جمعتنا وصية

البارت السادس:سفرة علي

ردو البيت
ثاني يوم كلهم دوامات
فالجامعة
حصه جافت ميره فتمو يتمشون ويسولفون
حصه :اقلج تخيلي يوم الخميس الدكتور عطانا كويز وانا هالدكتور حرفيا مو فاهمه شي عنده
ميره :اوف مداكم تبدون كويزات
حصه:وبعد يعني لازم شرات البقره اذاكر لانه مول ما يراعي فالدرجات يعني حتى لو درجه ما يزيد نحيييس
ميره :اي ماده
حصه :it
ميره :انجليزي ولا عربي
حصه:انقلش لو عربي كنت بمشي عمري
ميره :بس خلاص امورج خالصه
حصه :كفو يا بنت العم بس كيف
ميره:ما يباله شي الit انا فاهمتنه بي بيتكم بفهمج واذا تبين اي مشروع بعد بعطيج
جان حصه من الوناسه تحضنها
حصه:واااااااي فديتج والله انج كفو
ميره :اييييي حصوه ترانا فالجامعه وبرع مو داخل بعد
حمد كان ياي يمر ع ميره جان يشوفهم ويضحك
ميره:يلا حمد يا بسير
حصه :يالفشلهههههه
ميره:تستاهليين يلا جاو و متى ما فضيتي كلميني بي بيتكم بدرسج
حصه :بس تم
ركبت ميره
ميره:السلام عليكم
حمد :وعليكم السلام ،حد بيمر ع حصه ولا نوصلها
ميره:ماعرف بس اكيد في حد
حمد :ناديها اساليها
حصه واقفه بعيد وتطالعهم وتقول :ان شاء الله ما ينادوني
جان حمد يهرن
حصه :اووووف
وراحت صوب ميره
حصه :السلام عليكم
حمد:وعليكم السلام
ميره :في حد بيمر عليج ولا نوصلج
حصه :لا علي خلص دوامه والحين ياي فالدرب 5دقايق و يوصل
حمد :اكييد
حصه :هي يلا انتو سيرو لا تتاخرون
وصل علي
علي :هلا والله بحصه بنت جاسم
حصه :اهلين علي بن جاسم
علي :ش مسويه فالجامعه ش الامور
حصه :والله ماشي ممشيه اموري انت ش مسوي فالدوام
علي :اوف لا تذكريني فالدوام يا حصوه
حصه :ليش
علي :بقول بس مو تزعلين لان الشي مو بيدي
حصه :قول
علي :بسير سنتين برع البلاد
حصه :مو وقتك تسولف
علي:والله ما ا جذب ،لا تزعلين بعزمج عالغدا وين تبين تاكلين
حصه زعلت وااايد وفيها الغصه :مابي ردني البيت
علي وقف الموتر
علي:حصوه لا تسوين جي ما ابا اسير وانا افكر فيكم
حصه :ش تباني اقول يعني
وحضنها
حصه :لا تروح علي
علي يمسح دموعها :لازم اروح والله شكثر حاولت اني ما اسير وانا كلمت ابوي واخواني و عطيتهم خبر بالليل طيارتي
حصه: شووو
علي :وين تبين اوديج رايحين دبي
حصه :يالسخيف اونك تراضيني يعني
علي :حصوه خ نستانس اليوم بعدين اليوم الكرت مفتوح شو ما تبين بشتريلج لو بيت لا لا بيت لا لو سياره
حصه تضحك😂😂
علي :هي جي اباج
وراحو تغدو وتمشو
فالمول
علي:قلتلج كرت مفتوح بس ماقلتلج خمي المول
حصه :احسن محد قالك
علي :تستاهلين بنت جاسم