عنوان : قــــــدر مينــــة🖋
🥀بارت :113🥀
❤بقلم: Hiba ikram ❤
خرجو لبوليس فؤاد نزلوه لتحت سدو عليه تماا وهو باغي ايبخ دم كيضرب فلحديدات بيديه ويغوت حاس براسو غادي يحماق
فؤاد: علاش حبستوني هنا انا مدرت والو ولي جابت دكشي راها لفوق هي لي خاصها تحبس هنا حلو عليا
لبولسي:(خبط بزرواطة فلحيدي تاقفز فوفو ) هيه سكتنا بلا فريع الراس دكشي لقيناه فدرك يعني انت لمشتبه رئيسي نصحك تنقص من الغوات وتعيط على محامي ديالك يجي اخفف ليك لعقوبة حيت هداشي لي كان عندك كتير بزاف وعقوبتو بين 5 سنين حتا 10
تحرك طلع مخلي فؤاد مصدوم وداتو كترعد مضنش بلي مينة غدي تنتاقم منو هكا هو ستاهن بيها وقال بلي هي بنت ومتقدش عليه وكان ناوي ابقا يبتاز فيها خصوصا منين كانو عندو دوك تصاور ووافقات تكون معاه فعلاقة ... ولاكن هي طلعات ذكية كتر منو
عند مينة لفوق كانت جلسة بكل برود وكتشوف فالكميسير عماد قدمها لي باين مزعوط فيها غير من شوفاتو وطبعا هي ماخفاش عليها هاد نوع تقادات بالجلسة بكل انوثة وجابت شعرها طويل قدامها حتى قاداتو على جنب بديك ضفيرة لي مزال فازكة هو غير شاف شعور والانوتة والكلاص وعاد طريقة باش جلسة قدامو والبراءة لي فوجها خلاتو اتلف
عماد: انسة برادة تشربي شي حاجة ياك آنسة بعدا
منية: (كاترقق حبال صوتها )وي آنسة ..نو شكرا وخا تسربيني عافك بغيت نعرف علاش انا هنا وكيف كاتشوف يدي ضاراني احححم
عماد: اه انتي هنا معنا حيت فؤاد الودغيري لقينا عندو كمية كبيرة من الممنوعات وهو تهمك بلي انتي لي حطيتهم عندو مهم جبناك نستجوبوك.. ونديرو شي اجرائات نتمنا توسعي خطرك معنا حتا نساليو
مينة: ( بأنوثة سبلات عينيها فيه) خود راحتك
عماد: (دوخاتو) منين كاتعرفي فؤاد الودغيري ... واشمن علاقة كتجمع بيناتكوم ..فنظرك علاش تاهمك بانك نتي لي حطيتي ليه ممنوعات فدار
مينة: (تنهدات وهي تنطق وكاتحاول تهضر بتاويل ولعبار مدام طاحت على مودباص عماد ) صراحة اححم..انا كنعرفو مزيان يعني انا وياه كنا فعلاقة حب لي دامت ست سنين وفالخر كتاشفت بلي هو مزوج وبعدت عليه وهو مبغاش ابعد عليا وكيحاول نبقا معاه باي طريقة وفاش مبغيتش جا عندي لمحال ديالي لي فلمدينة وحاول اتعدا عليا وعتقني واحد راجل صاحبتي لي بصدفة كان دايز من تما ...بعدو عليا وضربو وهو يعني فؤاد تحلف فيا حيت مارضاش داك سيد يضربو ومارضاش نبعد منو .. مييي (دارت يديها على راسها بتأثر مصطنع) صراحة ماضنيتش بلي غدي ايطيح عليا باطل ويتاهمني بلي انا عندي علاقة ب مخدرات ولا ماعرف اش لقيتو عندو وبغا يسبيها فيا ..فغيمون تشوكيت
أنت تقرأ
🍒 قصة قدر مينة 🍒بالدارجة المغربية
Romanzi rosa / ChickLitمرحبا بيا معاكوم ومرحبا بيكوم معايا مغاديش نطول عليكوم. وماغاديش يكون تقديم للقصة حيت انا براسي ماعنديش مع تقديم الاهم عندي هو القصة وموضوعها لي نقدر نقوليكوم ان القصة ذات طابع واقعي 💯 لكن فيها شوية شوية من كل حاجة حقد ،انانية ، حب ، عذاب ، كره ،...
