القـــناع

الحلقة 26🎭

فاقت ليان صبااح على صوت عزيز وهو يفيق فيهاا
_عزيز : لياان ...قووم
_ليان : اووف ..اش تحب مني على صبااح
_عزيز : عنا خدمة اليووم
_ليان : اخرج هاني جايتك
_عزيز : 5 دقائق
_ليان : كان خرجت راني حضرت
_عزيز : حسن منطقك خيرلك ...حتى راقدة تتجلطم
_ليان : هذاكا الموجود
عدات ليان يدها على منقالة خاطر معندهااش تليفون هزهولها عزيز لقاتهاا 04:30 متاع صباح نفخت و هي تحكي وحدهاا
_ليان : ياخي شبي عزااه بايت يحلم هذا ...اووف اكيد باش يجلطني
قامت ملفرش دخلت لسال دو و غيلت وجها برشا مرات باش تصحصح و مشات للقارد روب لبست كالسون سبور و تووب و حطت شعرهاا كوب-شوفال و لبست سبادري و لقات كاسك هزتهاا و خرجت لقات عزيز يستنى فيها في صالة
_عزيز : ثلاثة دقايق روتاار
_لياان : احسب بالڨداا اربعة دقائق
عزيز ڨحرلهاا على جنب و جا باش يقدم منهاا اما راكت بيه و جات ورااه تحكي
_ليان : اي اش فما مقيمني من تو
_عزيز : هاك عرفت وحدك و لبست سبور ...باش نجروو
هو مزاال مكملش و لياان لقات الباب محلول و مشات تجري و تحكي
_ليان : اخلط مالا ..
ليان تحكي :
خرجت مالدار مكنتش نتصور الي انا في بلاصة كي هكا طلعنا قاعدين في غابة مفماا حتى شي ظلام دامس كان شجر على اليمين و على اليسار منعرفش قداش بقيت نجري اصلا انا منجريش كان كي نبدا عندي حاجة مقلقتني انا هكاكا و دنياا بدات تصبح و الضوء طلع شوية نرا كان في كرهبة وقفت قدامي وقفت شوية انا ضوء متاعها قوي و جاهرني لين هبط منها راجل من أول ما ريتو مرتحتلووش انا جيت باش نرجع و هو وقفني
_هو : ااا..ازين و ين ماشية في هابلاصة وحدك
و بدا يقرب هو يقدم و انا نوخر و هو يحكي
_هو : ظاهر فيك ظايعة هي اركب عدي و قيت بحذايا و بعد نوصلك ..اه...اش قلت
_انا : اش تحب مني
_هو : نحبك انتي يا روحي ...و الله مالا بدن عليك ..سخنتني رااك ..و الله ظاهر فيك باش تشيخني
و قدم هو جا باش يشدي من يدي غمصت عينيا لين نسمع كان في حس ضرب ..حليت عنيا نلقى عزيز منعرفش منين خرج هبط عليه ببونية في خليقتو لين وجهو تعباا دمايات
_عزيز : تمد في يدك على املاك نااس يا ع× متحشمش ..امشي من هوني تحرك
انا منجمتش حتى نتحرك اول مرة يصيرلي موقف كي هاكا طحت في قاع حطيت ايدايا على وذنيا نصيح و نتمتم وحدي
_انا : لا لا يزي لا ...امان ..لا
انا هكاك و جاني عزيز شدني من يدي وقفني بالقوي و نزل عليهاا لين تخدرت يدي و معااش حاسة بيها
_عزيز : ياخي انا اش نبهت علييك ر×× مش قتلك معااش تتم×× على ز×× ...شبي ××× متسمعش كلام ...الف مرة نبهت عليك معااش تعمل شي منغير ماتقولي ..
منجمتش نحكي جملا حاسة لساني تلكون و زيد يدي وجعتني علخر اما منجمتش حاتا نقولو وجعتني انا هكاك و دمعتي غلبتني عزيز كان اول مرة يراني نبكي ..هز عينيه ليدي لقااها زراقت تحجر فيها الدم من قوة ما كبس عليها غزرلي و بعد سيبها بالقوي و بدا يجري خلطت وراه منعرفش قداش قعد خاتر انا نحري كان جثة منيش حاسة بشي و زيد من امس مكليت شي اول ما وصلنا لدار هزني للجنينة التاليناية نلقو فيهم دبابز بلار فوق طاولة و اسهم عرفتو باش يعلمني التقمير اما ميعرفش الي انا نعرف نقمر علمني بابا كان عسكري ...جا قدامي يحكي و انا دوب ما نسمع فيه
_عزيز : اسمعني تو باش نعلمك تڨمري نعرف الي انتي تنجمي تستعملي سلاح اما مش بهماجية لازم تكوني professionnel
قدم مني عطاني في يدي السلاح وو قف قدامي يحكي
_عزيز : اول حاجة لازم يكون ظهرك مستوي و تركز على هدف متااعك متخمم في شي خمم كان في الدبوزة هذيك حد يحب يتعدى عليك و كهو حد يحب يمس..ش..
هو مزال مكملش و انا بديت نفقد تواازني اما شديت روحي كيف قال حكاية شرف و يتعدى علياا هزيت راسي كبست على زنااد و ضربت الدبوزة لاولى الثانية و ثالثة الدبوزة الرابعة انا باش نضربها ..و سقياا رخوو معااش حاسة بيهم نسمع كان في عزيز يضحك مالفرحة اصلا اول مرة نراه و نسمعو يضحك اما خسارة مانيش فايقة بشي
_عزيز : براافو هااك طلعتي معلمة ...طلعت منك حاجة على لاقل
هذه اخر كلمة سمعتها جيت طايحة ما في عيني بلة ..