Uni,
The Matching Guys (Part 66)
2လကြာပြီးနောက်....
ဧကရာဇ်တစ်ယောက် Laptop screenပေါ်ရှိ ဟိုးလေးတကျော်ဖြစ်နေသောGreat World Company ၏ရှယ်ယာလွှဲပြောင်းမှုသတင်းကို
ကြည့်ရင်း ကြောက်စရာကောင်းစွာပြုံးနေသည်။
လက်ရှိအချိန်တွင် Top Empire ၏ရှယ်ယာစျေးနှုန်းမှာလည်း
အဆပေါင်းများစွာ ခုန်တက်နေပြီဖြစ်သည်။
ဧကရာဇ်ကြည့်နေရင်း စိတ်မရှည်စွာဖြင့် Laptop အားကောက်ယူကာ နံရံဆီပစ်ပေါက်၍ အံကြိတ်ကာပြောသည်။
" အဘိုးကြီးနဲ့ပေါင်းပြီး ရှယ်ယာတွေရအောင်ယူပစ်တယ်ပေါ့လေ။
ဒီခွေးကောင်လေးကို လျော့တွက်မိတာတကယ်မှားတာပဲ"
......
ခွန်းသန့်နောင်တစ်ယောက် မနက်နိုးလာသည်နဲ့ သူ့လက်ညိုးကလက်စွပ်လေးအား အရင်ကြည့်သည်။ ဒါကဒီ၂လအတွင်း သူပုံမှန်လုပ်နေကျအလုပ်ဖြစ်နေသည်။ လက်စွပ် စွပ်လေ့မရှိသော်လည်း ခွန်သာမှိုင်းပေးထားသည်မို့ သူအလွန်ကိုမှသဘောကျလေသည်။
ခွန်သာမှိုင်းကမနက်စောစောလေ့ကျင့်ခန်းထွက်လုပ်လေ့ရှိသဖြင့်ဘေးတွင်မရှိတော့ပေ။ အအိပ်မက်သည့် ခွန်းသန့်ေနာင်မှာ စနေ တနင်္ဂနွေကလွဲ၍
ကျန်သည့်နေ့များတွင် ခွန်သာမှိုင်းနဲ့အတူ အပြေးလေ့ကျင့်ခန်းထမလုပ်။
ခွန်းသန့်နောင်အိပ်ယာမှကုန်းထ၍ ရေမိုးချိုးပြီး မနက်စာပြင်ရန်လုပ်နေတုန်း ခွန်သာမှိုင်းကလက်ထဲတွင် ဖက်ထုပ်နှင့်ပေါက်စီဘူးလေးကိုင်ရင်း ပြန်ရောက်လာသည်။
" ကိုကို မုန့်တွေ၀ယ်လာတာလား။ကျွန်တော်ကအခုပဲ ပြင်တော့မလို့"
ခွန်သာမှိုင်းမုန့်တွေစားပွဲပေါ်တင်ပေးရင်း
" အင်း မလုပ်နဲ့တော့။ ဒီမှာစားနှင့် ရေချိုးလိုက်အုံးမယ်"
" ဟုတ်..."
ခွန်သာမှိုင်းသာမုန့်မ၀ယ်ခဲ့လျှင် ခွန်းသန့်နောင်လုပ်နေကြပေါင်မုန့်မီးကင်တူးတူးသာစားရမည်ဖြစ်သည်။
ခွန်သာမှိုင်းအခန်းထဲ၀င်သွားမှ ခွန်းသန့်နောင် ပေါက်စီနှင့်ဖက်ထုပ်များကိုကြည့်ပြီးပြုံးမိသည်။
BẠN ĐANG ĐỌC
The Matching Guys (Top)
Lãng mạnစဝ်ခွန်သာမှိုင်း🖤 စိုင်းခွန်းသန့်နောင် Start Date[19.5.2023] End Date [16.11.2023] 1 to 80 (Completed)
