جمعتنا وصية

البارت الاول:صدمة

في بيت من بيوت الامارات في فريج يسكنه الهدوء والطمانينة والامان تحديدا بيت جاسم
"جاسم ريال متقاعد حرمته اسمها فاطمه وعندهم بنت و ثلاث اولاد
البنت :حصه عمرها 18سنه
والاولاد:
سعيد : عمره 27 متزوج حرمته اسمها شيما وعنده ولد صغير:حمد
علي : عمره 25 يشتغل فالشرطه
احمد : عمره23اخر سنه جامعه
جاسم عنده اخو بس متضارب وياه يوم ابوه توفى لانهم اختلفو عالورث ومن ذاك اليوم ما حد يشوف الثاني وهالشي انطبق عالعيال بعد
اخو جاسم اسمه خالد
خالد بعد متقاعد وعنده بنتين وولدين
الاولاد :
محمد :عمره 33متزوج وعنده ولدين حرمته اسمها ساره عمرها27عيالهم:راشدعمره 14،عبدالله9
حمد: فالجامعه يدرس طب اخر سنه
البنات:
ميره:عمرها 18توها متخرجه من المدرسه
مهره :عمرها12"

في صبح الاثنين عم الصراخ والازعاج بيت جاسم
حصه تصارخ: ابوووووويه سعييييييييييييييد احمددد عليي وينكم
كلهم يو
سعيد: خير خير ش مستوي
حصه: امييه طايحه ما ترد عليي
جاسم : سعيد علي عاونوني نشل امكم احمد سير شغل السياره
وسارو المستشفى
احمد:دكتوووووور
يا دكتور
الدكتور:السلام عليكم تفضلو شنو صاير
احمد :تستهبل شووووف امي ش فيها
الدكتور :ان شاء الله
الدكتور فحصها
طلع من الغرفه:منو زوج المريضه
جاسم :انا تفضل
الدكتور:تعال معاي الغرفه
علي :ليش امي شفيها
الدكتور: لو سمحت ندخل داخل وانتو انتضرو برع
احمد: ع كيفك هوو"احمد اكثر واحد يخاف ع امه صح ان الباقين يخافون عليها بس هو وحصه اكثر ثنين لانهم وياها أربع وعشرين ساعه"انا بعد بدخل
سعيد:علي خذ احمد خلي يهدى شوي
احمد : ما بسير لين ما امي تطلع
علي : تعال انزين بنسير نشوف حصه حليلها فالبيت روحها تحاتي
احمد : انزين
راحو البيت
اول ما دخلو
حصه طلعت الحوش
حصه : ش فيها امي لا تجذبون علي قولولي
علي :ما نعرف للحين
حصه: احمد ش في ليش جي ويهك
احمد مسح دموعه:مافيني شي يالغاليه يلا لبسي بنسير عند اميه نشوف الدكتور ش قال
علي: انزين ارتاح شوي
احمد: قلتو بنييب حصه ما قلت شي
حصه يت : يلا يلا بسرعه
يا حمد ولد سعيد يركض:وين رحتو كلكم وخليتوني ودوني عند يدوه
يت شيما : تعال ماما ،اسمحولي ما رمت ايوده
علي : ما عليه اختي
احمد : حمد عمي الحين انته تم هني نحن عندنا شغل اوكي
حمد: انتو تجذبون علي بتسيرون المول صح
شيما : ما عليكم منه سيرو و طمنوني
حصه : ان شاء الله
سارو المستشفى جافو سعيد حاط راسه عالايدار وحالته حاله
ركضت حصه
حصه : سعيييد ش فيها امييه وينه ابووي
سعيد منهار يصيح ما يعرف يتكلم
احمد : ما تتكلم امي شفيها انا ما قلتلكم انا ما بسير
علي:سعيد امي شفيها قول
سعيد: الوالده عطتكم عمرها
احمد: سعيد هالمواضيع ما فيها مصخره
علي : حصهههه
طبعا حصه اغمى عليها
احمد وهو يصيح بس يحاول يقنع عمره ان السالفه جذب:عيل وينه ابويه ها يعني انته تجذب
سعيد:احمد والله ما اجذب وهاذا امر الله
احمد هني انهااااااار يلس فالزاويه ويصييح،سعيد كل ما حاول يهدي يصيح وياه
عند حصه اول ما فتحت عينها جافت دكتور ع راسها
حصه:اميييه امي وين عليي سعيد احمد
الدكتور:عظم الله اجرج بنت العم واخر الاحزان يارب
حصه من الصدمه وقفت صياح
حصه :انته منو ومن وين انا استويت بنت عمك
حمد:انا حمد ولد عمج جاسم من حقج انج ما عرفتيني تراج من زمان مب شايفتني ،عقب نتكلم عن هالمواضيع بنادي اخوانج وابوج الحين
"طبعا حمد كان عنده تدريب فالعياده و جي تصادف مع بنت عمه،و محد عرف انهم شافو بعض لانه لو حد عرف بتستوي سالفه "