماء قوليلها رانا مشيت لدوار سعاد..جمعيلي حوايجي دغيا
...مشات يسرا كاتجمع لحوايج ومينة كادوش ..نص ساعة كان كولشي واجد خلات ليهوم كارط باش يصرفو وشدات طريق نيشان لدوار سعاد
...مسافة سبع ساعات وهي غادا بدون توقف حبسات فقط باش دير مازوط ..طريق كولها وهي فتيليفون مع ناهد ..هاد الأخيرة لي كاتحاول تكالمي فيها باش ماديرش شي حاجة وسوا بغات مينة ولا كرهات وردة من حق عز العرب ويلا شدات معاه ضد غايعكس معاها اللهم دخلو عن طريق وردة
...مع ادان المغرب كانت وصلات قدام فيرما طلعات لفران وهبطات كاتجري لصالون مع دخلة شافت العائلة كولها مجموعة وصوت وردة كاسر دينا ..وعز العرب شادها بين يدو كايحاول يسكتها
...مافطنو بيها حتى لقاوها وسط منهوم بزربة حيدات وردة من يدين عز لي مخرج عينيه فيها
مينة:(معنقاها كاتسكتها) ششش صافي وردة هانا اماما معاك ..سكتي ابنتي عفاك هانا حداك
وردة: (حسات بيها وبدات تنخشش على عنقها وتبكي) ماميي ..هنن ماماا ..طوا ماما
مينة: وي مابيل انا ماماك .. هانا احبيبتي(حطات يديها على راسها) بففف سخونة بزاااف ...(شافت فعز العرب بحقد) هادشي لي بغيتي ..هاا هادشي لاش جاي باش تعدب البنت ..نتا اب نتا ..نتا بزااف عليك الابوة ..قلتهاليك قلت ليك مغاديش تقدر بلا بياا
مليكة:( شافتو غايجاوبها وهي تسكو) براكة اولدي مينة عندها صح ..وردة متعلقة بيها بزاف مغاديش تقدر بلا بيها
مينة: على هو كايفهم هاد الهضرة ...جاي من جايحة لكحلة باش يخرب حياتي وحياة بنتي ..خاطفها مني فنص ليل ومخرجني باش تديها براحتك..بلحق دبا ولله مغانتفارق عليها ..واخة تجيب ليا بوليس ولله لا عطيتك بنتي
عز العرب: (بعصبية) مزال عندك لوجه باش دوي باغا طلعي بنتي بحالك
مينة:(بصراخ تاقفزات وردة لي بدات تهدن) مااالي انا كيف جيتك لااالاااك وحسن منك ..كاتحاسبني ومشايفش راسك ..نتا مالك كاتصلي على هيضورة سبع ولا شنو ... ماعمرك درتي شي دنب فحياتك دايرلي فيها شيخ سديس ونتا قرعة مكاتحيدش من يديك...هاداك دنب ودرتو تعاقبت عليه وشديتو هاد تلت سنين شكون نتا لي تجي تحاسبني
أنت تقرأ
🍒 قصة قدر مينة 🍒بالدارجة المغربية
Literatura Femininaمرحبا بيا معاكوم ومرحبا بيكوم معايا مغاديش نطول عليكوم. وماغاديش يكون تقديم للقصة حيت انا براسي ماعنديش مع تقديم الاهم عندي هو القصة وموضوعها لي نقدر نقوليكوم ان القصة ذات طابع واقعي 💯 لكن فيها شوية شوية من كل حاجة حقد ،انانية ، حب ، عذاب ، كره ،...
