Uni..
The Matching Guys(Part 4)
ခွန်းသန့်နောင် Clubကိုရောက်တော့ Night Light Club လျို့၀ှက်မြေအောက်ခန်းကိုခေါ်သွားလိုက်သည်။
ခြံရံလင်းနဲ့ သူ့လူ၂ယောက်အပြင်...
မာဖီးယားဟုထင်ရသည့်လူ ၁၀ယောက်ခန့်ရှိသည်။
ဒဏ်ရာရထားသည့်၃ယောက်ထဲမှ နှစ်ယောက်မှာသိပ်အခြေအနေမဆိုးလှ...သို့ပေမယ့် ခေါင်းဆောင်ဟုထင်ရသည့်လူလက်ထဲတွင်လှဲနေသော ကောင်လေးမှာတော့ အခြေအနေကပိုဆိုးနေသည်။
" သူ့ကိုအရင်ကြည့်ပေး..."
ခေါင်းဆောင်ဖြစ်ပုံရသောသူက မြန်မာစကားကိုသိပ်မပီသစွာ တိုင်းရင်းသားအသံဖြင့်ပြောလာသည်။
" ခွန်းသန့်နောင် သူ့ကိုအရင်ကုပေးလိုက်ပါ...ကျန်တဲ့နှစ်ယောက်ဒဏ်ရာကသိပ်လည်းမပြင်းဘူး။
ဆေးပစ္စည်းတွေပါတယ်မလား ။ သူတို့ဘာသာကုလို့ရတယ်။ ဒီတစ်ယောက်ကအရေးကြီးလို့"
ခြံရံလင်းကပါ၀င်ပြောလိုက်သည်။
" အင်း...ရော့ဒီမှာလိုအပ်တဲ့ပစ္စည်းတွေယူလိုက်။ အဲ့နှစ်ယောက်ဒဏ်ရာကိုသန့်ရှင်းပြီးချုပ်ပေးလိုက်ရင်ရတယ်။
ပြောပြီး သေနတ်ဒဏ်ရာရထားသည့် ကောင်လေးဆီသွားလိုက်သည်။
ခွဲခန်းသုံးလက်အိတ်ကိုစွပ်လိုက်ပြီး ထိုကောင်လေးဗိုက်ကဒဏ်ရာကို ကြည့်သည်။
ဝမ်းဗိုက်ထဲရှိအဓိကနေရာကိုတွေကိုမထိသော်လည်း ကျည်ဆန်ကအထဲမှာနစ်နစ်နဲနဲစိုက်၀င်နေသည်။
" အား..."
ခွန်းသန့်နောင် ထိကြည့်တော့ ထိုကောင်လေးကအနည်းငယ်ညည်းညူလာသည်။
" sorry...ငါထုံဆေးအရင်ထိုးပေးမယ်"
" မင်း အရင်ကသေနတ်ဒဏ်ရာရောကုပေးဖူးရဲ့လား"
စိုးရိမ်တကြီးမေးလာသူက သေနတ်မှန်ထားသော ကောင်လေးမှီထားသည့်လူဖြစ်သည်။
" အရင်နိုင်ငံခြားမှာအလုပ်သင်ဆင်းတုန်းက လက်တွေ့ကူလုပ်ပေးဖူးတယ်။ အဲ့ဒါကလွဲရင်အခုကပထမဆုံးပဲ။အတက်နိုင်ဆုံးကြိုးစားပေးမယ်ဟုတ်ပြီလား။လောလောဆယ်သွေးထွက်အရမ်းလွန်နေတယ်"
" စောခေါင်လွန်း စိတ်ချပါ ငါ့သူငယ်ချင်းကသေချာကုပေးမှာပါ"
ခြံရံလင်းကလည်း၀င် ပြောနေတုန်း.. အပြင်ဘက်မှရုတ်ရုတ်သဲသဲအသံတွေကြားလိုက်ရတာကြောင့် အကုန်လုံးလှည့်ကြည့်မိသည်။
YOU ARE READING
The Matching Guys (Top)
Romanceစဝ်ခွန်သာမှိုင်း🖤 စိုင်းခွန်းသန့်နောင် Start Date[19.5.2023] End Date [16.11.2023] 1 to 80 (Completed)
