ليان تحكي : فقت صباح راسي باش يطرشق تو التسعة متاع صباح و انا العشرة لازمني نكون عند عزيز او باحرى مجبورة نكون عند عزيز نجي في صفو خير ملي نجي ضدو هيا فقت دخلت لسال دو غسلت وجهي برشا مرات فماش منفيق و خرجت لبست روبا زرقة للركبة فيها فونط على جنب و سبادري ابيض و عملت برفان كي العادة و خرجت اول ما حليت الباب لقيت كرهبة كحلة قدامي بلار فومي بقيت نغزر انا هكاكة هبط راجل مكستم ظاهر شوفو تقدم مني شوية و قالي
_هو : صباح الخير ...مداموزال تفضل معايا
_انا : وين باش نتفضل
_هو : بعثني سي عزيز باش نوصلك
_ليان : وين باش توصلني
_هو : تفضل معايا تو تعرف
_انا : اش اسمك انتي
_فاكر مدموزال
_انا : باهي فاكر ارتااح و يزني مالرسمياات
_هو : باهي تفصل
ركبت معااه و هزيت تاليفوني طلبت امي نحب نطمن عليهاا
_انا : الوو
_لطيفة : عسلامة ميما لباس عليك
_انا : اي لبااس بنتي توحشتك و الله
_لطيفة : يا بنتي حتى انا و الله أما اللغالب انا لازمني نبقى هوني ..قولي اش عاملة
_انا : نخدم
هزيت راسي نلفااو رواحنا خرجنا من بلاد قلبي ضرب و ديراكت حاولت نقص على امي
_انا : اني عندي منعمل تو باي رد بالك على روحك
_لطيفة : بايباي
طيشت التاليفون و ديراكت درت للشوفور
_انا : ياخي وين ماشي وين باش تهزني
_هو : اهدأ مداموزال
_انا : شنياا اهدا ياخي وين هازني ...وقف الكرهبة نحب نهبط اقف ...قتلكك اقف فاكر نحكي معاااااك
خذا فران بالقوين انا جيت باش نتحرك و الباب تحل طلع راجل اخر بحذايا
_انا : انتي شكوون
بقا ساكت و غاطس يبربش في تليفونو
_انا : نكلم فيك ...ياخي انتو شكون اش تحبوو مني سيبوووني
و جيت باش نحل الباب منفيق برووحي كان ترا شنوة تحط على خشمي و حسيت بدوخة و نسمع فيه يحكي صوت ضعييف
_اكهو جبتهاا لروحك
حلييت عينيا راسي يوجع عملت نظرة على بلاصة نلقى روحي في دار رجعت غمضت عيني فيسع و سكرتهاا فقت بروحي و اش صارلي قمت مالفرش نلقى قدامي عزيز في يدو سلاح حاطو على وجهو وراقد متكي على البنك الي مقابل انا جيت باش نتكلم و هو قص علياا فجعني
_عزيز : هيا باهي كي فقت و لا ناوية طول في نوم
_انا : اش تحكي
_هو : كلامي وااضح
_انا : فسرلي
_هو : ياخي جبتك هوني باش ترقد
_انا : اي ياخي انتي جايبني لهوني باش تسمعني لكلام
_هو : ليااان ...متحاولش تستفزني ..انا خارج لحساب مزاال معااك
صوتوو زعزعني... جاوبتوو من غير مانغزرلوو بشطر عين..
- أنا : حتى أنا خارجة !
- هو : لوين ؟
- أنا : حاجة تخصني ...
- هو (ضرب يدو على الطاولة شطر القهوة تبزعت و يعيط) : نعم لىلا ! كي تبدى تخدم مع طرطوور قلوو أكاكاا... و كي نحكي معاك تغزرلي
- أنا (حاولت نتمالك أعصابي و تكلمت بكل بروود) : كيف ما أنا ماسألتكش أنت زادة ماتسألنيش
- هو (يعيط) : لياان... تحاولش تستفزني ماكش شتخرج من الدار هاذي... هذا الحبس متاعك هذا جحيمك 🔥 أنا الي نحكم فيك نحركك كيف مانحب باهي ...
- أناا (نعيط) : كي تبدى تحكي مع كلبة تصرف فيها كيف ماتحب... مالا تخلف و جهل باش نخرج ندوور و نحووس ماعندك حتى حق باش تحبسني
.... تنطر جاء واقف... خطفني من يدي و أنا نرعش .. هزني للباب وبدى يعيط
- هو : شفتوو لباب هذا فيه سيستام ألارم كي يتحل مايسكت كان بالكوود و انتي أكيد ماتعرفووش.. باش ينووقز عندي في الكرهبة و البيروو و في التليفوون لذلك كل تحريك خارج لباب هذا نعرفهاا حتى حد ماهو جايك الجمعة هاذي كان كي نرجع أنا نخدم.. فهمت !؟
...غزرتلوو بعينين ذابلة..و قتلوو كلمتين "وجعتني سيبني ". رخف يدوو طلعت نجري للبيت و تكيت على الفرش نحاول نمنع دموعي
#يتبع
#يسرى
ماتنسووش التفاعل راهوو ضعيف برشاا ❤️🎭
أنت تقرأ
القـــناع
Actionأنا جيييت ...و كي العادة جبت معايا كرو جديدة بالهجة التونسية⭐ باش تلقاو فيها #تشويق و #اثارة و #الحب و برشااا #أكشن و #لإنحراف 🔥🙈 تحت عنوان : القــــنـــــاع 🎭 للكاتبة : y.hassin 🍷❤️ تحذير : فيها مقاطع 🔞
