💗 ဆေးမင်ရည်စုတ်ထိုး 💗
Part - 15
မင်္ဂလာဦးညပီပီ မဏ္ဍပ်တွေဖျက်ပြီး အလုပ်တွေပြီးစီးသည့်တိုင် မြကြည်သာမှာ အိမ်ထဲဝင်ဖို့မပြောနှင့် ကာလသားတစ်သိုက်ညှင်းထား၍ ခြံထဲလည်နေရသည့်အဖြစ်။
" ကိုကြည်သာ့ ကျုပ်တို့ကို ဒီညရှယ်ပြုစုပေးရမယ်နော်။ "
" ပြုစုရအောင် မင်းတို့က ငါ့မိန်းမမို့လို့လား။"
စိတ်တိုနေပြီဖြစ်သည်မို့ မြကြည်သာက ဘုတောပြီဖြစ်၏။ ဖိုးလောက်တို့က တခွီခွီရယ်ရင်းမှ......
" အရက်တော့ တိုက်လေဗျာ......တစ်နေကုန်ပင်ပန်းထားရတဲ့ဟာ။ "
မြကြည်သာ မကျေမနပ် မျက်ထောက်နီဖြင့် လှမ်းကြည့်ရင်းမှ အိတ်ကပ်ထဲက ပိုက်ဆံထုတ်ပေးကာ အိမ်ထဲဝင်ရန်ပြင်သည်။
" နေပါဦး ကိုကြီးကြည်သာရယ်။ "
မြကြည်သာ လာဆွဲရန်ပြင်သည့် ရွာသားအား နားရင်းထအုပ်ပစ်တော့ သကောင့်သားတွေက အသားနာတောင် တဟီးဟီးတဟားဟား မျက်နှာပိုးကမသေ။
" သတို့သားက စိတ်ကြီးပဲကွ....."
မြကြည်သာ လက်သီးထောင်ပြလိုက်ရင်းမှ အိမ်ထဲအမြန်ဝင်လာခဲ့တော့ အမေနဲ့ အဘက TV ကြည့်နေပြီဖြစ်၏။ အိမ်ပေါ်တက်လာတော့ အခန်းထဲမှ ထွက်လာသည့် ခင့်ကို မြင်လိုက်ရသဖြင့်.....
" ဒါက ဘယ်တုန်း....."
" ဟင်....အမေနဲ့ TV သွားကြည့်မလို့လေ။ "
မြကြည်သာ ပန်းဖူးကိုယ်လေးကို ပခုံးမှသိုင်းဖက်၍ အခန်းထဲပြန်ခေါ်လာရင်း.....
" လာစမ်းပါ ခင််ရယ်။ TV ကြည့်ဖို့က အရေးကြီးလား ကိုယ်ကအရေးကြီးသလား ပြော။ "
ပန်းဖူး မျက်နှာလေးက ပြုံးသွားသလို အသာငြိမ်နေတော့ မြကြည်သာ ဝတ်ထားသည့်တိုက်ပုံကိုဆွဲချွတ်ရင်း လျှော်ရမည့်တောင်းထဲ ပစ်ထည့်လိုက်သည်။
" သူ ထမင်းစားမလားဟင်။ ပန်းဖူး ပြင်လိုက်မယ်လေ။ "
မြကြည်သာက ပန်းဖူး မျက်နှာလေးကိုငေးကြည့်ရင်းမှ မေးဖျားလေးကို လက်တစ်ဖက်ဖြင့် ဆွဲပင့်ကာ.....
YOU ARE READING
ဆေးမင်ရည်စုတ်ထိုး ( Complete)
Romanceတောမှ လူပျိုသိုး မြကြည်သာ တစ်ယောက် နှင်းဆီပန်းဖူးဆိုသော မိန်းကလေးတစ်ယောက်နှင့်ရည်ငံသောအခါ.....
