Uni,
The Matching Guys (Part 63)
ခြံရံလင်းနဲ့ ထက်ဝေဦးတို့နှစ်ဦး ေရွှတိဂံုဘုရားပေါ်တွင် ဆီမီးထွန်းဆုတောင်းပြီး ပြန်ရန်ပြင်ကြသည်။
ဘုရားရင်ပြင်ပေါ်တွင် ဆီမီးရောင်စုံများဖြင့် လင်းလက်နေပြီး
လူအများအပြားလည်းရှိလေသည်။
ခြံရံလင်းက အရင်ရှိခိုးပြီးသည်ဖြစ်၍ မပြီးသေးသည့် ထက်ဝေဦးအားခဏစောင့်လိုက်ရသေးသည်။
" ဒေါက်တာ အကြာကြီးပဲ ဘာတွေဆုတောင်းနေတာလဲ"
ထက်ဝေဦးက ငြင်သာသောအသံဖြင့်ပြန်ဖြေသည်။
" ငါတို့မိသားစုကျန်းကျန်းမာမာပျော်ပျော်ရွှင်ရွှင်နေနိုင်ဖို့ရယ်
ပြီးတော့တစ်ခြားလူသူခပ်သိမ်းသတ္တဝါအားလုံး အပူမီးတွေငြိမ်းအေးချမ်းဖို့ရယ်"
" ကျွန်တော့်အတွက်ရောဆုမတောင်းပေးဘူးလား"
" မင်းကလူမဟုတ်ဘူးလား ပါတယ်လေ။ မင်းရောဘာတွေဆုတောင်းလဲ"
" ထွေထွေထူးထူးမရှိပါဘူး။ဒီတိုင်းကန်တော့လိုက်တာပဲ"
ထက်ဝေဦးအနည်းငယ်ပြုံးမိသည်။ ဟုတ်တယ်လေ အရာရာပြည့်စုံနေတဲ့
ခြံရံလင်းလိုလူက ဘာတွေဆုတောင်းစရာလိုပါ့မလဲ။
ထို့နောက် ခြံရံလင်းတို့ ရွှေရောင်တောက်ပနေသည့် ဘုရားပေါ်မှဆင်းရန်ပြင်ကြသည်။
ပြေးလွှာနေသောကလေးအုပ်စုမှာ ထက်ဝေဦးအား တွန်းတိုက်ကာသွားသည်မို့
ရင်ပြင်ပေါ်ပစ်လဲပြီး ထင်လိုက်သော်လည်း သူ၏ခန္ဓာကိုယ်လေးအား ခြံရံလင်း၏တောင့်တင်းသန်မာသော လက်တွေဖြင့်ထိန်းကိုင်ပေးလိုက်လေသည်။
" ကျစ် ဒီကလေးတွေကတော့ ေဒါက်တာအဆင်ပြေရဲ့လား.."
" အင်း ရ..ရပါတယ်"
ထက်ဝေဦး ရတယ်ပြောလိုက်ပေမဲ့ ခြေထောက်ခေါက်သွားတာကြောင့် အနည်းငယ်နာကျင်နေသည်။
ထို့ကြောင့် ခြံရံလင်းကပဲသူ့ကိုယ်လေးအားတွဲကူပြီး အောက်သို့ဆင်းလာရသည်။
အောက်ရောက်တော့ ခြံရံလင်းက ထက်ဝေဦးအား ကားထဲထိုင်ခိုင်းအား
" ခဏနော်" ဟုပြောပြီး ရေခဲထုပ်အပြေးသွား၀ယ်လိုက်သည်။
YOU ARE READING
The Matching Guys (Top)
Romanceစဝ်ခွန်သာမှိုင်း🖤 စိုင်းခွန်းသန့်နောင် Start Date[19.5.2023] End Date [16.11.2023] 1 to 80 (Completed)
