القـــناع

الحلقة 28🎭

فاقت ليان لقات قدامها عزيز تفجعت قامت ديراكت و وقفت لين حست بدوخة
ليان تحكي : اول ماريت عزيز قلبي هبط لضلوعي قمت نحب نهرب منو اما حسيت بدوخة حطيت يدي على راسي لين نحس في يدو تحطت على زندي بدني رعش بكولو ..و بديت نوخر لين ساقيا وصلو الفوتاي طحت و انا نرعش كلني منعرفش اما خايفة لا عزيز يعملي حاجة اول ما طحت حسيت بجنبي يوجع علخر و خرجت مني أه قوية و شهقت في لحضة هاكي عزيز وخر خطوة يحكي
_عزيز : ليان سفا
_انا : اي اي سفا
_عزيز : فما حاجة توجع فيك
_انا : انا اه ..لا
_عزيز : انطق ليان خير منكمل عليك ...شنوة يوجع فيك
_انا : جنبي يوجع
_هو : ترا نشوف
تنطرت انا و عينيا تحلت مصدومة و بديت نبعد عليه
_انا : لا لا مش لازم ...تو تمشي
_هو : اسمع مازلت نوسع في بالي معاك
و قدم مني قعد على فوتاي و انا استسلمت منحبش يضربني ولا يجرحني اكثر تلفتت عطيتو بضهري شدلي شعري حطو على جنب و بدا يحل في سلسلة و انا direct جا لبالي الراجل متاع صباح دموعي هبطت وحدها معاش نحب حد يمسني كرهت رجال كل و كرهت بدني ..حسيت قوتي كل كانت جاية من عند عيسى اما تو عيسى معادش معايا ...دمرت اول ما حل السلسلة لقا بلاصة جرح في ظهري عدا يدو عليه و انا بدني رعش من لمستو هو جا باش يسأل
_هو : هذا م...؟
_انا : جرح قديم من براكاج
_هو : براكااج ؟ وين و وقتااش
_انا : حبو يقتلو بابا و انا صغيرة وقتها ....مش مهم لباس عليا هاك شوفت
انا جيت باش نقوم و هو شدني من يدي
_عزيز : شششش...علاش زرقاء هاكا هو عملك هاكا
_ليان : لا مش هو
_عزيز : مالا شكون
ليان سكتت شوية و بعد مسحت دموعها و ضحكت
_ليان : انتي ...في هاكي ليلة لمشومة من وقتها لتو لبرات ..
عزيز سيب يدو و رجع قعد بالباهي و هز يدو عداها على شعرو و بعد حمحم و تذكر وقت لقاها في بيتها و كيفاش ضربها و زادا نهار لوتيل
_عزيز : كول حاجة و برا ارقد غدوة عنا خدمة مش هوني لازم تكوني حاضرة ..بري ارتاحي
_ليان : امم هاني في بيتي منغير ما تدخل نحب نبقى وحدي
#يتبع
#يسرى