القـــناع

الحلقة 23🎭

باش نبدل شوية ✨
الحوار باش يكون على لسان الشخصيات 🔥⏳
&________________________________&
ليان تحكي:
قاعدة تو اما منعرفش شنوة في مخي ..عزيز الي حرقني من قبل تو يحب يرميني جملا في النار ...صحيح كنت نخدم هاكا اما عمري ما خدمت مع عباد منعرفهمش ...عباد..مافيوزين ..مخطرين...
.متوحشين.. اصلا انا منعرفش شنيا الخدمة الف فكرة و فكرة تجي لبالي ..
هي قامت ليان من بيروها و رجعت لدار امها سافروا هي و ذكرى ام عزيز دخلت للكوجينة حلت لفريجداار هزت عصير عبت الكاس و هزتو و طلعت لبيتها تكت بصباطها على طرف السرير و تشرب في العصير متاع المنقا تحبو برشا و سارحة كملتو نحت صباطها و دخلت لدوش حلت السبالة ماء بارد و قعد يصب على شعرها و بدنهاا لين حست بالبرد قصت الماء و لبست كاب و خرجت و ترماات على السرير متحب تخمم في شي
عزيز يحكي :
منعرفش اش قاعد نعمل ..انا الي نكره النساء كيفاش اخترت ليان باش تكون معايا ..علاش هية...و اهم علاش عاونتني اليوم ..اووف معاااش فاهم شي ..
هي ضرب يديه على الفولون بالقوي و زاد في الفتااس ديريكسيون لينداا هاذي الطفلة الي وين يفد عزيز يمشي يشيخ عندهااا هي وصل قدام بيتهااا شافتوو ديراكت حلتلو الباب و ترمات في عنقو
_ليندا : عزيييز توحااااشتك
_عزيز : هيا ندخلوو
هي دخلو لصالة مشات للكوجينة جابت زوز وسكي و قعدت في حضنو
_ليندا : هي اش فما جديد عندك برشا مجيتنيش
_عزيز : خدمة غاطس
_ليندا : و الخدمة متخليكش تجي عندي
_عزيز : يزيني عااد لينداا تعرفني منحبش لاسئلة برشاا
_ليندا : باهي سمحني ايجاا نمشو لفووق
_عزيز : هياا
عزيز يحكي : اول ما طلعنا دخلنا للبيت انا مازلت منرفز من روحي قاعد نعمل في حاجات غالطة مانيش فاهم انا الي نكره جنس حواء اول ما حسيت روحي مخنوق جيت عند مرا باش نشبع شهوتي و نفرغ غشي و نتفرهد انا هكاكا و جاتني ليندا حالة شعرها و لابسة deux pièces و جات قعدت في حجري و تعدي في يديها على شعري و تبوس في رقبتي تكبست انا شديتها رميتها تحتي و غطست في شفايفها و هي كانت مسلمة روحها ليا و تطاوع فيا نحيتلها لبياس الفوقانية و غطست في صدرها المليان عديت ليلتي غادي ليندا شيختني علخر و تعبتها معايا انا هكاك و راقد و في حضني ليندا و تليفوني سونا غزرتلها لقيتها راقدة تعبت برشا حتى هيا هزيت روحي منها و قمت مالفرش هزيت مفاتح الكرهبة و خرجت حليت التاليفون نلقاه واحد من رجالي عاودت طلبتو
_اش فما
_هو : سي عزيز السلعة ساي حاضرة وهي في الديبو
_باهي شنية احوالهاا
_هو : فيها شوية ملح اما تعدي روحها تتاكل
_باهي باهي اقعدو غادي هاني جيت
كنا نحكو هكا باش كان تلفون مراقب مايشلقو بشي..كملت لبست حوايجي و خرجت هزيت نشوف في منقالتي نلقاها 9 متاع الصباح بتت في دار ليندا و هذا عطلني المهم اليوم لازم نغبر شوي باش نفهم ليان خدمتهااا نعرفها باش تسلكها اما منجمش نرسكي لازم تكون حاضرة خاطرها خوافة برشاا صحيح تبان قوية اما انا قريت الخوف في عينيها ..

#يتبع
#يسرى
#رايكم يهمني