UNICODE
စတော်ဘယ်ရီဖျော်ရည်လေး သောက်လိုက်
စာတွေအသည်းအသန်လုပ်လိုက်နှင့် မအားလပ်နေသည့်
ဘက်ကီ့ဘေး ဖရင်းက တစိမ့်စိမ့်ထိုင်ကြည့်လျက်။
စာမေးပွဲနီးနေပြီ ဖြစ်တဲ့ မက
စာတွေနှင့် နပန်းလုံးနေရတော့၏။
"ဖရင်း မပျင်းဘူးလား
တို့က စာလုပ်နေတာ ကြာမှာ အားနာလာပြီ"
"မ ကျွန်တော့်ဘေးမှာ ရှိနေတယ်လေ
တစ်ခြားစိတ်ဝင်စရားက ဘာထပ်ရှိအုံးမှာလဲ"
ဖရင်းက ကြုံရင်ကြုံသလို flirt တတ်သေးသည်။
ဘက်ကီကတော့ ဖရင်း၏အကွက်ထဲ
သူဝင်သွားမိမှန်းသိသောအခါ နှုတ်ခမ်းဆူလျက်
ဟွန့်တစ်ချက်သာ လုပ်၏။
ဤသည်ကိုပင် ဖရင်းချစ်မိနေရခြင်း။
စစတွေ့ချင်းကတည်းက
တစ်လောကလုံး ပြန်ခံမပြောရဲတဲ့ သူလိုလူကို
လူရှေ့မှာ မှားကြောင်း ဝင်ပြောရဲသေးတဲ့ သတ္တိခဲလေး။
ဘယ်မိန်းကလေးမှ ရင်မဆိုင်ရဲတဲ့ သူ့မျက်လုံးတွေကို
တေ့တေ့ဆိုင်ဆိုင် စိုက်ကြည့်ရဲခဲ့တဲ့ အမျိုးသမီးလေး။
ဘယ်လို ကြင်နာနွေးထွေးမှုမျိုးကိုမှ မရရှိခဲ့ဖူးတဲ့
သူလိုလူအပေါ် အရိုက်အနှပ်ခံရမှာ စိုးရိမ်ပြီး
စေတနာနဲ့ ဝင်ကယ်ဖူးသေးတဲ့ မ သေးသေးလေး။
မ ဆိုသည်မှာ
သူနားမလည်ခဲ့ဖူးတဲ့ ချစ်ခြင်းမေတ္တာတွေအကြောင်း
အပြည့်အဝ သင်ကြားပေးခဲ့တဲ့ မိန်းကလေးဖြစ်တယ်။
ချစ်တတ်လာအောင် ဦးဆောင်လမ်းပြပေးခဲ့တဲ့
ပန်းနုရောင်ကမ္ဘာလေးနဲ့ သိပ်ချစ်စရာကောင်းတဲ့
ကျွန်တော့် အမျိုးသမီးကလေးလည်း ဖြစ်တယ်။
ဆယ်ကျော်သက် အချစ်မို့
မ မလေးစားရင်တောင် မရဲ့ လေးစားသမှုတွေကို
ဖြေးဖြေးဆီ ပိုင်ဆိုင်လာအောင် ကြိုးစားပြီး
မ အရှေ့မှာ ရပ်တည်ပါ့မယ်။
"ဖရင်း ကျောင်းသွားတာလည်း မတွေ့ဘူး
အထက်တန်းနောက်ဆုံးနှစ်က ပြီးတောင်ပြီးတော့မယ်မလား"
"ကျောင်းမသွားလည်း ဘာအရေးလဲ မရာ
မကြောင့် ကျွန်တော်စာရရင် စာမေးပွဲဖြေလို့ရပြီ
ပျက်ကွက်စာရင်းများလို့ စာမေးပွဲဖြေလို့မရဘူး
ဆိုရအောင်ကလည်း ကျွန်တော့်ကျောင်းက
ဒယ်ဒီ့လက်အောက်က ကျောင်းပဲလေ"
YOU ARE READING
𝙔𝙚𝙨 𝙏𝙚𝙖𝙘𝙝𝙚𝙧! (𝘾𝙤𝙢𝙥𝙡𝙚𝙩𝙚𝙙)
Fanfictionနှလုံးသားကို ခလုတ်တိုက်သွားပြီးမှတော့ တည့်မတ်အောင် ပြုပြင်ပေးရမှာပေါ့ တီချယ်။ ႏွလုံးသားကို ခလုတ္တိုက္သြားၿပီးမွေတာ့ တည့္မတ္ေအာင္ ျပဳျပင္ေပးရမွာေပါ့ တီခ်ယ္။ Start date - March 3. 2023 End date - June 9. 2023 Top - Freen Sarocha Bottom - Becky Armstro...
