القـــناع

الحلقة 7🎭

بعد ساعة فاقو الجماعة لقاو رواحهم في يود ليان مابيها شي و عزيز دايخ شوية ما الرصاصة الي في يدو و سخانة بدات تطلع مشات ليان لباب طلت لقات برشا رجال لبرة و هي و عزيز قاعدين في بيت هيا حلت boîte pharmacie لقات كل شي
_ليان : عزيز تسمع فيا ..
_عزيز : اي احنا وين
_ليان : اششش ..متعبش روحك ...لازم نخرجلك الرصاصة .
_عزيز : باهي ..متأكدة تنجم
_ليان : تحمل
لوجت ليان على مقص باش تجرح الجرح باش تخرج الرصاصة ملقتش عمل هاكا عزيز و جبد سكينة ..شدها في يدها و غمضت عينها بالقوي خذات نفس و حلت جرحت شوي و عزيز بدا يعيط منغير ما تشعر حطت يدها على فمو
_ليان : اشششش...فيبالهم بيك متت لازم تتحمل و متعيطش
شد عزيز يد ليان كانت على فمو و بعد بدا يحكي و هو يحكي بسيف مالوجيعة
_عزيز : علاش ...ع..علاش ...تعمل م.مع.معايا هاكة..
غزرتلو ليان و بعد رجعت حطت يدها على فمو و كملت تحل في الجرح لين خرجت الرصاصة و عزيز يضرب في يدو بالوجيعة اول ما كملت رقد عزيز و ليان كملت تنظيف الجرح و بقات تستنى فيه لين يفيق ..بعد وقفت بالواقفة غزرت ليديها كلهم بالدم و هزت راسها تشوف في روحها في المراية تعدات ساعات و عزيز بدا يفيق ... بدا يتحرك بشوية بشوية .
عرفت ليان الي عزيز خرج مالدار جملا فاقت هي كانت مابيها شي و عملت المسرحية هاكي باش تدخل لبيت عزيز و تشد عليه بروv هيا بدات تفركس في وسط الأوراق لين طاحت بورقة الي فيها السلعة الي باش يشريها الليلة من عند حسان جبدت تاليفونها صورتها و رجعت كل شيء كيما كان دخلت لسال دو جبدت حوايجها الي شيحتهم لبست و هزت مفتاحها و هاكي الورقة و خرجت .
ركبت في كرهبة و توكلت على الله .
وصلت في شطر الثنية و جاها التاليفون من عند عيسى
_عيسى : ليان
_ليان : احكي
_عيسى : الدوسي حاضر
_ليان : اوك ...تو عندي حاجة ما اهم نتقابلو غدوة فلوسك حاضرين .
_عيسى : d'accord t'inquiètes
خدمت كرهبتها و رجعت لدار غزرت للوقت لقاتو 11:34 وصلت باست امها و قعدو يحكيو شوية
و بعد مشات رقدت . و مافاقت كان ما فيقتها امها للعشاء
قامت حكت عينيها غزرت للمنقالة لقاتها 20:24
_ليان : وووه ياخي انا كنت راقدة و لا ميتة من نص نهار و انا راقدة
_لطيفة : محبيتش نفيقك نعرفك تاعبة
_ليان : يخليك ليا لطوفة يا غالية
_لطيفة : هيا قوم قوم نتعشاو
_ليان : انتي اهبط و انا نبدل حوايجي و نخلط عليك
_لطيفة : ياخي خارجة
_ليان : اي خارجة امي منبطاش
_لطيفة : اه يا بنتي اه .. باهي هيا مطبتاش عليا
لبست ليان لبسة تنكرية بالإمتياز ..
لبست سروال كوير نوار و مريول نوار و بوتس نوار و عملت شعرها cou de cheval و lunette كحلة و خرجت تعشات و ضربت قهوة و خرجت .
ركبت في كرهبتها و مشات لديبو متاع عزيز
اول ما وصلت هبطت مالكرهبة تسمع في حس كرطوش يضرب حست بدقات في قلبها أما ما قلقهاش الحس . بدات تمشي لين وصلت لقدام الباب متاع الديبو و كرطوش قاعد يضرب في القاع بجنب ساقيها تلفت عزيز على غفلة لقاها ليان تنطر يجري باش ينقضها لين تجيه كرطوشة في يدو اما ما نتبهش هزها و رجعو تخبو على الحيط
_عزيز : ياخي انتي اش تعمل هوني
_ليان : جاية نطل عليك
_عزيز : فاش تحكي ياااااخي ..
_ليان : زيد عيط مسمعك حد
_عزيز : اسمععن......
قص عليهم حسان و هو يعيط في وسط الديبو
_حسان : يا عزيز كانك راجل اخرج واجهني
ولا خايف من صاحبتك تعرفك على حقيقتك
تنفظت ليان وهي تسأل
_ليان : صاحبت شكون ..
_عزيز : مش وقتك اسكت
جا ماشي شدتو ليان من يدو
_ليان : يدك مجروحة قاعد يستفز فيك
_عزيز : ابعد من قدامي
_ليان : نحكي معاك
_عزيز : نكمل خدمتي و بعد نتلهى بيك .
هو هكاكا و يجي واحد من وراهم و يحطلهم غاز لين طاحو الزوز دايخين هزوهم الزوز و حطوهم في الكرهبة ديركسيون للميناء_عزيز : احنا وين
_ليان : احنا في يود سي عزيز ..فرح بينا سي حسان متاعك مقصرش
_عزيز : شنوة
_ليان : بشوية يدك مازالت موجوعة
_عزيز : شكون فما لبرا
_ليان : 3 رجال مسلحين .
_عزيز : شنوة الحل
_ليان : نقتلوهم
_عزيز : شنيا ...ضحكتني
_ليان : شنوة الي يضحك
_عزيز : باش بتقتلهم ب... خليني ساكت
تقدمت ليان لعندو و قربت علخر على اساس باش تبوسو اما دورت راسها لوذنيه و حطت يدها على جرحو
_ليان : كيما خرجتلك الرصاصة نقتلهم واحد واحد
_عزيز : اووه كيفاش
عملت هاكا و خرجت سلاح من وراها وحطتو على راس عزيز و بعد غزرتلو
_ليان : هاكا يجيش
_عزيز : كيفاش منحولكش ..منين جبتو ياخي
_ليان : ماهومش باش يفركسو طفلة مزيانة كيفي مانيش متاع سلاحات .. مش هاكا
_عزيز : لا جملة و قولي تعرف تضرب بيه هذا و لا تخاف ...
_ليان : لا منجمش نضرب بيه ...باش تضرب بيه انت...ماكش نورمال حتى في....
و الباب دق
_عزيز : صحيتك هاك فيقتهم تره وريني اش باش تعمل ...متحلش قولهم كنت راقدة .
الرجال الي لبرة سمعو حس متاع ليان كيفاش تحكي ياخي بداو يدقو و عزيز جمد في بلاصتو قامت ليان تجري لسال دو بان خطفت منديل و حطتو في راسها و عزيز مبهم أول مرة يشوف طفلة ڨارحة هكاكا
_عزيز : اش تعمل
ليان قحرت لعزيز على جنب و مشات ياخي واحد من الرجال حل الباب طلت كان براسها
_ليان : تفضل اش تحب
_الراجل : لا سمعنا حس ياخي سي حسان قللنا بارو شوفو
_ليان : كنت ندوش و نغني ...ميسالش ماهو
_هو : اي سمحنا مداموزال ليان
_ليان : معاش تحل الباب منغير ما نقولك اوك
خرج و سكرت ليان الباب و نحت المنديل من فوق راسها و طيشتو على عزيز و هو حال فمو
_عزيز : واو ابهرتيني تو قولي اش باش نعملو
يا مفتش كولونبو

ستوووب 💥🔥
الحلقة وفات

نتقابلوو في الحلقة القادمة 🍷🙈

شنوة باش يصير زعما 🔞❤️

متنسوش كومنت💬 و لايك 👍🏻

نحبكم ديامونتاتي 💎