Uni..
The Matching Guys (Part 2)
မိဘမဲ့ဂေဟာသို့ အလှူရှင်မိသားစုများရောက်လာ၍ ဂေဟာပိုင်ရှင်နဲ့တစ်ကွ ကလေးအားလုံးနီးပါးပျှော်ရွှင်နေကြသည်။
အလှူငွေတွေ လိုအပ်သည့်ပစ္စည်းအ၀၀ကိုလှူပြီးသည့်အပြင် ကလေးတစ်ယောက်ပါ မွေးစားအုံးမည်ဖြစ်တာကြောင့် ထိုသဘောကောင်းသော မိသားစုထံလိုက်ချင်သည့်ကလေးကများနေသည်။
သို့ပေမယ့် ကလေးတစ်ယောက်ကတော့ အလှူရှင်တွေနဲ့ခပ်ကင်းကင်းသာနေပြီး ဘာမှဂရုမစိုက်ပေ။
နံရံပေါ်ရှိ အိမ်မြောင်နဲ့ တစ်ခြားပိုးမွှာကောင်တစ်ကောင်၏တိုက်ပွဲကိုသာ အသက်မဲ့စွာငေးကြည့်နေသည်။
တစ်ခြားကလေးတွေထက် ထိုကလေးကိုသာ အလှူရှင်မိသားစုကသဘောကျသွားလေတော့သည်။
အလှူရှင်မိသားစုထဲပို၍သဘောကျသူက စိုင်းခွန်းသန့်နောင်ဆိုသည့် ၇နှစ်သားကလေးလေးပင်
" ဒေါ်လေးအဲ့တစ်ယောက်ကို ခေါ်သွားရအောင်"ဆိုတာ လက်ညိုးထိုးပြရင်းပြောလိုက်သည်။
" သားသားက အဲ့ကိုကို ကိုသဘောကျလို့လား"
" အင်း..."
စိုင်းခွန်းသန့်နောင် သဘောကျသည်ဆိုတာထက် အနိုင်ကျင့်လို့ကောင်းမည့်သူထင်၍ရွေးလိုက်တာဖြစ်သည်။
တစ်ခြားကလေးများကအရမ်းလိုက်ချင်နေပုံပေါ်ပြီး ထိုကလေးကတော့ စိတ်မဝင်စား...။
အဲ့လိုမျိုးကိုသာ စိုင်းခွန့်သန့်နောင်ပိုသဘောကျပါသည်။
" သူလေးကိုသဘောကျတာလား အဲ့ကလေးလေးကဒီကိုရောက်တာတောင်ရက်ပိုင်းပဲရှိသေးတယ်"
ဟု ဂေဟာပိုင်ရှင်က ရှင်းပြသည်။
" အဲ့ကလေးလေးနာမည်က ဘယ်လိုခေါ်လည်း"
ဟု စိုင်းခွန်းသန့်နောင်၏မိဘနှင့်အဒေါ်တို့ကမေးတော့
" နာမည်တောင်မပေးရသေးပါဘူးရှင်။ သူ့အမေကအသတ်ခံရတာ...အဲ့ကလေးကစကားလည်းတစ်လုံးမှမပြောဘူး။ နာမည်လည်းမေးမရ။
ရပ်ကွက်ထဲကသူတွေက သူတို့နေတဲ့အခန်းက ပုတ်စော်အနံ့တွေထွက်နေလို့၀င်ကြည့်မှခေါင်းကို တူနဲ့ထုသတ်ခံထားရတဲ့ သူ့အမေအလောင်းရယ် ကြောင်တောင်တောင်နဲ့ငုတ်တုပ်ထိုင်နေတဲ့ အဲ့ကလေးလေးကိုတွေ့တာ။ သူတို့သားအမိအချက်အလက်ကလည်း ဘာမှမရှိ နောက်ဆုံး ကျွန်မတို့ဂေဟာကိုရောက်လာတာပါပဲ"
ESTÁS LEYENDO
The Matching Guys (Top)
Romanceစဝ်ခွန်သာမှိုင်း🖤 စိုင်းခွန်းသန့်နောင် Start Date[19.5.2023] End Date [16.11.2023] 1 to 80 (Completed)
