مهتمتش للحكاية غطست في دوسي و بدات تقرى و عرفت كل شي على سي رسلان هذا و الحفلة متااع اليوم هي حفلة تنكرية يعمل فيهاا رسلان كل ما يربح حاجة باهية مالقمار ...
هي هكاا و باب نوقز ...مشات للباب شافت الكاميرا لقاتهاا طفلة عرفتها الطفلة زينة الي بعثها عزيز
حلتلها و طلعتها للبيت و جابتلها قهوة و هي مشات دوش خرجت مالدوش تلقاتها في يدها سشوار ..
شيحتلها شعرهاا و جبداتو و جبدتلها روبة حمرا طويلة من قدام مستورة طالعة للرقبة و من تالي ظهرهاا عريااا و فيهاا فونت طويلة ..مكيجت و عملت كل شي هي مزيانة و زادت باللبسة ولات تهبل ..
عزيز دخل لاباس كوستيم في نوار ...مبينلو الابدو متاعو وقف في صالة و يستنى في ليان و كل شوي يغزر لمنقالتو شوي و يسمع في حس الطالون .
تلقت يلقى ايقونة قدامو بقى يغزر مبهم بعد تلفت لزينة يحكي
_عزيز : شنيا هذا زينة قد ماكنت نتصورك professionnelle ...اما مش هكاا .. virement bravo..
_زينة : merci ma chérie ...
قدمت منو علخر و ماهي لابسة طالون هي وياه فرد طول قربت وجهها على قد فمو و تمشي لوذنيه
_زينة : مالا نستحق مكافأة ...
_عزيز : الي هي !؟
زينة تلفتت لليان لقاتهاا ترحي رحيان بالغزول ..كملت تحكي اما قصت على كلامها ليان
_زينة : المكافاة ...(و تلعبلو بالفيستا متاع الكوستوم متاعو ) هي انا..و انت..م...
ليان : اناا باش نشرب ...
هزت روبتها لفوق و مشات تجري للكوجينة صبت كاس ماء و بدات تشرب و تحكي وحدها
_ ليان : سقاط خماج ...خيه ..ياربي يصبرني اش قاعدة نعمل انا هوني ...
وراهاا كان عزيز يسمع فيها ..صفق بالقوي لين تفجعت ليان
_ليان : اهه ..فجعتني ...ي. .يا..ياخي من وقتاش انتي هوني
_عزيز : لا ..تو ..تو كيجيت
_ليان : اه هي باهي
تكبست ليان و جات باش تطمان الي هو مسمعهااش اما قص على افكارها عزيز
_عزيز : اما تو نتفاهمو فيها خماج ..
_ليان : نعم
_عزيز : طولت في شرب ماء متشربش برشااا الروج باش يتنحى ..
حطت ليان الكاس بالقوي و خرجت جات قدام الباب شدها عزيز من ذراعها بالقوي
_ليان : يدك
_عزيز : اسمعني مليح
_ليان : يدك عزيز
غزر عزيز ليد ليان لقاها مضروبة فيها بلاصة زرقة اما تخابات من المكياج و عينيها تعباو بالدموع ..سيبهاا و بطل كان باش يهددها اما بطل حس بالذنب ..
خرجت و طلعت في كرهبة و خلط عليها عزيز
خدم الشوفار الكرهبة و طارو للحفلة في كرهبة عزيز يركح في طفلة يعدي بيها الليلة و ليان قاعدة تثيت في معطيات رسلان ..
اول ما وصلو لقاو البرا بلاصة مضخمة ..قبل ما يهبطو شد ليان
_عزيز : شد
_ليان : شنيا هذا اش باش نعمل بيه ماسكرا
_عزيز : هذا مش مسكرا ..
_ليان : مالا
_عزيز : اسكت ...انا مش باش ندخل لسهرية اما بنركحلك الجو الداخل ..
_ليان : يعني
_عزيز : السارفورة الي لداخل كل تابعيناا ...باش يعاونوك تاخذ لفلاشة ..
_ليان : علاش ماك..ش جاي
كان باين الصوت ضعيف و خوف رجع يتملك من عند ليان ..
_عزيز : متخافش نعرفك باش تقد روحك ..
عمل عزيز هاكا و جبد سلاح من حزامو و مدهولها
_ليان : اش باش نعمل بيه
_عزيز : برشا حاجات ..حطو في ساكك
_ليان : اوك ..
غمضت عينيها و هبطت تلفتت لتالي لقات عزيز غمزها تبسمت و دخلت و حاولت تصنع القوة و الكبرياء
بعد ما تبعها عزيز بعينيه هبط مالكرهبة الي كان فيها و طلع يجري في كرهبة اخرى الي فيها عيسى و راجل اخر من رجالو و طاار بيها
زعما اش ناوي عزيز
و شنيا حكاية الحفلة متاع ليان باش يفيق بيها
#يتبع
أنت تقرأ
القـــناع
Acciónأنا جيييت ...و كي العادة جبت معايا كرو جديدة بالهجة التونسية⭐ باش تلقاو فيها #تشويق و #اثارة و #الحب و برشااا #أكشن و #لإنحراف 🔥🙈 تحت عنوان : القــــنـــــاع 🎭 للكاتبة : y.hassin 🍷❤️ تحذير : فيها مقاطع 🔞
