القـــناع

الحلقة 36 🎭

فقت مافاهمة شي راسي رزين بعد مدة فقت و استوعبت الي صار كل ..خذيت نفس و حاولت نقوم ... غزرت للبيت نلقاها مش بيتي مش البرفان متاعي مش خزانتي ...حكيت شعري نسمع في حس ميساج تلفتت نلقى عزيز قاعد قدامو بيسي و يترشف في قهوة ..حسيت الدنيا سخنت هزيت مريولي باش ننفضو على روحي نلقاه مش دبشي لابسة مريول عزيز الي يجيني تحت فخاضي في داخلي برشا اسئلة الي يدخلني في حيط مش حكاية الي حب يعملو فيا اما كيفاش قتلتو
عزيز كان ظاهر يبعث في ميساج مايل بعد ما كمل قعد يحكي معايا
_عزيز : مازلتي تحب ترقد
_ليان : ياخي قداش الدوزة الي عملتهالي باش جابتني هاكا
_عزيز : هذا كفويا معناها
_ليان ؛ لا لا ...قولي اش تعمل
_عزيز : نبعث في معلومات للمعلم الصغير
_ليان : مفهمتش
_عزيز : ليان فك عليااا تعرفني نفد مالسؤالات الفارغة
_ليان : باهي باهي هاني ماشية
هيا جات خارجة و عزيز تكلم بنبرة متااع غش
_عزيز : شكووون قالك اخرج توو
_ليان : اش بيك
_عزيز : ترص ارجع شد بلاصتك ..
_ليان : نحب نبدل دبشي نجم ماهو و زيد شنياا هذا ..
عزيز كان متنرفز ميحبش ليان تخرج و في نفس الوقت ميحبش يقوللها اقعد اما ليان تتصرف ببرود معاه غزرتلو لقاتو منرفز مشات حلت خزانتوو هزت مريول capuche نوار و دخلت لدوش و تغني وحدهاا و عزيز يكلم في تاليفون و كل مرة يقص الميكروو و يبقى يضحك وحدووو مصدق لربي كمل التاليفون لم اوراقوو و خلا كان الpc الي قاعد يشوف في الراجل الي في سبيطار الي ضربتو ليان هو هكك و ليان خرجت و طيشت روحها فوق الكانبي و تضحك و عزيز ولا حركة قاعد يغزررلها و ساكت بعد ليان قدمت و هزت الكاس القهوة و ترشفت منو ...و عزيز باهت فموو طاق ...تلفتت ليان الي سارحة و تضحك وحدها ...
_عزيز : اووه يا دوموازال
_ليان : وي مسيو  عزيز
_عزيز : ههه ماكش نورمال
على ضحكة قامت ليان تنقز كيما الصغاار و تحكي و اخيراااا . ضحكتك و الله ضحكت  
_عزيز : ليان ريض خيرلك ..
ليان كان عندها نشاط غير طبيعي و هذه حاجة عادية بعد المخدر الي خذاتو في لحظة جات عينها على عزيز الي مركز على écran متاع لpc
_ليان : اش فما
_عزيز : ...
_ليان : غير اش فماا
دورت البيسي لين شافتوو الراجل راقد تكلمت
_ليان : مات ؟!
_عزيز : ليان
_ليان : نسأل فيك مات
_عزيز : لا اما
_ليان : اما ..؟؟؟
_عزيز : رجال حسان دايرين بالسبيطار كل ..
_ليان : الحل
_عزيز : لازم نلقى طريقة نهزو من غادي
_ليان : انا نعاونك ..اما هذه باش ..
_عزيز : باش ؟
_ليان : الليلة باش تكون اخر ليلة ..نحب نرجع لخدمتي و حياتي لقديمة
_عزيز : تفاهمنا ..اما على شرط
_ليان : تؤتؤ  .الشروط عليا انا ...باش تحكيلي كل شي على عزيز الي منعرفوش
_عزيز : قوم
قامو كل خرجو مالبيت عزيز خرج هبط للكوجينة يشرب و يستنى في ليان ...
مشات ليان لبست سروال نوار لارج معاها مريول عزيز و هبطتت في دروج كيف وصلت لصالة غزرت للبلاصة لقات كل شي في بلاصتو
_ليان : انتي نضفتو
_عزيز : مش وقتووو
_ليان : اوك
طبست راسها و خرجت طلعت في كرهبة و استناات عزيز مجااج ضربت على لاكسون متتاع الكرهبة باش تزمر عليه و اخيراا خرج لابس مريول كابوش كيف ليان و سروال quatre poches في نوار و سبادري نايك دوبا ما شفتو ليان هبطت و بدات تعيط و تضحكك
_ليان : واااااو Matchy matching
_عزيز : و اخيرا ضحكت يالا
_ليان : ياااالاااا كابتن
_عزيز : هيااا
وصلو لسبيطار وقفو قدام الباب التيلاني و هبطو دخلوو لسبيطار و هوماا لابسين الكابوشات باش مايعرهم حد دخلو يتسلوسوو قدم عزيز طلعو في اسونسور دوب ما وصلوو لقاو قدام البيت رجال حسان
_عزيز : ولد لحرام مخلاش بلاصة محطش فيه كلب
_ليان : اهدا اكيد فما حل
_عزيز ؛ اي اماا شنوو السخطط
_ليان : قتلك هديلي روحك
ليان تلفتت ورا عزيز فما alarme متاع الطوارئ
_ليان : ابعد عزيز
_عزيز : اش فماا
_ليان : كان نضربو البوات هذه سبيطار كامل في ظرف دقيقتين يكون لبراا
_عزيز : معلمة ليياااان
عزيز من قوة الفكرة الي عجبتووو حمل ليان و هو طاير
_ليان : هايا عزيز
زعما تقولو علاش فرحان عزيز هالدرجة ، اي نقولكم الراجل الي باعثو رسلان و الي ضربتو ليان هو محقق و عندوو كل شي على حسان ا يعني هو مفتااح دخول حسان للحبس ...
_ ليان : باش نحسب لل 3 حاضر
_عزيز : اوك
_ليان : 1.2.3
و ضربت هاكي لبوات وسبيطاار قام كل تسمع كان حس الارم و عياط الناس لحضات كل شي فرغ عزيز لبس لبسة الفرملي هز كرسي متحرك و دخل للبيت هز المحقق و خرج وبن لقاا ليان تستنى فيه في كرهبة تسوق
_ليان : عزييززز هايا
_عزيز : امشي امشي
مشاات طايرة و عزيز يتلفت وراه مفما حد يتبع فيه ..ليان حاولت متركزش مع الراجل كان وجود عزيز كاافي ...وصلو لدار دخلوو الراجل رقدوه و قعدوو يستنو فيه يفيق ...بعد مدة فاق ليان محبتش تحكي خرجت للجنينة تكلم في امها و عزيز يبتز في المحقق
_عزيز : الدوسيات وين
_اما دوسيات
_عزيز : اسمعني ..انا و ياك فاهمين ...تكلم خاطر معندك وين هارب معايا احكيي تكلممممممم
_ بببب باهي
_عزيز : اي ماهو مالول يا باهي ...نسمع فيك
_ففي لفلاشة .
_عزيز : اما فلاشة
_في جيب كبوتي
عزيز قام و شدو من خنااقو و يصيح
_عزيزز : متأكد راو والله كان تطلع تكذب ل...
_لا لا والله كل غادي حسان نعرف عليه كل شيء و ترافيك متاعو كل مسجلة
_عزيز : معلم
_ اش باش يصيرلي اناا
_عزيز : انتي اش بيصرك منعرفش ..قولي عندك عائلة
_لا
_عزيز : باهي برشااا مالا برا اعمل محامي و انشا الله ربي يخفف عليك صاحبي
_لا يا سي عزيز بربي لا لا نعمل الي تحب عليه
عزيز ضخك ضحكة متاع شر و همس لواحد من رجالو هزو طلعو في كرهبة باش يسلمو للحاكم و هو قعد يغزر للفلاشة و يدور فيها على يديه .....
في بيروه على اعصابوو في يدوو سبحة دخل عليه واحد من رجالو
_سي حسان خطفو المحقق و تو بعثوه للحاكم
_حسان : ااااااااااع كلاب فاااااشلين متصلحوو لشي
حسان قطع هاكي السبحة و هو يهتري
_عزيييز عزيز
تلفتلو الراجل و يسال
_سي حساان اش تحب نعملوو
جاولو حسان بعد ما شد في يدوو السلاح و قلب الطاولة و كسرها بساقيه
_حسان : علاش انتووو تفلحووو في حاجة .
و رماا رصاصتين جا طايح
_حسان : انا كملت عرشي فكوو مني ولد الشارني ..يااا كلب
عزيز تاكد من كل شي في فلاشة و طلع صحيح ليان دخلت
_ليان : امي تسلم عليك
_عزيز : ايجااا
_ليان : اش. فماا
_عزيز : كان مجيتش معايا راني موصلت لشي
_ليان : حتى انا كان مجيتش معايا راني موصلتش لهوني راني قعدتت الطفلة الضعيفة ..انتي علمتني القوة عزيز
_عزيز : و انتي علمتني كيفاش نحب
_ليان : مفهمتش اش دخل هذا في لحكاية
_عزيز : ايجااا عندي
و الاول مرة عزيز يتفاعل مع مشاعرو و يحن قلبوو و يتحول من عزيز الشيطان الي قلبو حجر لعزيز لحنين الي قلبو يحن
_ليان : حقااا
_عزيز : اش فماا
_ليان : انا ربحتك ...فالليلة باش تعمل الخطار الي عملناه ..باش تحكيلي على روحك
_عزيز : زعماااا مش برشاا
_ليان : تي هياا شنيا توو حتى رسلان وافق ديراكت
_عزيز : اش مجبدك في جد بوه تو لياان مدخلش ××× في حيط ...متكرزش ××××
_ليان : هااي هااي لهدى اش قوتلك ياخي
_عزيز : قوم من قدامي
_ليان : حاضر شيف
_عزيز : خذيتلك billet غدوة باش تمشي لعائلتك ... اما على شرط
_ليان : الي هو .
_عزيز : تحكيلي على كل شي ..
_ليان : اوو كل شي كل شي
_عزيز : اي تحكي نحكي
_ليان : مريقل صاحبي
وصل الليل برشا جوو ليان تحضر في قعدة
و حاضرة باش تواجه ماضيهااا

الحلقة وفات ❤️
حسيت احداثها يمشيوو بياا لنهاية 🤐🖍️
باش تمساط كان باش نطول اكثر ❤️
لذا كونو حاضرين لغدوة الحلقة الاخيرة 🍓🔥
كرونيك هذه كانت اول كتاباتي في نوع هذا انشا الله نتحسن على رائكم و نقدكم 😙😍