القـــناع

الحلقة 13🎭

انااا جييت حاضرين زعما لحكاية عزيز و متشوقين اش باش تعمل ليان ..🔥🔥
منطولش عليكم 😭🗣️
هيا نبدااو  🔥💯😶⏳

____________________________________

فاقت ليان صباح بسيف لقات ورقة من عيسى مكتوب فيها خليلتك الكرهبة انا عندي خدمة لازم نمشي ..قامت حلت تاليفونها كان مسكر باش مايعرفوش جماعة عزيز بلاصتهم وين هيا شاقت للوقت لقاتها 6:17 متاع صباح قامت بزربة تفكرت جرحها وجعها نفخت من الوجيعة و قامت بسياسة مشات للسال دوبان غسلت وجها و مسحت سروالها بشوية ماء نضفتو خاتر معندهاش باش تبدل ما جبتش معاها كانت لابسة سروال دجين و توب ابيض و سبادري ابيض هي خرجت عملت قهوة صبتها في thermos de café  هزت ساكها و مفاتحها و خرجت اول ما طلعت في كرهبة كلمت الرجالي الي خلتهم يعسو على عزيز قالولها الي هو في دارها استغربت هي ..هيا قعدت تمشي اول ماوصلت لقات الرجال يستنو وقفت الكرهبة طلع احمد
_احمد : صباح الخير مدام
_ليان : صباح النور ...وقتاش جاء عزيز هوني
_احمد : من بارح هو هنا جاب اموو و لتو لا خرج .. و قبل شوية خرجت هي و مدام لطيفة
_ليان : قتلي امي ..
_احمد : اي نعم
_ليان : اه ...باهي باهي اهبط انتي و كمل خدمتك و خبرني بكل شي ..اوك حقا ستنى ..هزيت لوراق الي قلتلك عليهم ولا لا ..
_احمد : اي امس حطيتهم ..
_ليان : باهي ...خدمتكم عجبتني ..كملو هكاكة ..
_احمد: بسلامة
هي كملت ليان دخلت لدار لقات سالم العساس متاعهم سلمت عليه سألها على حوالها و كل بعد سالتو على عزيز خبرها الي هو روح في ليل مخر و اكيد مزال راقد...
حلت الباب بدات تشوف منا و منا تلوج على عزيز و الخوف بدا يسيطر عليها مش على خاتر الدوسيات اما خاتر بيت لوتيل ..هي دخلت لبيتها لقات عزيز راقد في بيتها قعدت واقفة تتفرج فيه راقد كي الملايكة اما هو جن ازرق هي لقات دعمتها باش تهبط و ولات ترعش كلها مشات للڨارد روب متاعها باش تاخو حاجة تبدلها ياخي ظربت يدها على كوافز طاحت دبوزت الدودوران فيقتو غمضت عينها هيا اما فيسع ما حلتهم باش تلم قوتها كل هو اول ما فاق بدا يحل في عينيه بشوية بشوية
_ليان : صباح الخير
_عزيز : ياخي اش تعمل انتي هوني
تلفتت ليان ايمنها و ايسارها
_ليان : و الله انا حقني نسألك ...اش تعمل هوني الدار معبية بيوت ملقيت كان هوني ترقد
_عزيز : اسمعني خليني نفيق وبعد حسابي معاك مزال ماوفاش
_ليان : هاني نفطر لوطا مالا ..
ڨحرلها عزيز على جنب خلاها لين خرجت و قام غسل وجهو و لبس سروال بالبوش نوار و مريول نص يد اكحل و سبادري ابيض و هبط لقا ليان عاطيتو بظهرها و التوب الي لابستو قصير ظهرها كل باين حس روحو ترهوج على صباح اما محبش يخمم في حكايات الفارغة مشالها صب قهوتو و قعد مقابلها ..
_ليان: اي اش تعمل هوني
_عزيز : من راي كان تنحي الماسك هذايا خير و ماكش  obligé باش تخبي خوفك
غزرتلو ليان و جات باش تمشي باش تبدل حوايجها سيبها عزيز بقا يتبع فيها بعينيه خلاها كيف دخلت و خلط عليها لقاها واقفة قدام المراية تمشط في شعرها ..
_عزيز : ممم شنوة shampoing الي تستعمل فيه
تنفظت هيا و قامت مفجوعة و حست بوجيعة اما محبتش تبين
_ليان : اخرج من هوني ...فيسع
عزيز جن جنونو و بدا يتقرب منها لين كسر المسافات هربت جات في كوان خلط عليها و هي بدات تتنفس بالقوي و حست البوجيعة زادت قوات اكثر اما منجمتش تقول خاتر عزيز مخلاهاش ...شد عزيز رقبتها و بشوية و جا باش ييوسها و ليان ساي بدات ترعش كلها عزيز ماشي في بالها على خاتر خايفة
_عزيز : شنية هذا كل خوف ...  قداش من واحد عشت معاه اللحظة هاذي و لتو مازلتي تخافي ..
_ليان : ا...ب..اب.ابعد
_عزيز : وين الدوسيات ...وين حطيتهم ..انطق و ارتاح
ليان جمعت قوتها كل و غزرت في عينيه
_ليان ؛ نموت و لا تعرف بلاصتهم
عزيز نسا جرح ليان و حط يدو على خصرها بالقوي لين عيطت في لحظة هاكي عزيز فاق على  روحو و بدا يوخر غزر ليدو لقاها دم
_عزيز : جرحك ينزف ..
وقدم على اساس باش يعاونها ...لقا التوب متاعها تغدر بالدم و هي هزت يدها باش مايقربلهاش حطت يدها على جرحها و مشات باش تقعد على فرش قدمت خطوتين و من كثر لوجيعة جات باش تدوخ شدها عزيز حملها حطها فوق الفرش و هي ذابلة عزيز كي يشوف شكون مجروح يضعف و مينجمش يشد روحو جا باش يبدللها الفاسمة هز التوب شوي لقا تصويرة متاع بوها الي حطتها ليان امس في سروالها
_عزيز: هذا...
خطفت منو التصويرة و قامت بسيف مفجوعة
_ليان : اخرج من بيتي ..اخررررجج
عزيز تنرفز كي شافها هكاكة خاتر هيا قوت روحها و حاولت باش ميشوفهااش عزيز ضعيفة
_عزيز: تفكرها لحكاية هذه و حسابك مزال محلول..