القـــناع

الحلقة 37🎭

طاولة كبيرة في جنينة زوز كراسي هزاز و شاشة كبيرة محلول فيها musique ..
_ليان : عزييييييز
عزيز في بيتو طل عليها من فوق
_عزيز : اسكت يا سخطة
_ليان : تي هايااااا
_عزيز : اصبر ياهم
ليان تغزر لفوق و باش تموت بالضحك و تعيط
_ليان : عاااااااازيييييز
عزيز من فوق يشد كرااات متااع قولف و يطيشهم عليها
هزت ليان كعبة تفاح و قعدت في كرسي و تاكل
هبط عزيز طبس على ليان باسها من جبينهااا و قعد ..
و بعد بقو يحكو حديث مطول
_ليان : اش قولك في طقس اليوم
_عزيز : ههههههههه
_ليان : شبيك
_عزيز : هههه
_ليان : تي يزي مبلدك عزيز
_عزيز : باهي باهي اي ريت الطقس هههه
_ليان : اوك اوك هاني سكتت
_عزيز : arrêté اوك ايجا نلعبو ورقة مقص الي يربح يبدا يسال اش قولك
_ليان : لا لا انتي تحكي هاكا ههه يالا اوك ...
لعبو عزيز هو ربح و غادي ولاو يضحكوو و يلعبو
_عزيز : اوكييه
_ليان : ابدا
_عزيز : شكون ليان
_ليان : ليان الطفلة الي عاشت طفولة صعيبة ...اما مش حكاية مديات بابا كان يخدم كيفك ..هه يعني في مافيا
_عزيز : و الكلينيك
_ليان : لكلينيك كان سبب باش يبعد الشبوهات عليه
_عزيز : كان يترفك فيه
_ليان : لا لا كلينيك كان بالرسمي حتى كان يعاون برشا عباد معندهمش فلوس
_عزيز : كفاش عرفتو كنتوو تعرفو
ضحكت ليان و بعدت تنهدت و كملت
_ليان : لا عرفت وقت مات قبل مايموت كان ديما يعلم فيا كل شي كيفاش نشد سلاح كيفاش ندافع على روحي ...وراني انواع المخدرات و كان دينا يوصي فيا باش منحصلش ...
سكتت ليان و دمعتهاا خانتهااا اما عزيز يشرب و يسمع
_عزيز : كمل
_ليان : وقت مات جاوني برشاا اعداء  لبابا و عباد كان يسالوه سلعة ... عيسى تربيت انا وياه فرد دار نهار شتا وقتها بابا مشاا للكلينيك يلقاه مطيش غادي كان مريض وقتها عمرو يمكن 4 سنين دواه بابا و من وقتها ولا خويا كان اكبر مني بعامين انا عمري عامين  صحيح منعرفش اما امي كانت تحكيلي هههه بابا علم عيسى كل شي و عطااه كل شي عيسى ولا ضحية و دخل المافيا مالي هو صغير كيف كبر و عمل 18 سنة عيسى كان ديما يوصلني ويجيبني و هو كان يدي ليمين دخل عيسى في لوسخ متاعو باش يبعدني انا  ...اما نتفكر وقتها جاني و  قالي الي يجيك سكرلو الباب ديراكت معدى اسم واحد
مسحت دموعهااا كانت تحكي بصوت ضعيف و عزيز يسمع الي هو زادة تأثر
_عزيز : الي هو
_ليان : محمد  ..محمد شارني
عزيز في لحظة قام و شد ليان يخض فيهااا
_عزيز : اش تحكي ياااخي
_ليان : الشارني متقوليش ..
_عزيز : بابا
_ليان : ههههه
_عزيز : هههههه يا والله حوال بعد انتي زادة دخلتي العالم هذا
_ليان : اما باش نخرج
_عزيز : اي و امك تعرف
_ليان : تؤ ..لا و مهياش باش تعرف
_عزيز : لهدرجة
_ليان : اي و اكثر امي كانت تحب بابا علخر و كانو ديما متفاهمين اما هو كذب عليها
_عزيز : و باش مااات
_ليان : مرض الخايب ( لطف عليكم )
_عزيز : الله يرحموو
ليان قامت مشت و جت دمووعها سبالة بعد حلت شعرها و مشات لطاولة جابت صحن فاكية و صبت كاس و قعدت مقابلة عزيز و بدات توجه في صبعها ليه 👆🏻
_عزيز : هي انا لازم نمشي عندي مخزن متاع سلاح لازم نضفو
_ليان : معندك وين هارب
_عزيز : ههه هي دورك
_ليان : قداش قتلت في حياتك
_عزيز : سؤال محرج ...
_ليان : هيااااا عاد
_عزيز : حتى واحد
_ليان : ههههه كان الي خلطت عليهم انا ميتحسبوش
_عزيز : السؤال الي بعدو و اخطااك من خدمتي
_ليان : مع قداش من طفلة رقدت
_عزيز : الي تحلى في عيني
_ليان : يا خامج
_عزيز : كمل اسأل ولا خفت
كان يحكي و يقرب من لياان يقرب لحد شفايفهااا في لحضة ليان حست بالنفس سخوون فاقت مالترهويجة الي خذاتهااا و قامت تجري
_ليان : لا بطلت 
عزيز : تشل بالضحك
ليان تجري وسط الجنينة في لحظة يطلعو قدامها قريب 20 راجل مسلحيين و موجهين السلاح عليها
_ليان : اش فماا
تلفتت ليان لعزيز ملقاتووش خافت هي جات باش تهرب و ما تسمع كان "تشك تشك " متاع السلاح
عزيز عطاهم اشارة من بعيد هزو هاكي السلاحات كل و ولاووو يشطحووو كل رقصة مع بعضهم فرد وقت و كل واحد في يدوو وردة مدهالها وهي تضحك مش فاهمة شي و هوما يدورو فيها هزوها وين الباب قدقد و عملو صف و يبعد بالواحد بالواحد خرج عزيز بين يه امو و ام ليان و هابط و يتبسم ليان بدات تستغرب اش صار اما فرحت لامها سلمت عليهم و بعد دارت لعزيز
_ليان : ياخي شبييك اش تصنع خليتني غادي نورمال هذه مفاجئة يعملوها لعباد حتى مفاجئاتك بالسلاح يا لطيف
وبدات تضرب فيه و عزيز ميت ضحك بعد طفا الضوء تلفتت وراها لقات خبزة قاطو مكتوب فيها
Happy birthday layno
ليان طارت مالفرحة و رجعت عنقت عزيز و سلمت على امها هيا هكك و يدخلو المرضى متاعها في كلينيك كل واحد في يدو وردة و هوما دايرين بليان وهي تسلم عليهم و فرحانة و امها معاهاا
_ذكرى : ولدي توحشتك
_عزيز : حتى انا
_ذكرى : اي ظاهر اش خلاك مالي بعثتني مجتنيش ولا تسال علياا
_عزيز : امي
_ذكرى : شنية
_عزيز : تره اغزر غادي وين البسين
_ذكرى : وين
عزيز هز يدوو وين البيسين راجل مكستم و عاطي بظهرو ذكرى مالي شافتو عرفتو راجلهاا طيشت الي في يدهاا و مشات تجري دوب ما وصلاتو داخت من فرحتهاا
_عزيز : شنيا محمد ملقيت وقتاش تجي
_تحبني نرجع يعني
_ذكرى : وقتااش جيت مالي مشيت و خليتني نعاني في هذا
_عزيز : شنيا هذا معنديش اسم
_ذكرى : علاش انتي تجيني باش نتفكرك
_عزيز : باهي باهي ...ايجاو نمشو لجماعة
مشاو كلهم وين ليان و قصووو الكيك وعملو جوو

من اصعب ما فما انك تكتب نهاية 💔
لحقيقة نهاية مش راضية عليها 100%
اما هكا نكونو كملنا القناع نهاية جمعت كل شخصيات الكرونيك في حلقتين الاخيرين
احنا نتلقاو في كرونيك تشبلهلها الي يحبوو كرونيكات من النوع هذا 🍓🖍️❤️

شكرااا لكم و فرحانة الي تابعتوني و شجعتوني 🇹🇳❤️ نحبكم برشا 🤝🏻😙🔥

20/12/2023
Yousra