القـــناع

الحلقة 8 🎭

_ليان : انتي قولي تعرف تعوم ولا لا
_عزيز : هههه أنا الي لازم نسألك..اش تقصد يعني باش نعومو انتي غرقت في بيسين باش تعوم في بحر
_ليان : زايد رمز و ساقط
_عزيز : اخطاك ماللغة هذه ليان
_ليان : حمد الله عليك كي نطقت اسمي
_عزيز : اسمعني تو لازمني ندبر سلاح اخر خاتر هاذا ميكفيش مفيشي كرتوش برشا .
_ليان : اش تحب تعمل .
_عزيز : شوف فما فلوكة غادي وقت تظلم شوية العين لازم نخرجو و نعومو لين نوصلو غادي ...صحيح باش تعبني اما مش مشكل.
وخرت شوية ليان قعدت على سرير نحات البوت متاعها خرجت سلاح صغير و عزيز باهت
_ليان : هاذا يقضي
_عزيز : ماكش عادية ..منين تجيب فيهم ياخي ..
ليان ساكت كي العادة دارت و عطت بالظهر لعزيز هزت مريولها فيه جيب من داخل فيه شوية رصاص حطتهم في يدها و دارت
_ليان : شد
_عزيز : زايد معاك .

Flash bak ✓∞★
اول ما وصلت قبل ما تهبطت مالكرهبة تسمع في حس كرطوش يضرب حست بدقات في قلبها أما ما قلقهاش الحس
حلت تاليفونها لقات كل شي على عزيز و الي هو تو يتعارك مع رجال حسان طبست حلت كوفر الكرهبة جبدت كرطوش حطتو في جيب من داخل بلكل في كرشها و حطت فرد في صباتها و هبطتت ، بدات تمشي لين وصلت لقدام الباب متاع الديبو و كرطوش قاعد يضرب في القاع بجنب ساقيها تلفت عزيز على غفلة لقاها ليان تنطر يجري باش ينقضها لين تجيه كرطوشة في يدو اما ما نتبهش هزها و رجعو تخبو على الحيط

**Rja3na ***

هيا ظلمت الدنيا الحس بايت وقيت عزيز و ليان يخرجو تو ...
وقف عزيز وصل بحذا الباب هو كيف شد الباب باش يحلو و ليان جبدتو
_ليان : جرحك لباس
_عزيز : اي ...هايا
خرج عزيز يدب بالشوية باش ما يعملش الحس و خلطت وراه ليان ..ليان شافت راجل لبرة من غير ما خممت هزت سلاحها و طارت عليه بكرطوشة اما منغير حس خاتر عاملة فيه كاتم صوت
_عزيز : اش تعمل
_ليان: شنوة
_عزيز : تو يفيقو بينا
_ليان : امشي و اسكت و كان صارت حاجة نتحمل مسؤوليتي
هيا مشاو بالشوية لين طلعو لبرا مالبيوت متاع اليود و تو الزلقة بفلقة لازم يهبطو لدروج باش يهربو هيا هبتت ليان و خلطت وراها عزيز و لتو ما فما حتى حس نقزو في ماء و بداو يعومو في لحظة الي الجماعة قريب يوصلو الفلوكة الرجال حبو يعرفو حكاية سكوت الجماعة و يتخلصو من جثة عزيز تحت أوامر حسان هيا دقو دقو الباب محل حد دزوه و دخلو مالقو حد طلعو يجرو و يلوجو لين واحد فيهم هز راسو لقاهم في الفلوكة في لحظة هاكي عزيز كان متلفت يريقل في الموتور و ليان ترا كان في راجل موجه السلاح على عزيز و في حركة لا ارادية تتنطر ليان و تجي قدام عزيز و تتظرب في كرشها بكرطوشة تلفت عزيز من شهقة ليان
_ليان : ااه . لااااااااااا
لقاها تظربت هز سلاح كان على حزامو و بدا يضرب في هواء لين مشاو الرجال كل وهو مرعوب كيفاش ليان تضربت
_عزيز : ياخي اش عملت علاش رميت روحك قدامي
_ليان :م..مش .ق ..قوتت.لك..نتحمل ..مسؤوليتي
_عزيز : اش قاعدة تخرف مانقصني كان انتي
_ليان : جرحك لباس
_عزيز : اخطاك مني ...ستنى
وقف نحى مريولو و حطو فوق جرحها
_عزيز : شد اتكي هوني ..
_ليان : متخافش..انا لباس
عزيز طفاها و مشا يجري خدم موتور لفلوكة و خرج بيها طاير هيا بقاو يمشو الدنيا ظلمت ساعة هكاكا لين وصلو الوضع مش لباس بلكل عزيز يدو رجعت تنزف و ليان داخت من كثر لوجيعة و خسرت برشا دم ..و مفما حد يعرفهم و معندوش كرهبة اول ما وصل هبط يشوف في البحارة كيف باش يروحو مشالهم يجري و حكالهم القصة هز تاليفون و طلب ال ambulances و رجالو باش يجيبولو كرهبة ربع ساعة وصلت الحماية طلعو ليان و هي دايخة و طلبو منو باش يجي معاهم هو زادة ركبو كل و مشاو للسبيطار
_____________
ستوووب 💥🔥
الحلقة وفات

نتقابلوو في الحلقة القادمة 🍷🙈

شنوة باش يصير زعما 🔞❤️

متنسوش كومنت💬 و لايك 👍🏻

نحبكم ديامونتاتي 💎