بعنوان : قــــــدر مينــــة🖋
🥀بارت : 29🥀
❤بقلم: Hiba ikram ❤
سعاد : عيطيليه وقوليلو اش واقع وشوفي اش بايقوليك
مينة : اش غانقوليه اسعاد واش منيتك
سعاد : فوق من نيتي لهيه...اش بيتي تخسري نتي عيطي وشوفي ...باش تعرفي راسك من رجليك واش يستاهل هاد لعرسان لي تاترفضي على ودو ولا لله يجيب
مسحات دموعهاا من لبكا ومشات لتيليفونها تعيط ليه ..حتى هي بغا توضع حد لهادشي وتشوف واش بصاح كايبغيها كيف كايقول ولا لله لله ، عيات من هاد الوضع وملاتو ..شحال قدها ترفض من عريس على ودو ...نفس الموضوع كايتكرر هادي خمس سنوات ، مابقاتش قادرة تزيد تصبر لهضرتهوم ولإهناتهوم
بقات كاتسوني وتعاود حتى شد ليها الخط وسمعات صوتو
📞📞📞📞
فؤاد : منونتي
مينة : (بصوتها الباكي) فؤاااد
فؤاد : (حبس جنب طريق فور ماسمع صوات بكائها) ميناا اش وااقع ؟؟مالك كاتكبي ؟؟
مينة : فؤاد جاو فيا لخطاب عاوتاني
فؤاد : وهدا سبب تبكي على ودو ..رفضي بحال ديما وصاف
مينة : هادي ماشي بحال لمرات لي دازو ...هدا من عائلة خلاتي وماما اكيد غاتوافق
فؤاد : توافق ولا ماتوافقش نتي مالك قولي لا وسدينا
مينة : افؤاد نخاف ماما تضعط عليا راك عارفها مع خواتاتها
فؤاد : (بتغدد) وشنو بغيتيني ندير دباا
مينة : كيفاش شنو بغيتك دير ..غاتجي تخطبني
فؤاد : اش غانخطب اش ؟؟
مينة : كيفاش اش غاتخطب ؟؟ واش داوي منيتك افؤاد ...هي قولي هادشي كولو كدوب هضرتك و كلامك لمعسول..ومينة صبري علياا مينة حياتي معاك نتي
فؤاد : أمنونة يهديك اش جابنا لهاد الهضرة ...واش ماعيتيش من نفس الهضرة ليديما كاتعاود ..مزال مابغيتي تفهمي
مينة: اهيه لله يخلف عليك انا نيت ناقصة فهامة
فؤاد : مينة بلاماتحمقي دين مي فهاد النهار ...انا ماتخليتش عليك وعمري غانتخلا عليك ..انا قلت ليك عطيني غير فرصة شوية دالوقت نهار نوصل لأش باغي نتي اول وحدة غانجي عندها ..واخا ديري حتى ميات عام غانبقا ديما كانبغيك وعمري نفكر نبدلك انسانة وحدة لي فحياتي وفقلبي ومعمرة ليا العين هي نتي ..ومن غيرك ماتحلالي تابنت لمرا ...دوزتي معايا خمس سنين واش كاضني غادي نقدر نتخلى عليك من بعد هاد الوقت كامل...ولا نشوف فوحدة خراا ..بالله عليك هاد الوقت كامل لي انا معاك واش عمرك حصلتيني مع شي وحدة خراا؟ ..عمرك شفتيني كانشوف فوحدة خرا من غيرك؟ ...لااا ! حيت بكل بساطة نتي لي كاينة فحياتي نتي لي سكنتي قلبي ..وعمري نقدر نلقا شي وحدة بحالك ...ولا نشوف فوحدة خرا ..حيت قلبي مسلوب ونتي لي سلبتيه
أنت تقرأ
🍒 قصة قدر مينة 🍒بالدارجة المغربية
ChickLitمرحبا بيا معاكوم ومرحبا بيكوم معايا مغاديش نطول عليكوم. وماغاديش يكون تقديم للقصة حيت انا براسي ماعنديش مع تقديم الاهم عندي هو القصة وموضوعها لي نقدر نقوليكوم ان القصة ذات طابع واقعي 💯 لكن فيها شوية شوية من كل حاجة حقد ،انانية ، حب ، عذاب ، كره ،...
