قرب منها علخر و عينيه تتناطر شر و يتبسم تبسيمة تخوف رنتها تبقى تزن في الوذن و بعد تنفس شوية يتحسس في نفسها الي قاعد سخون على رقبتو و بعد حط يدو على حيط و خلاها بين يديه و بدا يحكي بتشنطير
_عزيز : قداش متاعك ..قداش تحب
وقتها خذات نفس طويل حست الدنيا وقفت ..حست بروحها كل قطعة من بدنها قاعدة تتبخر قطعة قطعة اما محبتش تبين الي هي ضعفت قدام حد خاصة راجل يحب يعفس على شرفها ركزت عينيها محبتش ترمشهم باش الدعمة متهبطش و غزرتلو في عينيه و بعد دزتو بكل قوتها و هي تصيح
_ليان : زايد ساقط...و الله لاتحشم ولا تجي راجل...
غزرلها على جنب حل يديه و بعد صفق و هو يحكي بكل كره
_عزيز: واو ...اقنعتني ...مالا تراجديا ...و ملا شااو عملتوو..تستحق... Oscar....ا..وو.. جاية معايا للوتيل و بالبسة هذه و تحب تقنعني الي انت شريفة بنت الفاضل
_ليان : أنا اشرف منك ..يا كلب .. أما رد بالك تنسى ..يا عزيز ...رد بالك خاتر أخرتك على يديا ..عليا و على اعدائي
جن جنانو عزيز غادي و عروق يديه مالغش ظهرو علخر و ملامح وجهو كل ترسمو للغش و بدا يتقرب بالقوي مش ناوي على الخير ماتشوف كان ليان دخلت تجري و هو في جرتها فما صحن فيه الغلة فوق الطاولة فوقو سكينة هزتها و هي شعراتها الي جاو على فمها يتهزو و يتحطو من قوة نفسها و هي ترعش كلها .
_ليان : و الله تقدم خطوة منرحمكش ...و الله نقتلك و نشرب من دمك من غير ميرفلي جفن .
عزيز حسها اللقطة و عرف الي هي صادقة و بالي يكون هي امانة عندو و لازم يرجعها ..تقدم خطوتين و مترا كان ليان هزت السكينة و حطتها على يدو لين ولا دم
_عزيز : اااه ...ياخي نرمال ...باهي اهدئ ..هدي روحك
تقدم منها شدها من يدها و شدها بالقوي لين اعصاب يدها ترخو طيحت السكينة من يدها و بعد دزتو
_ليان : رد ب...ب..ب.بالك تمسني
عزيز هز يديه و بعد شوية و بقا يتفرج عليها و هو قاعد يعمللها اقعد ارتاح مشات خطوتين و دنيا بدات دور بيها مفاقت كان كي جات في قاعة عزيز مشالها يجري حملها و حطها فوق الكانبي و صب كاس شراب و بدا يتكيف يستنى فيها لين تقوم .
★★★
أنت تقرأ
القـــناع
Acciónأنا جيييت ...و كي العادة جبت معايا كرو جديدة بالهجة التونسية⭐ باش تلقاو فيها #تشويق و #اثارة و #الحب و برشااا #أكشن و #لإنحراف 🔥🙈 تحت عنوان : القــــنـــــاع 🎭 للكاتبة : y.hassin 🍷❤️ تحذير : فيها مقاطع 🔞
