بعنوان : قـــــدر مينــــة🖋
🥀بارت : 41🥀
❤بقلم: Hiba ikram ❤
شادين طريق لمكناس مرة أخرى محملين ومجهزين بكل شيء ...كوفر مطرطق وكوسانات لور كذلك ومثال
مينة: مانسينا والو ؟!
سعاد: تت الى كانت شي حاجة ناقصة ناخدوها من تماا
مينة: وكاين فين بعدا؟
سعاد:(شافن فيها شوفة دمنيتك) راني مساكناش فراس جبل ..الى خصات شي حاجة نمشيو لمراكش راه غير قريب
مينة : اوا صاف نسييت
....كملو طريقهوم لدار ...تلقات ليهوم حليمة فالباب وراها اش خداو ومينة مهبطة منها العين ..حتى خلاتهوم وطلعات
حليمة: شفتي ابنتي اسعاد اش كادير واش انا مها ولا عدوتها
سعاد: غير صبري اخالتي راك عارفاها كيدايرا راسها قاصح
حليمة:(شدات فيديها ونطقات بتوسل) العار ابنتي ماكوليلي واش كاتعرف شي واحد لي مخليها مباغاش تزوج ( باصرار) غير كولي انا ميمتك ابنتي ..كاين شي واحد فحياتها ياك
سعاد:(تلونات بالحشمة والعرق هابط مع ضهرها) لاا اخاالتي انا معارفة والو
حليمة:(دمعة واقفة فعينيها) ماتكذبيش عليا اسعاد نتي كاتساري معاها مايمكنش ماتكوني عارفة والو
سعاد: خالتي نتي أدرى مني فبنتك ..ومينة راك عارفاها ماتقوليكش شي هضرة ديالهاا
حليمة: تقليد عليك ابنتي
سعاد: (بامتناع) لا آخالتي ماتقلديش عليا عفاااك
حليمة:( جمعات لوقفة) براحتك ابنتي
سعاد: (حدرات راسها) سمحيلي آخالتي
حليمة:(تنهدات) ماشي مشكيل ابنتي
.
_ تبعاتها بعينيها حتى مشات وقلبها محروق على الام الثانية ديالها ِِلكن ماعندها ليها جهد مايمكنش تبيع بمينة وتقولها اش كاين ..ومايمكنش تكذب عليها وتقوليها مكاين والو
...طلعات لعند بنتها تحاول معاها واخ عارفة راسها قصح من صمة ..لكن ماعندها مادير
...حلات لباب ولقاتهاا شادا تيليفون فوق لفراش وابتسامة على شفايفها
حليمة: مينة!
مينة:(فيقاتها من سهوتها) مااماا ؟!
حليمة : مسالية ابنتي شويا ندوي معاك
مينة:(طفات تيليفون وبعداتو عليها وحليمة متبعاها) اه دخلي اماما
_سدات وراها الباب وتقدمات لعندها ..جلسات جنبها وشدات يد بنتها بين يديها :معامن كنتي كاتهضري وفرحانة ..غير شتيني دخلت لون تبدل فوجهك
أنت تقرأ
🍒 قصة قدر مينة 🍒بالدارجة المغربية
ChickLitمرحبا بيا معاكوم ومرحبا بيكوم معايا مغاديش نطول عليكوم. وماغاديش يكون تقديم للقصة حيت انا براسي ماعنديش مع تقديم الاهم عندي هو القصة وموضوعها لي نقدر نقوليكوم ان القصة ذات طابع واقعي 💯 لكن فيها شوية شوية من كل حاجة حقد ،انانية ، حب ، عذاب ، كره ،...
