القـــناع

الحلقة 34🎭

دخلت ليان بالاسم المستعار متاعها هزار سليمان اول مادخلت لقات بقات تلوج على جماعة عزيز ...وين تقدم خطوة تتلقى همسة من عند واحد من رجال عزيز الي متقمصين في زي السرفور ..هي دوبا ما وصلت في قلب الصالة عرضها رسلان الي تضرب في زينهاا وقف قدامها و يحكي
_رسلان : بونسوار مداموزال
_ليان : بونسواار
_رسلان : شنيا اسمك
_ليان : واو جراة كبيرة
_رسلان : علاش متحبش جرأة
_ليان : سي رسلان بلغيث ...un homme d'affaires..
_رسلان : je suis la
_ليان : ههه اش قولك في جراة الي عندي
_رسلان : chapeau bas
_ليان : ههه انا هزار ..هزار سليمان
و مدتت يدها باش يتصافحوو
شدلها يدها و باسها و بعد تكلم
_رسلان : هزار تسمحلي برقصة
_هزار : اكيد ..تعرف تشطح
_رسلان : تحب تتأكد ..ايجااا
قبل ما يمشو جاهم السارفور
_مرحبا بيكم تفضلوو ..دموزال عنا كوكتال جديد تحت تجرب
_ليان : وي مرسي
هزت الكاس الي مفيشي الكول حكاية الكوكتال كانت خطة خاطر ليان يلزم تبقى صاحية و رسلان هز كاس vin blanc
عزيز في طريقو مع جماعة و حسان يراقب في تحركاتو
_عيسى : عزيز الشيفروليه الي وراك من قبيلة تبع فيك
_عزيز : حسان
_عيسى : متأكد
_عزيز : حد ما يتجرأ غير حسان
حاولو يضيعوهم و عملوهاا وصلو لبلاصة خلا و قيفان غابة تخبااو عزيز و رجالو و بقاو يستنو لين يشوفو في ضوء ثبت عزيز لقاه كرهبة نفسها و فيها حيان بيدو بعث مساج لشلة الي في حفلة
"تعداو للخطة b "
بقاو يستنوو لين شافو ضوء الكماين تعدووو و الكرتوش بداا يخدم عزيز هجم على كماين المخدرات الي عند رسلان و حسان
و اخير نجح عزيز في خطة متاعوو و كماين تحرقت
في حفلة ليان و رسلان يشطحو و في صحفة لعسل تدخل ليان يدها و تاخذ الفلاشة و تحط في بلاصتها و وحدة اخرى كيفها و كملو يحكوو بعد رجعو للطاولة و عملو دورة للطاولة متاع لقمار
_رسلان  : قداش لربح
_ليان : 5
_رسلان : متأكدة
_ليان : بالطبيعة
_رسلان : نتخاطرو
_ليان : مسيرة حياتك
_رسلان : مفهمتش
_ليان : كان تربح 5 تحكيلي
_رسلان : موافق
و حط الرقم و بالفعل جا هو
في لحظة وصل مساج لرسلان الي وجهو تبدل 360° تلفتت ليان على حس تكسير كاس من عند سارفور الي عدى يدو على وجهو بالعلامة هذه  🤟
فهمت منو ليان في لحظة الضوء طفاا و رجع لقات قدامها رجال كل مسلحين و بدااو يصرخوو في هواااء رسلان حط يدو في جيبو يلقاا الفلاشة تبدلت يهز سلاحو و يوجهو لليان و يحكي
_رسلان : هزااااار
ليان قعدت تغزر و تتنفس بالقوي لحظاات قوية عزيز في ثنيتوو للمكان الحفلة ليان في دقائق لخرى يا تجبد سلاح و تكشف روحهاا يا تكون اسيرة لرسلان و تموت ولا تستنى عزيز اما هي اختارت طريق اخر في لحظة عملت اشارة طفا الضوء تسمع كان صوت سلاح و حس لعياط زاد و علاء
على دخول عزيز رجع الضوء بهاك اللبسة الكحلة الي لابسهاا كبوت طويل و في يديه سلاح وراه عيسى و زوز رجال رسلان باهت خاطر الشي الي صار مش طبيعي هزار غارقة في دمها السارفورة كل نحاو السوارة متاعهم لابسين مريول نص نوار و موشمين كلمة the mask رسلان فهم الي السرفورة رجال عزيز
_رسلان : عزيز الشارني
_عزيز : شنيا حسان وصلها سخونة
_رسلان : منين عرفت
_عزيز : مش مهم تعرف منين عرفت ..اما عرفت
_رسلان : مالا عرفت باللعبة الي كنت محضرهالك
_عزيز : عملها قبلك حسان و خسرتو خسارة double w tribl خسارتك يا ولد بلغيث
يحكي و يقدم ..
وصل وين ليان و هز سلاحوو و وجهو ليها
_عزيز : تابعتكم هذه
_رسلان : تحب تهزها ..حتى هيا مزيانة
_عزيز : تهمني في خدمتي
_رسلان : اي اي اكيد تهمك ...الله يرحمها
باشارة من عزيز قرب عيسى حمل ليان و خرج بيها للكرهبة
_عزيز : رسلان متحاولش تحط ندي من ندك ...مازلت بعيد برشا رااك
و هز سلاحووو و ضرب راجل من رجالوو
_عزيز : هذا كان من اعز رجالك مش هاكا ...البركة فيك .
خلاه و خرج ...
_رسلان : ااااااااااااااه عزيزززز
عزيز ركب في كرهبة من غير ماينتبه و هو يحكي
_عزيز : علكلينيك فييسع
قامت ليان و هي تحكي
_ليان : وه عزيز تضربت ياخي
تلفت عزيز مفجووع
_عزيز : سمالله لعظيم ياخي مش كنتي مضروبة
_ليان : كان انت عزيز الشارني انا ليان عبد الله و عيسى شاهد ههه
_عزيز : غالط فيك .. ويني الفلاشة
_ليان : خوذ
_عزيز : حلال عليك
_عيسى : برافو ليان
_ليان : وصلوني لدار فيسع فديت من هالحالة ..
#يتبع