أنا جيييت ...و كي العادة جبت معايا كرو جديدة بالهجة التونسية⭐ باش تلقاو فيها #تشويق و #اثارة و #الحب و برشااا #أكشن و #لإنحراف 🔥🙈
تحت عنوان : القــــنـــــاع 🎭
للكاتبة : y.hassin 🍷❤️
تحذير : فيها مقاطع 🔞
ليان تفكرت ليلة المبارح كيفاش تقوى عليها و بعد سكتت شوية رسمت ضحكة خبيثة حطت ساق على الساق تغري فيه بهاكي الروبا و هزت قهوتها ترشفت منها طبعت شفايفها على فنجان بالروج متاعها و بعد قالت _ليان : صباح النور يا عزوز غمض عينيه عزيز متشوكي كيفاش تجاوب فيه بكل برود و مبعد ضحك __عزيز : ظاهر فيها مأثرتش فيك ليلة إمبارح . _ليان : ويني مفتاح كرهبتي . جبد عزيز المفتاح و حطها فوق الطاولة هزت ليان المفتاح و جات خارجة معجبتوش عزيز الفازة كيفاش تمشي منغير ما يقولها كي وصلت بجنبو باش تتعدى شدها من يدها بالقوي و كركرها لين وصلها للجنينة و هي تعيط عليه باش يسيبها جاو على حافت البيسين و وقفو يحكو _عزيز : ياخي وين ماشية شكون شاورت للالا _ليان : سمحني تحكي معايا انتي _عزيز : اي انا في داري و نعمل لنحب تقدمت ليان خطوة منو و وشوشتلو بشوية _ليان : كي نولي مرتك تنجم تحكم فيا اما تو ماعندك علي حتى حق ok ..'ok عزيز بحركة لا ارادية يدز ليان باش يبعدها عليه و في لحظة هاكي تزلق ليان بالطالون متاعها و تجي في وسط البيسين .. بقا يضحك بتمسخير هو عجبو المنظر و ميعرفش الي ليان عندها فوبي مالبيسين و متعرفش تعوم عاد اول ما غطست قرقت و ماعودتش طلعت _عزيز : هيا عاد اخرج واجهني ...وينك ولا يطلعشي خايفة مني ...ياخي لدرجة هاذي تخير الموت و متواجهنيش ....يا طفلة اخرج الدنيا باردة تي هيا بديت تنرفزني راك بعد درج عرف الي هو غالط و الي ليان مش تفدلك منغير ما يخمم هبط في ماء البارد هكاك بحوايجو جبد ليان وهي تتنفس بالسيف كان زادت شوية راهي ماتت أول ما خرجها لقاها ترعش كل و متنجمش تسيطر على روحها دخلت في حالة هستيرية حملها و هزها لبيتو .. وصلو دخلها لدوش عمللها دوش سخون و بعد رقدها في فرش كان باش يبدللها حوايجها اما بعد بطل يعرف الي بعد باش تعملو مشاكل عطاهملها لبست خرجت لابسة مريولو يجيها قصير شوية ترهوج عزيز و في نفس الوقت قلبو زاد كساح هيا غطاها و كتبلها ورقة على جنب "لحساب مازال شد صحتك قبل ...ماعندك وين هاربة " هيا خرج ديراكت طلب صاحبو أمين _عزيز : السلعة حاضرة _امين : الرجال حاضرين اول ما توصل الكرهبة ننطلقو صديقي _عزيز : الكرهبة فيها رجال حسان رد بالك يعرفوك _امين : تهني صاحبي _عزيز : كي تكمل جيب السلعة و ايجا لديبو عنا مانحكو . _امين : ok عرفت ليان الي عزيز خرج مالدار جملا فاقت هي كانت مابيها شي و عملت المسرحية هاكي باش تدخل لبيت عزيز و تشد عليه بروv هيا بدات تفركس في وسط الأوراق لين طاحت بورقة الي فيها السلعة الي باش يشريها الليلة من عند حسان جبدت تاليفونها صورتها و رجعت كل شيء كيما كان دخلت لسال دو جبدت حوايجها الي شيحتهم لبست و هزت مفتاحها و هاكي الورقة و خرجت . ركبت في كرهبة و توكلت على الله . وصلت في شطر الثنية و جاها التاليفون من عند عيسى _عيسى : ليان _ليان : احكي _عيسى : الدوسي حاضر _ليان : اوك ...تو عندي حاجة ما اهم نتقابلو غدوة فلوسك حاضرين . _عيسى : d'accord t'inquiètes خدمت كرهبتها و رجعت لدار غزرت للوقت لقاتو 11:34 وصلت باست امها و قعدو يحكيو شوية و بعد مشات رقدت . و مافاقت كان ما فيقتها امها للعشاء قامت حكت عينيها غزرت للمنقالة لقاتها 20:24 _ليان : وووه ياخي انا كنت راقدة و لا ميتة من نص نهار و انا راقدة _لطيفة : محبيتش نفيقك نعرفك تاعبة _ليان : يخليك ليا لطوفة يا غالية _لطيفة : هيا قوم قوم نتعشاو _ليان : انتي اهبط و انا نبدل حوايجي و نخلط عليك _لطيفة : ياخي خارجة _ليان : اي خارجة امي منبطاش _لطيفة : اه يا بنتي اه .. باهي هيا مطبتاش عليا لبست ليان لبسة تنكرية بالإمتياز .. لبست سروال كوير نوار و مريول نوار و بوتس نوار و عملت شعرها cou de cheval و lunette كحلة و خرجت تعشات و ضربت قهوة و خرجت .
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
ركبت في كرهبتها و مشات لديبو متاع عزيز اول ما وصلت هبطت مالكرهبة تسمع في حس كرطوش يضرب حست بدقات في قلبها أما ما قلقهاش الحس . بدات تمشي لين وصلت لقدام الباب متاع الديبو و كرطوش قاعد يضرب في القاع بجنب ساقيها تلفت عزيز على غفلة لقاها ليان تنطر يجري باش ينقضها لين تجيه كرطوشة في يدو اما ما نتبهش هزها و رجعو تخبو على الحيط _عزيز : ياخي انتي اش تعمل هوني _ليان : جاية نطل عليك _عزيز : فاش تحكي ياااااخي .. _ليان : زيد عيط مسمعك حد _عزيز : اسمععن...... قص عليهم حسان و هو يعيط في وسط الديبو _حسان : يا عزيز كانك راجل اخرج واجهني ولا خايف من صاحبتك تعرفك على حقيقتك تنفظت ليان وهي تسأل _ليان : صاحبت شكون .. _عزيز : مش وقتك اسكت جا ماشي شدتو ليان من يدو _ليان : يدك مجروحة قاعد يستفز فيك _عزيز : ابعد من قدامي _ليان : نحكي معاك _عزيز : نكمل خدمتي و بعد نتلهى بيك . هو هكاكا و يجي واحد من وراهم و يحطلهم غاز لين طاحو الزوز دايخين هزوهم الزوز و حطوهم في الكرهبة ديركسيون للميناء
