🌸عنوان : قــــــدر مينــــة 🌸
🥀بارت :183🥀
❤بقلم: Hiba ikram ❤
🌾الفصل الثاني :حياة جديدة وقدر جديد🌾
شافها جمعات حتى أوراقها والماك ديالها وسدات كولشي حتى من لحوايج ماجمعاتهومش خلاتهوم تما ... خدات فقط الاساسياات لي تقدر تحتاج هاد الليلة
...هبطات باليزة لي كانت صغيرة شوية وتمات خارجة..لقاتو باقي واقف فباب البيت ومانع عليها دوز
مينة:(بكل برود) حيد من قدامي
عز العرب: (بعد صمت طويل) خاينا نهضرو
مينة:(كاتحاول تبعدو لكن حابس) ماعندا فاش نهضرو ..المحامي ديالي غاتيكلف بكولشي
عز العرب: وصلنا المحامي اميناا
مينة: ااه وغانفوت معاك المحامي ايلا مابعدتيش من قدامي
عز العرب: خلينا نجلسو اطابل ونتفاهوم
مينة: الهضرة مابقاتش واكلة معاك ..وانا صبرت بما فيه الكفاية ( جات دوز وحبسها) حييييد اعاااز
عز العرب: ماغاديش نحيد غير تهناي ..بغيتي تغضبي غضبي فدار راجلك ...انا ماعنديش لمراا لي تخرج فنصاص ليل وهي على ذمتي
مينة: انا ماشي مرتك ..صافي لي بيناتنا سالاا ..وبيناتنا المحكمة
عز العرب:(حط يدو على كرشها لكن سرعان مابعدات خطوة) لي بيناتنا كبر من انه يتسالى
مينة; بعد مني اعااز ..صافي ساليينااا مكاين لا ولد ولا بنت ..انا ويااك ساليناااا ...ودبا حيد من قدامي ... والخير لي دير فيا طلقني
عز العرب: ماغاديش نطلقك اميناا غير بردي نفس فيك
مينة: غادي طلقني ..وبسييف عليك ..ويلا مابغيتيش غادي نخلعك
عز العرب: مكاينش القاضي لي غايبغي يطلقك ونتي حاملة ..غايخسر عليك كلمة وحدة ..سيري حتى تولدي
منية: (عوجات فمها باستهزاء) طلاقي غادي ناخدو سوا حاملة سوا لاا ...
عز العرب:(حاول يشدها لكن كاتهرب منو ) خلينا نهضرو امينا عفاك ونلقاو حل ..سخيتي بيا دغياا
مينة : نتا لي سخيتي اعااز ماشي اناا ...نتا لي مكاتيقش فيا وكاتشك فيا ..وانا هادشي مرضني عييت من هاد الهم
عز العرب: عضريني حتى نتي راه مساهلاش عليا
مينة: ايلا ماساهلاش عليك لاش تزوجتي بيا ..واش انا لي عرضت زواج عليك ...انا لي طلبتك باش نتزوج بيك ...منين نتا عارف راسك مغاديش تقبل الوضع لاش اسيدي مزوج بياا ..لاش
عز العرب: حيت كانبغيك
مينة: هادا ماشي حب
عز العرب: دبا نتي معصية جلسي على الاقل غير حتى يصبح الحال وداكساعة ندويو وكانواعدك لي بغيتيها هي لي غاتكون
أنت تقرأ
🍒 قصة قدر مينة 🍒بالدارجة المغربية
Chick-Litمرحبا بيا معاكوم ومرحبا بيكوم معايا مغاديش نطول عليكوم. وماغاديش يكون تقديم للقصة حيت انا براسي ماعنديش مع تقديم الاهم عندي هو القصة وموضوعها لي نقدر نقوليكوم ان القصة ذات طابع واقعي 💯 لكن فيها شوية شوية من كل حاجة حقد ،انانية ، حب ، عذاب ، كره ،...
