جمعتنا وصية

بارت12

(اخيرااااا بارت يديد💃💃 قبل لا تقرون روحو البارت اللي قبل ترا كملته عقب بديت هالبارت )
حمد بصدمه وكان يبا يرد عليها بس هي راحت
حصه صعدت فوق وهي يالسه تصعد ودموعها اللي ع كثر ما حولت تمسكهن نزلو ماعرفت كيف وصلت لحجرتها ويلست ف بلككونتها اللي مجابله الحديقه ويالسه ترمس عمرها:ليش ياربي ليش جي كل اللي احبهم جي اصلا  كل الرايل جي اف منهم ماهقيتها من يا حمد دامك تحبها شعنه قلت انك تحبني وبتتزوجني حرام عليك والله حرام انا ش سويت غير اني احبك بس انا اراويك ياحمد شو يعني تلعب ع حصه ويلست تتخيل اشيا ما صارت ولا كانت موجوده من الاساس ف هاللحظه دخلت ميره وهي تغني
ميره: يا صاحبي وش فيك قاعد لحالك .. ليش انت متغير ومشغول بالك ؟
حصه :ميروه هب وقتج
ميره استغربت ش فيها هاي ولا جنه هاي حصه اللي كانت بتموت من الوناسه ان حمد موجود :حصوه شفيج ش السالفه ليش فجاه جلبتي توج بتطيرين من الوناسه لان حم
قاطعتها حصه :لا تيبين طاريه جدامي
ميره باستغراب:ليش ش سوا اخوي ان شاء الله
حصه :جذاب وخاين واناني
ميره :اييييه ترا ما ارضى ع اخوي ش السالفه
حصه :خلاص عيل سيري عند اخوج اللي خلني ساكته
ميره :انا بروح بس حصه فكري عدل انا اعرف اخوي وعدل بعد ما يلعب ب مشاعر الناس يمكن مو يمكن اكيد انج فاهمه غلط لا تحكمين بدون ما تسمعين منه
هني حمد دق حق ميره
حمد :ميروه يلا بنروح
ميره :انزين بنادي مهره وبي
حمد:قوم ابويه راحو ومهروه راحت وياهم
ميره تاشر ل حصه تسويلها باي وتقولها فكري باللي قلته عدل
حصه تهز راسها بان اوكي بس عشان ميره تروح
ف سيارة حمد وهم رادين البيت
كان صمتتتتت واول مره حمد وميره يركبون ويا بعض و مايسولفون حمد كان يفكر بكلام حصه ابدا ما فكر ان حصه سمعته يوم يكلم سلامه
اما ميره كان تفكيرها بعيد عن حمد وحصه ولاول مره حست انها تفكر بشي غير عن حصه وحمد كان تفكيرها باللي شافها اليوم بليا شيله وبفستانها اللي كانت فيه طره انرسمة ع ويهها ابتسامه ما تعرف شو مصدرها بس كان كل فكرها ويا هالشخص يمكن كان اعجاب بس هي ولا مره فكرت كيف يكون شعور الحب او الاعجاب
فبيت جاسم تحديدا ف غرفة احمد
كان حاط الايربدز ويسمع اغنية جيتني صدفه انتضرها وكان كل تفكيره بالقمر اللي  شافها اليوم كانت صدق خبال وعطرها اللي كان من هند العود اللي للحين هو يشم الريحه ويالس يتخيل شعرها الاسود الطويل وتفاصيل جسمها المرسومه وملامح ويهها اللي ما قدر يشوفها عدل بس لمحهم ورقد وهو خلاص طايح ف غرامها
بعد يومين الصبح ف بيت خالد مهره وعبدالله كانو يالسين ويشوفون  الريوق بملل ياهم راشد اخو عبدالله "بذكركم بس تراهم كبرو شوي عشان ماتقولون كيف هم جي يسون وهم بهالعمر ويا الاحداث اللي يالسه تستوي وهم مالهم حس بس الحين كبرو شوييي"
راشد :شوفيكم
مهره حاست بوزها :والله يعني رشود خلاص لاعت جبدي من هالريوق كل يوم نفس الاكل خلاااااص
وتكلم عبدالله وهو يايدها الراي :والله صح ملينا
راشد :انا بعد مليت
بعد 10دقايق
راشد:عندي فكره
مهره بحماااس:شوو
راشد:جوفو اللي عالطاوله
عبدالله بعدم اهتمام :شو مافي شي
مهره ع طول فهمت:يالخبله سويج الموتر
راشد:بنروح نتريق وبنرد كلهم راقدين
مهره قربت من السويج:ها سويج موتر حمد والله بيذبحنا لو درا
راشد :هييي هااا عمي ما رقد الا الفير ف ما بيقوم الحين ،عبود بتي ولاا
عبدالله :امرنا لله
وشلو السويج واول ما ركبو
مهره:دقيقه دقيقه
راشد:هااااه
مهره :انت تعرف تسوق ولا
راشد بثقه :اكيييييد
"هو يعرف يسوق بس مش وايد لان حمد كان يعلمه وجي وكان يروح لين الدكان بس ولا مره ساق ف شارع عام"
مهره ركبت جدام:يلا عيل توكلنا
عبدالله :ويين الرياييل جدام
مهره:يلااااا انا عمتك لازم تحترمني
عبدالله:أمحق عمه والله
مهره :نعمم نعمم!
عبدالله :يلا رشود قبل ما حد يقوم
وتحركو ومهره شابكه ع البلوتوث وحاطه راشد الماجد وتصور سناب
راشد :انتي ايييه انتبهي ترا محد يعرف ان طالعين
مهره :ماعليك حق الستريك بس
وجان مهره تحط حربيات وراشد شله الهوا وداس واللي ما حسبو حسابه ان دوريه كانت وراهم
عبدالله:رشود شتتت دوريه ورانا
مهروه:احلفففف ش بنسوي الحين
راشد توتر و من كثر توتره داس اكثر وهذا دليل ان يالس يشرد من الدوريه هو يدوس والدوريه وراه
ومهروه الخبله تصور سناب:قااايز تخيلو شو فجاه الدوريه تلحقنا ورشود يدوس
راشد هنيه عصب وسحب منها الفون وماكان ماسك السكان عدل وزين ما دخل فالرصيف رد وتمالك الوضع
راشد يصارخ وهو فلللل عصبيه و توتر:خبله انتي شوووووه😤 ما تشوفين شو يالس يستوي وانتي تصورين حق الستريك
قاطعهم عبدالله وهو يشوف اللوح :انتو اييييه جوفو وين وصلنا اخر بوظبي ونحن جريب ع حدود السعوديه
هني راشد حاول يعصر مخه تذكر يوم راح ويا ابوه السعوديه بالسياره وابوه راواه طريح يضيع وااايد تذكر الموقف او انه قبل اربع سنين بس هو يتذكر عدللل
قبل 4سنين
راشد:ابويه شو هاللفه
محمد:وانا ابوك هالدرب انا ما قد رحتله بس ع قولة اللي راحوله  لو رحتله بتضيع اللي يلحقك لو منو ما كان بس اذا انته ما تعرف الدرب مستحيل ادله واحتمال 80 بالاميه انك تضيع والدرب كل بر
نرد وين ما كنا
راشد بدون اي تفكير اف هاللفه وراح فالبر وراح وراح وراح لين ما اتاكدو ان خلاص الدوريه ضيعتهم
فالسياره
مهره :اوف الحمدلله
عبدلله:هي والله الحمدلله
راشد تطالعهم وهو متوهق:صح نحن ضيعنا الدوريه بس الحين نحن اللي ضعنا وسط هالبر
عبدالله و مهره شافو بعض :شووووووووووووووووووووووه
نهاية البارت
ش توقعاتكم
ش بيستوي ف قوم راشد ؟
وحمد و حصه ش بيستوي عليهم هل حصه بتحاول تتفهم الوضع ولا بتصدق القصه الخياليه اللي رسمتها ف مخها ؟
احمد و ميره بيحبون بعض؟
منصور بيطلع مره ثانيه ولا خلاص بيستسلم؟