💗 ဆေးမင်ရည်စုတ်ထိုး💗
Part - 26 ( ဇာတ်သိမ်းပိုင်း)
သင်္ကြန်အကျနေ့.....
မြကြည်သာ ခြံဝကနေ လှမ်းအော်ခေါ်နေသည့် အမေ့အသံကြောင့် ကဲကြည့်မိတော့ ယောဂီဝတ်စုံကိုယ်စီဖြင့် အမေ နဲ့ ယောက်ဖတို့လင်မယားကို လှမ်းတွေ့လိုက်ရသည်။ ချစ်ရင်ထူးက သူ့သမီးကိုပွေ့ချီထားရင်း ရွာဦးကျောင်းအတူသွားကာ ဥပုသ်စောင့်ကြမည်ပင်။
" သွားမယ်လေ အစ်ကို....။ "
မြကြည်သာ လှည့်ကြည့်လိုက်တော့ အဖြူရောင်ဗိုက်ဖုံးအင်္ကျီလေးဖြင့် ထဘီအညိုလေးဝတ်ထားသည့် ပန်းဖူး။ သူမကိုယ်သူမ သပ်သပ်ရပ်ရပ်ပြင်လိုက်ရင်း နှာခေါင်းလေးရှုံ့ကာ......
" ဗိုက်လေးထွက်လာတော့ ဝလဲဝလာသလိုပဲနော် အစ်ကို....ပန်းဖူး အရမ်းဝနေလားဟင်။ "
မြကြည်သာ ပန်းဖူးပခုံးလေးကို လှမ်းဖက်ရင်းမှ.....
" အမလေး မိန်းမရယ်.....သူ့ကြည့်တော့ နှံပြည်စုတ်ကနေ စာကလေးဖြစ်လာတာကို..... ဘာဝတာလဲ။ "
ခြံဝလျှောက်လာကြရင်း ရွာဦးကျောင်းဘက် အတူထွက်လာကြသလို လမ်းမှာ ကလေးအုပ်နဲ့တွေ့တော့ ရေပက်ရန်တကဲကဲမို့ မနည်းတားယူကြရသည်။
" ဟိတ်ကောင်တွေ....ဟိတ်ကောင်တွေ မပက်ကြနဲ့နော်....."
" အာ....သင်္ကြန်ပဲဟာ..."
" ဥပုသ်သည် မပက်ရဘူးကွ.....ဟိုကောင် ချက်စူ ဝေးဝေးနေစမ်း....မင်းရေသေနတ်ကြီးက တပြင်ပြင်နဲ့ ငါ့မိန်းမ ဗိုက်ခိုက်မိမယ်။ "
မြကြည်သာက သူ့မိန်းမ ရှေ့ပိတ်ကာရင်း ကလေးတွေကို တားထားရသည်။
" ငါ့မောင်ရယ်....ကလေးတွေကိုတားရင်း နင့်ကြည့်ရတာတင် အတော် မျက်စိနောက်နေပြီ။"
ဟုတ်သည်လေ ရှေ့ကပြေးကာလိုက် နောက်ကပြေးပိတ်လိုက်နဲ့ မသိ ထုပ်ဆီးတိုးနေတာနှင့်ပင် တူသေး၏။ ကလေးတွေကလဲ ပြန်လာရင် မရမကပက်မည်ဟု ကြိမ်းဝါးလိုက်သေးသလို ဒါက သင်္ကြန်ထုံးစံပင်။
ဦးထွန်းရင် တရားကနာတော့မည် ခုထိရောက်မလာကြသေးသည့် သား၊ သမီးတွေကြောင့် ကျောင်းအောက်ဆင်းလာရင်း ထွက်မျှော်သည်။ ဝင်လာကြသည်ကိုမြင်မှ....
VOUS LISEZ
ဆေးမင်ရည်စုတ်ထိုး ( Complete)
Roman d'amourတောမှ လူပျိုသိုး မြကြည်သာ တစ်ယောက် နှင်းဆီပန်းဖူးဆိုသော မိန်းကလေးတစ်ယောက်နှင့်ရည်ငံသောအခါ.....
