القـــناع

الحلقة 19🎭

ليان قاعدة في بيروها لين دخلت السكريتيرة
_مداموزال فما شكون يحب يقابلك
_ليان : مش قولت معناش رونديفو تو
_السكريترة : لا مش مريض ..ظاهر فيه لباس عليه
_ليان : كان لباس عليه باش يجي للكلينيك
_السكريتيرة : لا نقصد ظاهر عندو شركات و لا حكاية و جايك بذمة
ليان كانت تحكي و غاطسة في اوراقها وقت سمعت السيكريترة هزت راسها
_ليان : مقلشكش اش اسمو
هي باش تجاوب و عزيز دز الباب و دخل
_عزيز : السلام عليكم
ليان قامت و ديراكت بدات تعيط
_ليان : سوار اخرج و سكر الباب
خرجت السكريتيرة مش فاهمة شي هزت روحها ورجعت لبيروها
_عزيز : هذا كل غش ...سايس روحك مش باهيلك
قرب منها اكثر و بدا يوشوش
_عزيز : تقلق المرضى متاعك
ضحكت بخباثة ليان و بعدت عليه باش تبقى في الصالة متاع بيروها
_ليان : هاك قولت المرضى متاعي ...معناها نتصرف فيهم كيما نحب ...
_عزيز : يعني ؟
سكتت شوية ليان و عزيز واقف قدام البيرو و دوب ما متكي على الطاولة مشات ليان و سكرت الباب بالمفتاح .
_ليان : يعني نتصرف كيما نحب انا ..
_عزيز: اش تعمل ياخي ..
_ليان : اش ريتني نعمل
عزيز مش فاهم علاش عملت هكاكة اما خايف من حاجة انو كان ليان دور عليه و طتلع عندها حاجات اخرين شددتهم عليه ...كان اول مرة يشوف ليان بالقوة هذه ..كانت ظاهرة عليها القوة الحقانية مش هاكي المتصنعة
_عزيز : اش قاعدة تعمل
_ليان : قاعدة نسكر في باب باش نحكيو و ميقلقنا حد
_عزيز : هيا باهي ...فاش تحبنا نحكيو على المسلسل الي تبع فيه est ce que البطل اعترف للبطلة و لالا
ليان ضحكت و بعد بدلت الموضوع و مشات وقفت بحذا الشباك
_ليان : مش كايني سخنت شوية خلي نحل شباك ..
تعمل هاكة و ترمي المفتاح
_ليان : يااا ...المفتااح طاح ..معادش نجمو نخرجو
_عزيز : ياخي نوررررماااال انتي
وبدا يصيح ويعيط كشاكشو خارجة
_ليان : اشششش....المرضى متاعي يتقلقوا

مالا ليان مقواها ❤️
زعما علاش عملت هكاكة
و قولولي شنوة حاسين باش يصيير 🙂😌

#يتبع
كل حد يخبرني من وين قاعد يتابع فيا🔥🇹🇳🇩🇿🇲🇦🇱🇾🇮🇶🇪🇬🖋️
#يسرى