القـــناع

الحلقة 15🎭

هيا كملت ليان نهارها مع امها و ذكرى ام عزيز بعد قعدو يشربو في قهوة
_ذكرى : ليان بنتي لاباس اليوم ...خفنا عليك
_ليان: cv تاتا حمد الله
_لطيفة : بنتي طالعة لبوها تبركا الله عليها ..حتى كي تتوجع ماتحسس حد ...مش كي ريان خوها
_ليان : اه حقا ياخي ريان وينو ماهوش راجع ..مش قريب يكملوو لقراية
_لطيفة : امس كلمني ..قال باش يكمل الجمعة هاذي ويجي ..
وصل مساج لليان هزتو شافت شكون لقاتو من عند عزيز ..كاتب فيه
_"امي لباس مريضة ماهياش لباس ...عطيتوها دواها "
غزرت للوقت لقاتها 22:06 قامت و بعد جات. ماشية
_لطيفة : ليان فما حاجة بنتي
_ليان : اه لا عزيز يسأل فيا على تاتا ذكرى ...و انا لازم نمشي ..عندي soirée مع منى كيف جات من تركيا
_لطيفة : مطبطااش ...سلملي عليها ورد بالك على روحك ..
_ليان : ليلتك زينة
باست امها و مشات عملت دوش لبست روب بيضا قصير حلت شعرها لبست طالون و وقفت قدام المراية عملت مكيااج خفيف ...قاعدة قدام لمراية خرجت تصويرة بوها و بقات ساكتة تتحسر و تتفكر ايامات قبل كيفاش كانت حياتها ...بعد رجعت شافت روحها في المراية هبطت دمعتها منغير متشعر ..مسحتها و هزت تاليفونها و طلبت احمد
_ليان : ارجعو لدياركم ...بارو ارتاحو
_احمد: مداموزال لبااس
ليان حست صوتها باش يضعف سكرت الميكرو خذات نفس قوي و رجعتو
_ليان : قتلك ارجعو ماعاد نحبكم تبعو حد
_احمد : باهي ...للمعلومات عزيز الشارني تو في ديبو الكراهب متاع حسان
_ليان : merci beaucoup ليلتك زينة ....امشي لعيسى تو يعطيك حسابك انتي و صاحبك و كان تحب تكمل تخدمو معايا تنجم تبقى تخدم معانا ...
هزت ساكها و خرجت ..ركبت كرهبتها و مشات لأڨوا .
اول ما وصلت لقات امين في باب وصلو فرد وقت هو كان لابس سروال اكحل و سورية بيضاء
_امين : عسلامة ليان ..
_ليان : عسلامة سي امين
_امين : خلينا منغير مقدمات
ليات ماجوبتوش تبسمت وقعدت واقفة و امين بقا باهت فيها طلعت ياسر مذخمة و كلاس و بعد فاق على روحو
_امين : تفضل
_ليان : merci
دخلو لداخل ليان بدات تلوج و امين يمشي وراها وهو ريقتو سايلة عليها اول مرة يتقابلوو بعد زرب في خطواتو و هبط بحذا وذنيها
_امين : ليان على شكون تلوج
_ليان : نلوج على صحبتي
_امين : اه اوك ..تفضل خلينا نبقاو غادي
مشاو لطاولة لين جاهم سارفور
_سارفور : عسلامة تفضلو شنوة تشربو
_امين : كاس و انتي ليان
_ليان : حاجة sans alcool
_امين : متشربش ؟
_ليان : ناكل في الحرابش منجمش نشرب
_امين : اه ..حقا لباس جرحك
_ليان : اي سفا
هوما هكاكة و منى قصت عليهم بقاو يعنقو في بعضهم و يضحكو و امين قاعد يشوف فيهم كان باش يخبرها على الفديو متاع عزيز اما منجمش يقول منجمش يقوللها ...
هيا عزيز في ديبو متاع حسان متاع الكراهب بقا يدور خاتر حسان باش يعمل بيهم معرض غدوة على اساس باش مايفيق بيهم حد اما عزيز عندو وذنين في كل بلاصة ..هيا كمل الدورة متاعو و عرف وين باش يصير المعرض و خرج وهو عينيه كلهم حقد و شماتة
هي كملو سهرو و ليان نسات الي امين كان يحب يحكي معاها هزهم لحديث و امين قاعد مع منى و ليان و تعرفو كل على بعضهم و فيسع ما دخلو في الجو ليان مع 01:38 حبت تروح شدو فيها صحابها باش تبقى اما روحت بقات كان منى و امين الي سهريتهم بقاو لصباح

____________________________'_____

الحلقة وفااات ❌

اش رايك في لأحداث
تو باش تزيد لإثارة 🚨

و الحلقة الجاية كلها اكشن و تشويق 🎭🔥🔥

هيا تنسوش كومنت و لايك ❤️💬

نحبكم عسولات ❤️😍