القـــناع

الحلقة 21🎭

عزيز ماكنو لعصب عشرة يهزو و عشرة يحطو اخر حاجة كان يتوقعها انو يتسكر عليه باب و مع مرا وقت الي هو يكره جنس حواء في دم و ليان كيف كيف متحملش عزيز بلكل و ين تشوفو تتفكر اول نهار تعرفت عليه و كيفاش عاملها هيا عزيز قاعد على فوتوي يرقل كولو مالعصب و ليان متوترة علخر ...تمشي و تجي ..زعما صاي ..زعما سلكوها...زعما عيسى نجا رجال عزيز من المشكلة..
هو هكا و تلفون عزيز صونا هز عليه لقااه واحد من رجالو هز عليه
_هو : سي عزيز نصبولنا فخ
_عزيز : اش تحكي ياخي
تلفت لليان لقاها خايفة كان يصيح بالقوي و تدورلو براسها بمعنى اش فما ..
_عزيز : اش صار
هو هكاك و تلفون قص عزيز زاد هبل
_عزيز : الوو الووو يا××× ×× الي رباكم ...متصلحو لشي ...
هو هكاك و يوصل مسج لليان حلتو لقاتو فديوو لايف من عند عيسى ..خزرت للعزيز و بعد مشاتلو
_ليان : اهدا ...اهدا ..و تو ايجاا
استغرب عزيز اما مشا معاها قرب لطاولة لقاه فديو لايف كيفاش رجال عيسى قتلوو رجال حسان و عاونو رجال عزيز ..
عزيز رجعت فيه الروح اما ميعرفش شكون الي عاون رجالوو
_عزيز : شكون هذا ..شكون الي عاوني ..شكون..وعلاش..علاش مفتهمتش
ليان تبسمت بخباثة و عوجت فمها و دزتو قعدت في كرسيها و بدات تحكي
_ليان : هذا عيسى مساعد متاعي و هذوكا رجالوو
_عزيز: رجاالك
_ليان: قتلك رجال عيسى
_عزيز : و علاش سي عيسى متاعك باش يعمل حاجة كي هكا
_ليان : tous simplement خاطر سي حسان متاعك هددك ...بطريقة اخرى كان جيت انتي تو ماكش هوني رانا ميتين الزوز كان فما رجال بجنب الديبو متاعك محضرين قنابل كان مخرجتش راك تو في الدنيا لخرا و انا كنت باش نموت خاترني طعم متاعك ..
عزيز بقا مبهم و ملقى مايجاوب اما حب يبدل الموضوع
_عزيز : باهي حل ×× الباب
_ليان : احترمني شوية و نقص ماكلام الزايد ..و زيد ماك ريت المفتاح طاحت
_عزيز : لياان
_ليان : نعرفو اسمي بالڨدا هات حاجة منعرفهااش
_عزيز : لياان ...متهبلش ز×× ..
_,ليان : دوبل المفتاح عند عيسى كي يجي تو يحل الباب و تخرج ..
و تو برا ارتااح و متكسرلييش راسي عندي خدمة .
_عزيز : باهي هات حاجة تتشرب
_ليان : في كلينيك رااك ..متستناش مني نضيفك وسكي يعني
_عزيز : اووف هات قهوة ناقصة سكر
_ليان : ناقص عصب انتي
_عزيز : تلهى في ص××× و اسكت و جيب قهوة
_ليان : كي تتربي تو نضيفك قدامك كان خلطت صحة ليك ..
نفخ عزيز طايرتلوو علخر و زيد معندو حتى فكرة على رجالو سلكوها في سلعة ولا لا ..