أنا جيييت ...و كي العادة جبت معايا كرو جديدة بالهجة التونسية⭐ باش تلقاو فيها #تشويق و #اثارة و #الحب و برشااا #أكشن و #لإنحراف 🔥🙈
تحت عنوان : القــــنـــــاع 🎭
للكاتبة : y.hassin 🍷❤️
تحذير : فيها مقاطع 🔞
شد امين هاكي الورقة متاع ليان و مدها العزيز بعد ما قراها غفصها في يدو و قالل وهو يتمتم _عزيز : انتي اول طفلة تلعب معايا تو نوريلك الرجال اش تعمل . دخلت ليان لبيت و معاها عيسى لدار بعيدة في غابة كانت تصيف فيها كي كانت صغيرة هي وبوهاا و طلبت من عيسى باش يعطي جواب لأمها فيه كل شي باش ماتتحيرش عليها و كيفاش لزمها تتصرف .. و طلبت منو باش يجبلها زوز رجال ثيقة ينجمو يخدموو معاها . هيا بعد ما سمعها خرج و خلاها وحدها سكرت البيبان و شبابك هبطت الريدوات شعلت الشوميني و الضوء و جابت كاس و قعدت تخدم على الدوسيات متاع حسان و عزيز .. شي كونتراتوات و شي تصاور و شي أوراق مزورة و هي شايخة عاملة جو تلفتت للوقت لقاتو 9 متاع ليل
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
نرجعو لعزيز الي في boîte de nuit مع امين يشرب و لابس سورية بيضا لفلس متاعها من فوق محلولين و سروال دجين نوار و سبادري ابيض وهاكي لبنات شايخة عليه و تكحل عليه وهو ماهو معبر حد ماهوش لاهي بيهم و كان يلقى يطيري عليهم الكل . _امين : يا عزيز تلفت وراك الطفلة هيفاء باش تاكلك بعينيها و انتي عامل روحك مش لنا _عزيز : بربي اخطاني منها انا تو نحب نطلع بنت لحراام ليان وين .. _امين : وبرا كان لقيتها اش باش تعملها باش تعذبها _عزيز : لا منعذبهااش .... عمل جبدة باهية لسيقاروو و خرجو لكل و هاكا الدخان فوقو يطااير و غزر لأمين على جنب _عزيز : اما نقتلهااا بالحياء ...نخلييها تتمنى الموت و متوصلوش ...نعيفها في عيشتهاا .. طبس على مفاتحو و شرب بقية كاسو و قام _عزيز : تو نوريلها الرجال اش تعمل . خرج من باب لول لقا هيفاء متاع بكري لابسة روبا قصيرة مفصلة تفصيل على بدنها شدها من يدها و هزها معاه ركبها في كرهبة و طار خلا وراه كان غبابر .
وصلو للأوتيل دخلهاا للبيت وهي شايخة حتى هو عزيز الشارني معاها مش لعبة هيا هو خرج للبالكون وهي حلت الدبوزة صبت زوز كيسان و مشاتلو عنقتو من تالي و مدتلو الكاس غمض عينيه عزيز و بعد شد الكاس في يدوو بالقوي لين و شد يد هيفاء لواهالها مافاق كان كي عيطت و عينيها زغللو بالدموع . _هيفاء : اه وجعتني سيبلها يدها و دزها من ضهرها حطها فوق الفرش و نحالها الكاس من يدها و بعد بدا يقرب بشوي بشوي لين قربلهاا علخرر لين شفايفو على شفايفها قريب يوصلو لبعضهم في دقيقة 90 حول فمو على وذنيها _عزيز : انتي ورقتي الرابحة كان تعمل الي نقولك عليه نعملك الي تحب _هيفاء : ام.. عزيز حط يدو على فمها و بعد حكا كلامو و شدها من رقبتهاا و بدا يحكي _عزيز : تعمل الي نقولك علييه ..و منغير نقااش تفهم فياا و لا لا ... _هيفاء : اي ..فهمت
ليان مازالت غاطسة في اوراقها لين دق الباب طلت بالشوية لقاتو عيسى معاه زوز رجال اوخرين حلت الباب و رجعت قعدت . _ليان : اهلا عيسى فهمت الجمااعة الي لازم يعملووه ماهو _عيسى: اي فهمتهم اما متأكدة يا ليان من لحكاية _ليان : اي متأكدة و تلفتت للرجال : _ليان : اسمعوني نحبكم تبعولي عزيز كل خطوة يعملها كل حركة حتى اش ياكل اش يشرب اش لابس كل شي نحب تقرير مفصل ليه . ..عزيز ماشي في بالو الي انا هاربة غدوة باش نظهر و كاينو ماصار شي .. وتلفتت العيسى وهو فهم روحوو مدلها اوراق _ليان: هذوما اوراق مزورة فيهم كيفاش شركة بابا تعرضت لتحيل و انا مشيت باش نحل الوضع .. غدوة تمشيو و تحطوهم في réception .. _احمد(واحد من الرجال : حاضر مدام بقت تغزرلهم شوي و بعد هزت ساكها خرجت مفتااح و مدتهولهم ...شد هذي مفتاح الكرهبة و معاهم مفتاح الدار تو يوصلكم اللوكال في مسج اليوم تمشو ترتاحو غدوة تبدااو خدمتكم . _الرجال : الله يبارك ..ليلتك زينة _ليان : بسلامة خرجو الرجال و خرج معاهم عيسى و هي هزت هاكو الدوسيات و مشات باش تخبيهم في بلاصة سرية كانت متاع بوها يخبي فيها كل شي وهي في الدرجة الثالثة متاع الدروج في وصد الدار فما نقبة كان تظغط عليها تتحل بلاصة ماتجي على بال الشيتان هيا عملت الازم تحلت الدرجة لقات غادي برشا سلاح و بيناتهم تصاور بوها و قت كانو صغار شدها في يدها و بقات تغزر و تتبسم وحدها و تتحسر لين دمعتها هبطت سخونة على خدها هي هكاكة و تسمع حس عيسى يعطلها مسحت دموعها و خبت التصويرة في حزامها بين سروالها و خرجت باش عيسى مايعرفش البلاصة خاتر فيها حاجات عائلية ..غزرت للمنقالة لقاتها 2:38 طفت الضوء و مشات رقدت وهي منعقة تصويرة بوها ..
______________ الحلقة وفاات ✨ خبرووني في كومنت على رايكم و📄🗣️ توقعااتكمللأحداثالجاية 🤓 احناموعدنا في حلقة القادمة📢🌺
