"မေမေနိုးပြီလား"
"သား!!!"
အခုမေမေကသူ့ကိုသားလို့ခေါ်လိုက်တာလား မျက်လုံးထဲကအရည်ကြည်တွေကသူ့မျက်လုံးထဲအပြည့်နေရာယူထားပါတော့သည်။
"မေမေ တစ်ခေါက်လောက် ပြန်ခေါ်လို့ရမလားဟင်"
"သားလေး မေမေတောင်းပန်ပါတယ် မေမေခဏကအိမ်မက်မက်တယ် အိမ်မက်ထဲမှာသားကိုဆုံးရှုံးလိုက်ရတာတောင်မေမေရူးမလိုပဲ အပြင်မှာသာဆိုမေမေသေလိမ့််မယ် မေမေမှားသွားပါတယ် သားရယ် မေမေ့ကိုခွင့်လွှတ်ပါ"
မေမေဟာငိုပြီးပြောနေခဲ့သလိုသူလည်းငိုနေခဲ့ပါတယ်။
"မေမေ သားကိုလည်းခွင့်လွှတ်မယ်မဟုတ်လားဟင် "
"ခွင့်လွှတ်ပါတယ် ......သူကောဘယ်သွားလဲ"
မောင်ဟာ အေးဆေးစကားပြောလို့ရအောင်အပြင်မှာထွက်စောင့်ပေးနေခဲ့တာမောင့်ကိုသွားခေါ်ခဲ့ပြီးမေမေနဲ့စကားပြောခိုင်းခဲ့တဲ့နောက်မှာတော့ မေမေနဲ့မောင်ဟာပြေလည်မှုရရှိသွားခဲ့ပါပြီ။
မေမေဆေးရုံကဆင်းတော့လည်းမောင်ကပဲအကုန်လုပ်ပေးခဲ့ပြီးအခုဆိုမေမေဟာသူ့ထက်မောင့်ကိုပိုချစ်နေသလားလို့တောင်သူတွေးမိနေသည်အထိပဲ။
တစ်ဆက်တည်းမှာပဲမောင်ရော မောင့်မိဘတွေနဲ့သူ့ကိုပြေလည်စေချင်မလားလို့ပါ သူတစ်ခါတည်းတွေးမိသည်။
"မောင်"
"ပြောလေ အစ်ကို"
"မောင်ရောမောင့်မိဘတွေကိုလွမ်းလားဟင် အစ်ကိုတို့တူတူသွားတွေ့ကြမလား"
"တစ်ခါတလေတော့ သတိရမိပါတယ် မောင်ကသားဆိုးတစ်ယောက် တစ်ယောက်တည်းရှိတဲ့သားက မိဘတွေကိုထားခဲ့တာလေ သွားတွေ့ရင် မျက်နှာပြောင်တိုက်သလိုဖြစ်နေမလား"
"အစ်ကို့ကိုကြည့်"
မောင်ရဲ့မျက်နှာလေးက သူ့လက်နှစ်ဖက်ထဲမှာနေရာယူနေသည်။
"မောင့်မှာ ပြင်ဆင်ဖို့အခွင့်အရေးရှိသေးတယ်လေ အစ်ကိုလည်းမောင့်ဘေးမှာရှိနေတယ်မဟုတ်လား အစ်ကိုတို့ရင်ဆိုင်လိုက်ကြရအောင် နှစ်အကြာကြီးပုန်းရှောင်နေခဲ့ကြပြီးပြီပဲ အစ်ကို့မေမေတောင်အစ်ကိုတို့ကိုခွင့်လွှတ်နိုင်သေးတာပဲ အစ်ကိုတို့အတွက် အခွင့်အရေးရှိပါသေးတယ်"
YOU ARE READING
Lovey-Dovey(Completed)
Fanfiction"မောင်ရဲ့စိတ်ကိုအစ်ကိုနားမလည်နိုင်တော့ဖူး" (Baekhyun) "မောင်ဖောက်ပြန်နေတယ်လို့ပြောရအောင် အစ်ကိုလည်း ဖောက်ပြန်နေခဲ့တာပဲလေ" (Chanyeol) Zawgyi🇲🇲Unicode🇲🇲 Chanbaek👨❤️👨 အိမ်ထောင်ရေးဇာတ်လမ်းလေးကို စိတ်ကူးယဥ်ရေးထားသော၀တ္ထုတစ်ပုဒ်ဖြစ်သည်❣️
