Uni,
The Matching Guys (Part 62)
ခွန်းသန့်နောင်မှာ ခွန်သာမှိုင်းပြောတာတွေနားထောင်ရင်း ဒီလူသားလေးရဲ့ စိုးရိမ်ပူပန်မှုအလုံးစုံကိုသိလိုက်ရသည်။
ဒီတစ်လျှောက်လုံး ဘယ်လောက်ပင်ပန်းနေခဲ့လိမ့်မလဲ။
မွေးဖွားလာသည့်အခါ မိဘရွေးချယ်ခွင့်ရှိမနေပေမဲ့ ခွန်သာမှိုင်း၏အမှားတွေအစအဆုံးတစ်ခုမှမရှိဘူးဆိုတာသူယုံကြည်သည်။
ရှင်သန်လာရသည့်ပတ်၀န်းကျင်ကြောင့် ခံစားချက်မဲ့သည့်သူတစ်ဦးနှယ်ဖြစ်ခဲ့ရမှန်းသိသည်။
ဒီလူသားလေးကဘာကြောင့်အချစ်ခံဖို့မတန်ရမှာလဲ။ တစ်ခြားသူတွေတန်ဖိုးမထားရင်တောင် သူ့အတွက်တော့တန်ဖိုးမဖြတ်နိုင်သည့်သူပင်။
အေးစက်တည်ငြိမ်မှုတွေကိုလွှမ်းခြုံထားသည့် ဒီလူသားကသူ့အားအနွေးဓါတ်တွေအများကြီးပေးခဲ့သည်။
မျော့တစ်ကောင်လိုတွယ်ကပ်နေသည့်သူ့အား စိတ်ရှုပ်ဟန်ရှိပေမဲ့။ တစ်ခုခုဖြစ်လျှင် ဂရုမစိုက်ပဲမနေခဲ့။ သူ၏မလှမပ လက်ရေးအား ကြည့်ကောင်းအောင်
လက်ထပ်သင်ကြားပေးဖူးသည်။
ကျူရှင်ဆင်းချိန်မကြည်မသာမျက်နှာဖြင့်လာကြိုပေမဲ့ သူခြေထောက်နာသည်ဟုအကြောင်းပြပြီး ဂုန်းပိုးခိုင်းလျှင် အမြဲပိုးပေးသည်။
လက်အတင်းဆွဲ၍ မုန့်လည်းလိုက်၀ယ်ကျွေးခိုင်းဖူးသည်။
ခွန်သာမှိုင်းပုံစံမှာ ေအးစက်ပေမဲ့ သူ့အားအလိုလိုက်ခဲ့သည့်ကိစ္စများလည်းမရေမတွက်နိုင်အောင်ရှိသည်။
သူခွန်သာမှိုင်းရင်ခွင်ထဲ အတင်းတိုးဝှေ့ကာသွားအိပ်သည့်နေ့များတွင် မောင်းထုတ်တက်ပေမဲ့ နောက်ဆုံးမှာတော့ အလျော့ပေးပြီး သူစောင်မလွှတ်အောင်ပင် အမြဲကြည့်ရှုပေးသည်။
သူ့အားအနာတရဖြစ်အောင်လုပ်သည့်သူများကိုလည်း ဘယ်တော့မှအလွတ်မပေး။ အသီးအရွက်မကြိုက်သည့် သူ့ကိုခြောက်လန့်ကာကျွေးဖူးသည်။
လေသံကမာသော်လည်း အာဟာရမစုံမှာစိုး၍ အတင်းကျွေးမှန် ခွန်းသန့်နောင်သိသည်။ ခွန်သာမှိုင်းကြောင့်ပဲ အသီးအရွက်စားတက်သွားခဲ့တာဖြစ်သည်။
စိတ်ရှည်သည့်ပုံမပေါ်သော်လည်း သူနားမလည်သည့်စာများအားသေချာရှင်းပြပေးသည်။
စာမေးပွဲနီးလာတိုင်းလည်း ပါနိုင်ချေများသည့်အပုဒ်များအား အမြဲရွေးထုတ်ပေးခဲ့သည်။
VOUS LISEZ
The Matching Guys (Top)
Roman d'amourစဝ်ခွန်သာမှိုင်း🖤 စိုင်းခွန်းသန့်နောင် Start Date[19.5.2023] End Date [16.11.2023] 1 to 80 (Completed)
