القـــناع

الحلقة 9🎭

تيت تيت ..تيت 🔸💉
ليان في غيبوبة خسرت برشا دم مطيشة وحدها لخيوط كل في بدنها و السيروم معلق ما تسمع كان حس الماكينة متاع دقات القلب
~عزيز في بيت لخرة ~
_عزيز: حط رجال على الطفلة
_امين : باهي تهنى ..اما
_عزيز : اما شنوة
_امين : اما لو كان تسمع كلام الطبة و تقعد الليلة هوني
_عزيز : انا منقعدش هوني تسمع حسابي مزال ماوفاش مع حسان ولد الكلب ... وزيد منجمش نقعد في بلاصا فيها المخلوقا هاكي
_امين : اه صار تو معادش تحب تقعد بحذاها الطفلة في غيبوبة جرايرك ..
_عزيز : يزينا عااد ماقلها حد تبعني
_امين : مالا علاش تحبني نعس عليها
_عزيز : علا خاتر عندها دوسيات على حسان و علينا يا فهيم
_امين : علينا
_عزيز : طير
قدم خطوتين و رجع و يدو ملفوفة في سبتة متاع اليد
_عزيز: هات هاك السلاح
_امين : اش باش تعمل بيه
_عزيز : باش نقتل بيه حسان و نمشو مع بعضناا لجهنم
_امين : شد ...بعد ساعتين عندنا اجتمااع في شركة .. قالك فاما برشا شركاء باش يحضرو فيه .
_عزيز : مش ناسي ..باي كي تفيق كلمني
_امين : شكون
_عزيز : ليان
_امين : مريقل

ركب عزيز كرهبتو عجاجة و مشا للأوتيل الي فيه البلاصة و بيرو الي باش يعملو فيه لاجتمااع اول ما وصل لقا كرهبة حسان في باركيينغ ڨارا كرهبتو بغُل و غش و هبط طرشق الباب وراه و مشا للرسيبسيون
_عزيز: بيرو حساان وين
الخدامة : عسلام...
ظرب بيدو على طاولة و هو يصيح لين غمضت عينها مالقوة الضربة
_الخادمة : الطابق الرابع اول بيرو على الايساار
طلع خدم لأسونسور ستنى شوي اقاه مزال يجلع في شكون ضرب بيدو على الفلسة و مشا يجري طالع في درووج هيا طابق لول ، الثاني الثالث الرابع طلعهم تقولشي عليه فحج عليهم بساقيه حتى الدهشان ما دهشش وقف قدام الباب حلو بساقيه بالقوي اول منظر شافو بعد ماحل الباب الرجال الي بحركة لا ارادية نحو السلاحات من حزامهم و وجهووهم العزيز و هاكا عزيز ماهوش هنا جملا و بدا يتقدم خطوة خطوة لين وصل للبيرو بقا يتفرج فيه بالقداا و عينيهم تڨدح شر و كره و زاد تقدم خطوة ياخي تكلم واحد من الرجال
_سي حساان
عزيز ميكونش مالعاكسين و يطيري عليه منغير لا شفقة ولا رحمة
_عزيز : هذا احسن رجالك مش هاكة
تبسم تبسيمة خبيثة و كمل كلامو
_عزيز : اليوم هو غدوة انتي باهي ..تفهم فيا ..فا اقعد رايض خيرلك
دزو بالسلاح على راسو و بعد جا خارج وصل للباب غزر للراجل الي قتلو و تلفت الحسان الي كان يلقى يتسيب عليه اما مش منجم خاتر ورقتو الرابحة عند ليان ماشي بالو ليان و عزيز يخدمو مع بعضهم
_عزيز : نظف وسخك و اخلط للإجتمااع متخافش مناش باش نستنوك ..
لطخ الباب بساقيه و خرج تعدى للإجتمااع لقاى لعباد كل حاضرين يسناو فيه اول ما دخل كل قعدو يخزرولو خاترو ضاهر عليه الغش لين تكلم وهو يضحك
_عزيز : سامحوني على retard نجمو نبداااو تفضلو .
هيا تعدات ساعتين لاجتمااع و فا عزيز قاعد في كرهبتو تراش يبربش في اوراقو لين جاه تاىيفون شافو في تابلو متاع الكرهبة لقاه امين
_امين : اهلا صاحبي ..اش صار منجمتش نجي الرجال الي بعثتهم لتو لا وصلو
_عزيز : مبكري شوي كنت معاهم اهبطلهم لوطة باش ميضيعوش نعرفهم بهايم
_امين : و نخليها وحدها
_عزيز: ياخي جن هي ..تي رقدة في غيبوبة كيفاش باش تمشي
_امين : هاني هابط باهي