🌸عنوان : قــــــدر مينــــة 🌸
🥀بارت :165🥀
❤بقلم: Hiba ikram ❤
🌾الفصل الثاني :حياة جديدة وقدر جديد🌾
ناهد: من حقك اختي
مينة: معلوم من حقي ...هادي راه ضسارة ..وقلت لحيا لي شافهوم يقول كابرين فجوع
ناهد: دبا خلينا من هادشي ديالك واجي تسمعي فضيحتي
مينة: ياك لباس ..ياكما زكرياا دار ليك شي حاجة
ناهد: لااا
مينة: عكوزتك ولا لوستك
ناهد: لاا
مينة: اوا دوي اش كاين
ناهد: (جمعات شجاعتها ونطقاتها )انا حاملة
مينة:(خبطات على لخدية) اويلي وحدي على حاملة
ناهد:( كتافات تحرك ليها راسها)
مينة : حق ربي تاحماقيتي نتي ..وابنت مازال ماكملات تا خمس شهور مقادة هزيتي لكرش تاني
ناهد: بغاها لله ولله ياختي مانويتها ..زهقات ليا
مينة: نتي بزاااف اختي بزاااف ...ولله تاهبلتي على الاقل صبري غير علاما تكبر بنتك شوية غير علاما تكمل رضاعتها
ناهد: وراه كانقول ليك مانويتهاش ...راني ماشديتش لحساب مزيان ...ودبا لي عطى لله عطاه ماعندي ماندير
مينة: اييه حتى غزال ( بنتها لي عاد تزادت) ماكنتيش شادا لحساب مزيان ...ياشريفة منين دارت بيك لمرة لولة جمعي راسك..سيري دكي لبرا بحال شحال هادي
ناهد: دبا هادشي لي عطى لله ماعندي ماندير ماعليا غير نرضى باش كتب ليا لله
مينة: وزكرياء اش قال ليك
ناهد: هاداك بلفرحات عليه نحمل ونعاود نحمل ..عزيزين عليه لولاد
مينة: (تنهدات وجراتها معنقاها ) مبروك عليك اصاحبتي
ناهد:( ضحكات ) لله يبارك فيك احبي ..ههه العقبة لعندك نفرحو بيك
مينة: اميين ...واخة انا براكة عليا غير وردة
ناهد: لاا ضاروري تولدي تانتي ولاد من كرشك
مينة: اوا ان شاء الله
ناهد: مكادكيش لبرا بعدا ولا كاتشربي شي دوا
مينة: لاا مكاندير والو غير مزال مجاب لله وصافي
ناهد: واسيري لطبيبة شوفي اش كاين
مينة: مكاين لاش نمشي دبا راه يالاه تزوجت اصاحبتي ...حتى يدوز ديك عام ويلا مجابش لله عاد نشوف اش كاين ..
ناهد: ولله يفك حزامك اختي
مينة: اللهم امين (وقفات هازة صاكها) يالاه بسلامة عليك خاصني نمشي راني تعطلت
أنت تقرأ
🍒 قصة قدر مينة 🍒بالدارجة المغربية
ChickLitمرحبا بيا معاكوم ومرحبا بيكوم معايا مغاديش نطول عليكوم. وماغاديش يكون تقديم للقصة حيت انا براسي ماعنديش مع تقديم الاهم عندي هو القصة وموضوعها لي نقدر نقوليكوم ان القصة ذات طابع واقعي 💯 لكن فيها شوية شوية من كل حاجة حقد ،انانية ، حب ، عذاب ، كره ،...
